ಫಿಯೆಟ್ ಅವೆಂಚ್ಯುರಾ ಬಿಡುಗಡೆಗೆ ಮುಹೂರ್ತ ಫಿಕ್ಸ್

ಅಂತು ಇಂತೂ ಬಹುನಿರೀಕ್ಷಿತ ಫಿಯೆಟ್ ಅವೆಂಚ್ಯುರಾ ಭಾರತ ಪ್ರವೇಶಕ್ಕೆ ಕಾಲ ನಿಗದಿಯಾಗಿದೆ. ಈ ಹಿಂದೆ ಕೊಟ್ಟಿರುವ ಮಾತನ್ನು ಪಾಲಿಸಿರುವ ಫಿಯೆಟ್ ಮುಂಬರುವ ಅಕ್ಟೋಬರ್ 21ರಂದು ಫಿಯೆಟ್ ಅವೆಂಚ್ಯುರಾ ಮಾದರಿಯನ್ನು ಬಿಡುಗಡೆ ಮಾಡಲಿದೆ.

ದೇಶಕ್ಕೆ ಈಗಾಗಲೇ ಲಿನಿಯಾ ಸೆಡಾನ್, ಪರಿಷ್ಕೃತ ಪುಂಟೊ ಮತ್ತು ಪುಂಟೊ ಇವೊ ಮಾದರಿಗಳನ್ನು ಪರಿಚಯಿಸಿರುವ ಫಿಯೆಟ್, ಅವೆಂಚ್ಯುರಾ ಮೇಲೆ ಅತಿ ಹೆಚ್ಚಿನ ನಿರೀಕ್ಷೆ ಇಟ್ಟುಕೊಂಡಿದೆ.

ಈ ಹಿಂದೆ ಹಲವಾರು ಕಾರಣಗಳಿಂದಾಗಿ ಅವೆಂಚ್ಯುರಾ ಭಾರತ ಬಿಡುಗಡೆ ವಿಳಂಬವಾಗಿತ್ತು. ಈ ಕ್ರಾಸೋವರ್ ಮಾದರಿಯಲ್ಲಿರುವ 1.4 ಲೀಟರ್ ಪೆಟ್ರೋಲ್ ಎಂಜಿನ್ 90 ಅಶ್ವಶಕ್ತಿ (115 ಎನ್‌ಎಂ ಟಾರ್ಕ್) ಉತ್ಪಾದಿಸಲಿದೆ. ಇದು 1.3 ಲೀಟರ್ ಟರ್ಬೊಚಾರ್ಜ್ಡ್ ಡೀಸೆಲ್ ಎಂಜಿನ್ ಸಹ ಪಡೆಯಲಿದೆ. ಇದು 88.7 ಅಶ್ವಶಕ್ತಿ (209 ಎನ್‌ಎಂ ಟಾರ್ಕ್) ಉತ್ಪಾದಿಸಲಿದೆ. ಇವೆರಡು 5 ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್ ಪಡೆಯಲಿದೆ.