2015 ಜಾಗ್ವಾರ್ ಎಕ್ಸ್‌ಇ ಎಂಟ್ರಿ ಲೆವೆಲ್ ಕಾರು ಅನಾವರಣ

ದೇಶದ ಅತಿ ದೊಡ್ಡ ವಾಹನ ತಯಾರಕ ಸಂಸ್ಥೆಯಾಗಿರುವ ಟಾಟಾ ಮೋಟಾರ್ಸ್ ಅಧೀನತೆಯಲ್ಲಿರುವ ಜಾಗ್ವಾರ್, ಲಂಡನ್‌ನಲ್ಲಿ ಹೊಸತಾದ ಎಂಟ್ರಿ ಲೆವೆಲ್ ಪ್ರೀಮಿಯರ್ ಸೆಡಾನ್ ಕಾರಾಗಿರುವ ಎಕ್ಸ್‌ಇ ಅನಾವರಣಗೊಳಿಸಿದೆ.

2015 ಜಾಗ್ವಾರ್ ಎಕ್ಸ್‌ಇ ಮುಂದಿನ ವರ್ಷ ಬಿಡುಗಡೆಯಾಗಲಿದೆ. ಅಲ್ಲದೆ ಮುಂಬರುವ ಅಕ್ಟೋಬರ್ ತಿಂಗಳಲ್ಲಿ ನಡೆಯಲಿರುವ ಪ್ಯಾರಿಸ್ ಮೋಟಾರು ಶೋದಲ್ಲಿ ಕಾರಿಗೆ ಸಂಬಂಧಪಟ್ಟ ಹೆಚ್ಚಿನ ಮಾಹಿತಿ ಲಭಿಸಲಿದೆ.

ಇದುವರೆಗೆ ಅತ್ಯಂತ ದುಬಾರಿ ಕಾರುಗಳ ಸಾಲಿನಲ್ಲಿ ಮಾತ್ರ ಕಾಣಿಸಿಕೊಂಡಿದ್ದ ಜಾಗ್ವಾರ್ ಇದೀಗ ಸಮಯಕ್ಕೆ ತಕ್ಕಂತೆ ತನ್ನ ನಿಲುವನ್ನು ಸಡಿಲಿಸಿದೆ. ಇದು ಹೆಚ್ಚು ಗ್ರಾಹಕರನ್ನು ತಲುಪುವಲ್ಲೂ ಜಾಗ್ವಾರ್‌ಗೆ ಸಹಕಾರಿಯಾಗಲಿದೆ.