ಹೊಸ ವರ್ಷಕ್ಕೆ ಡಸ್ಟರ್ ಡಕಾರ್ Rally ಹಬ್ಬ

ಭಾರತೀಯ ಮಾರುಕಟ್ಟೆಯಲ್ಲಿ ಅಪಾರ ಯಶಸ್ಸು ಸಾಧಿಸಿದ ಬಳಿಕ ಕ್ರೀಡಾ ಯುಟಿಲಿಟಿ ವೆಹಿಕಲ್‌ನಲ್ಲಿ ತನ್ನದೇ ಆದ ವೈಶಿಷ್ಟ್ಯ ಉಳಿಸಿಕೊಂಡಿರುವ ರೆನೊ ಡಸ್ಟರ್ ಹೊಸ ವರ್ಷದಲ್ಲಿ ಜಾಗತಿಕವಾಗಿ ಹೆಸರಾಂತ ಆಫ್ ರೋಡ್ ಮೋಟಾರ್ ಸ್ಪೋರ್ಟಿಂಗ್ ಡಕಾರ್ Rallyಗೆ ಸಜ್ಜಾಗುತ್ತಿದೆ.

ಕಾರ್ ಟ್ರೇಡ್ ಡಾಟ್ ಕಾಮ್ ವರದಿ ಪ್ರಕಾರ ರೆನೊ ಡಸ್ಟರ್ ಸ್ಪೆಷಲ್ ವರ್ಷನ್ ಕಾರು ಡಕಾರ್ Rallyಯಲ್ಲಿ ಭಾಗಿಯಾಗಲಿದೆ. ಈ ಮೂಲಕ ವಿಶ್ವದೆಲ್ಲೆಡೆಯ ಅಭಿಮಾನಿಗಳನ್ನು ಮನರಂಜಿಸಲಿದೆ.

ಭಾರತೀಯ ಮಾರುಕಟ್ಟೆಗೆ ಡಸ್ಟರ್ ಮಾದರಿಯನ್ನು ಪರಿಚಯಿಸಿದ್ದ ಫ್ರಾನ್ಸ್‌ನ ಈ ದೈತ್ಯ ವಾಹನ ತಯಾರಕ ಕಂಪನಿಯು ದೇಶದ ಈ ಸೆಗ್ಮೆಂಟ್‌ನ ಮಾರುಕಟ್ಟೆಯಲ್ಲಿ ಭಾರಿ ಜನಪ್ರಿಯತೆ ಗಿಟ್ಟಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿತ್ತು.

ವಿಶ್ವದ ಆಫ್ ರೋಡ್ ಮೋಟಾರ್ ಸ್ಪೋರ್ಟಿಂಗ್ ರೇಸ್‌ನಲ್ಲಿ ಡಕಾರ್ Rally ತನ್ನದೇ ಆದ ವೈಶಿಷ್ಟ್ಯವನ್ನು ಹೊಂದಿದೆ. ಹಾಗೆಯೇ ಡಸರ್ಟ್ ಹಾಗೂ ಟೆರೈನ್ ಭೂಮಿಯಲ್ಲಿ ಈ ಎಸ್‌ಯುವಿ ಕಾರು ಪ್ರೇಕ್ಷಕರನ್ನು ತುದಿಗಾಲಲ್ಲಿ ನಿಲ್ಲುವಂತೆ ಮಾಡಲಿದೆ.

ವಿಶೇಷವಾಗಿ ಸಿದ್ಧಪಡಿಸಲಾದ ಡಸ್ಟರ್ ಕಾರುಗಳು ಡಕಾರ್ ರೇಸಿಂಗ್‌ನಲ್ಲಿ ಭಾಗಿಯಾಗಲಿದೆ. 3.5 ಲೀಟರ್ ಹಾಗೂ v6 ಪೆಟ್ರೋಲ್ ಮೋಟಾರ್‌ನಿಂದ ನಿಯಂತ್ರಿಸಲ್ಪಟ್ಟ ಡಸ್ಟರ್ ಮಾದರಿಯು ಪ್ರಭಾವಿ 300 ಬಿಎಚ್‌ಪಿ ಪವರ್ ಉತ್ಪಾದಿಸಲಿದೆ.

ಹೊಸ ವರ್ಷಕ್ಕೆ ಕಾಲಿಟ್ಟಿರುವಂತೆಯೇ ಎಲ್ಲ ಹಂತದಲ್ಲಿಯೂ ಕಾರು ಪ್ರಿಯರನ್ನು ಸೆಳೆಯುವ ಯೋಜನೆಯನ್ನು ರೆನೊ ಹೊಂದಿದೆ.

2013 ರೆನೊ ಡಕಾರ್ Rally ಜನವರಿ 5ರಿಂದ 15ರ ವರೆಗೆ ಆಯೋಜನೆಯಾಗಲಿದೆ. ಡಕಾರ್ Rally ವಿಶ್ವದ ಅತ್ಯಂತ ಕಠಿಣ Rallyಗಳಲ್ಲಿ ಒಂದು ಎಂದು ಪರಿಗಣಿಸಲಾಗುತ್ತಿದೆ.

ದಕ್ಷಿಣ ಅಮೆರಿಕದ ಲೈಮಾ, ಪೆರು, ಅರ್ಜೆಂಟೀನಾ ಹಾಗೂ ಸಾಂಟಿಯಾಗೊ ದೇಶಗಳಲ್ಲಿ ಹಾದು ಹೋಗಲಿರುವ ರೇಸ್ 8000 ಕೀ.ಮೀ ದೂರವನ್ನು ಕ್ರಮಿಕರಿಸಲಿದೆ.

ಭಾರತದ ವರ್ಷದ ಕಾರು 2013 ಗೌರವಕ್ಕೂ ರೆನೊ ಡಸ್ಟರ್ ಪಾತ್ರವಾಗಿತ್ತು.

ಸದ್ಯ ರೆನೊ ಡಸ್ಟರ್ ದೇಶದ ಮಾರುಕಟ್ಟೆಯಲ್ಲಿ ಅತಿ ಜನಪ್ರಿಯತೆ ಗಿಟ್ಟಿಸಿಕೊಂಡಿದೆ.