ವರ್ಷಂಪ್ರತಿ ಟಾಟಾದಿಂದ ಹೊಸ ಹೊಸ ಕಾರುಗಳು ಆಗಮನ

ದೇಶದ ಅತಿ ದೊಡ್ಡ ವಾಹನ ಸಂಸ್ಥೆಯಾಗಿರುವ ಟಾಟಾ ಮೋಟಾರ್ಸ್, 2020ರ ವರೆಗೆ ವರ್ಷಂಪ್ರತಿ ಹೊಸ ಹೊಸ ಮಾದರಿಗಳನ್ನು ಬಿಡುಗಡೆ ಮಾಡುವ ಯೋಜನೆ ಹೊಂದಿದೆ.

2014 ಆಟೋ ಎಕ್ಸ್ ಪೋದಲ್ಲಿ ಪ್ರಭಾವತ್ಮಾಕ ಪ್ರದರ್ಶನ ನೀಡಿದ್ದ ಸೈರಸ್ ಮಿಸ್ತ್ರಿ ನೇತೃತ್ವದಲ್ಲಿ ಹೊಸ ಆಶಾಕಿರಣ ಮೂಡಿಸಿತ್ತು. ಇದರ ಪರಿಣಾಮವಾಗಿಯೇ ಬೋಲ್ಟ್ ಹಾಗೂ ಜೆಸ್ಟ್ ಮಾದರಿಗಳ ಪ್ರದರ್ಶನವಾಗಿತ್ತು.

ಜಾಗತಿಕ ಮಾರುಕಟ್ಟೆಗೆ ಅನುಗುಣವಾಗಿ ಮಾದರಿ ಬಿಡುಗಡೆ ಮಾಡುವುದು ಟಾಟಾ ಯೋಜನೆಯಾಗಿದೆ. ಹಾಗೆಯೇ ಹೊಸ ಸುಧಾರಿತ ಎಂಜಿನ್ ಅಭಿವೃದ್ಧಿಯಲ್ಲೂ ತೊಡಗಿಸಿಕೊಂಡಿದೆ. ಈಗಾಗಲೇ ಟಾಟಾ 1.2 ಲೀಟರ್ ರೇವೊಟ್ರಾನ್ ಟರ್ಬೊಚಾರ್ಜ್ಡ್ ಪೆಟ್ರೋಲ್ ಎಂಜಿನ್ ಪರಿಚಯಿಸಿದೆ.

ಈ ನಿಟ್ಟಿನಲ್ಲಿ ರೇವೋಟ್ರಾನ್ ಎಂಜಿನ್ ಅಭಿಯಾನವನ್ನು ಸಂಸ್ಥೆ ಹಮ್ಮಿಕೊಳ್ಳುತ್ತಿದೆ. ಟಾಟಾ ಯೋಜನೆಯಂತೆ ವರ್ಷಂಪ್ರತಿ ಕನಿಷ್ಠ ಎರಡೆರಡು ಹೊಸ ಮಾದರಿಗಳನ್ನು ಬಿಡುಗಡೆ ಮಾಡುವ ಯೋಜನೆ ಹೊಂದಿದೆ.