ದೀಪಾವಳಿ ಕೊಡುಗೆ; ಬಹುನಿರೀಕ್ಷಿತ ಫಿಯೆಟ್ ಅವೆಂಚ್ಯುರಾ ಬಿಡುಗಡೆ

By Nagaraja

Published: Tuesday, October 21, 2014, 14:54 [IST]

ಬೆಳಕಿನ ಹಬ್ಬ ದೀಪಾವಳಿ ಬರಮಾಡಿಕೊಳ್ಳುತ್ತಿರುವ ದೇಶದ ವಾಹನ ಪ್ರೇಮಿಗಳಿಗೆ ಸಿಹಿ ಸುದ್ದಿಯೊಂದಿಗೆ ಮುಂದೆ ಬಂದಿರುವ ಇಟಲಿ ಮೂಲದ ಐಕಾನಿಕ್ ವಾಹನ ತಯಾರಿಕ ಸಂಸ್ಥೆಯಾಗಿರುವ ಫಿಯೆಟ್ ಗ್ರೂಪ್ ಆಟೋಮೊಬೈಲ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್ (ಎಫ್‌ಜಿಎಐಪಿಎಲ್) ಸಂಸ್ಥೆಯು ಬಹುನಿರೀಕ್ಷಿತ ಫಿಯೆಟ್ ಅವೆಂಚ್ಯುರಾ ಸಮಕಾಲೀನ ಅರ್ಬಲ್ ವಾಹನವನ್ನು (ಸಿಯುವಿ) ಬಿಡುಗಡೆಗೊಳಿಸಿದೆ.

ಎಲ್ಲ ವಾತಾವರಣಕ್ಕೂ ಹೊಂದಿಕೆಯಾಗುವಂತಹ ಫಿಯೆಟ್‌ನ ಹೊಸ ಕ್ರಾಸೋವರ್ ಶೈಲಿಯ ಅವೆಂಚ್ಯುರಾ ದೆಹಲಿ ಎಕ್ಸ್ ಶೋ ರೂಂ ಪ್ರಾರಂಭಿಕ ಬೆಲೆ 5.99 ಲಕ್ಷ ರು. ಆಗಿರಲಿದೆ. ಅದೇ ಹೊತ್ತಿಗೆ ಮುಂಬೈ ಪ್ರಾರಂಭಿಕ ಬೆಲೆ 6.14 ಲಕ್ಷ ರು.ಗಳಿಷ್ಟಿರಲಿದೆ (ಎಕ್ಸ್ ಶೋ ರೂಂ).

ಫಿಯೆಟ್ ಅವೆಂಚ್ಯುರಾ ಪುಣೆಯ ರಂಜಗಾಂವ್‌ನಲ್ಲಿ ನಿರ್ಮಾಣವಾಗಲಿದ್ದು, ದೇಶೆದೆಲ್ಲೆಡೆ ಸ್ಥಿತಗೊಂಡಿರುವ ವಿತರಣ ಮಳಿಗೆಗೆ ರವಾನೆಯಾಗಲಿದೆ. ಕಾಂಪಾಕ್ಟ್ ಶೈಲಿಯೆನ್ನು ಹೊಂದಿರುವ ಫಿಯೆಟ್ ಅವೆಂಚ್ಯುರಾ ದೇಶದ ಕಾರು ಮಾರುಕಟ್ಟೆಯಲ್ಲಿ ಸಂಚಲನ ಮೂಡಿಸುವ ನಿರೀಕ್ಷೆಯಿದ್ದು, ತನ್ನದೇ ಆದ ವಿಶಿಷ್ಟ ವಿನ್ಯಾಸ ಕಾಪಾಡಿಕೊಂಡಿದೆ.

ಭಾರತೀಯ ಪರಿಸ್ಥಿತಿಯನ್ನು ಗಮನದಲ್ಲಿಟ್ಟುಕೊಂಡು ಹೊಸ ಫಿಯೆಟ್ ಅವೆಂಚ್ಯುರಾ ವಿನ್ಯಾಸಗೊಳಿಸಲಾಗಿದೆ. ಸಂಪೂರ್ಣವಾಗಿಯೂ ಭಾರತದಲ್ಲೇ ನಿರ್ಮಾಣವಾಗಿರುವ ಈ ಮಹತ್ತರ ಗಾಡಿಯ ಬುಕ್ಕಿಂಗ್ ಈಗಾಗಲೇ ಆರಂಭಗೊಂಡಿರುತ್ತದೆ.

ನಿಮ್ಮ ಮಾಹಿತಿಗಾಗಿ, ವರ್ಷಾರಂಭದಲ್ಲಿ ನಡೆದ ದೆಹಲಿ ಆಟೋ ಎಕ್ಸ್ ಪೋದಲ್ಲಿ ಫಿಯೆಟ್ ಅವೆಂಚ್ಯುರಾ ಭರ್ಜರಿ ಪ್ರದರ್ಶನ ಕಂಡಿತ್ತು. ಇದು ಹೈ ಟರೈನ್ ಗೇಜ್, ಕ್ರಿಯಾತ್ಮಕ ರೂಫ್ ರೈಲ್, ದೊಡ್ಡದಾದ ಬೂಟ್ ಸ್ಪೇಸ್ ಮತ್ತು 60:40 ವಿಭಜಿತ ಸೀಟು ವ್ಯವಸ್ಥೆಯನ್ನು ಹೊಂದಿದೆ. ಹಾಗಯೇ 205 ಎಂಎಂ ಗ್ರೌಂಡ್ ಕ್ಲಿಯರನ್ಸ್ ನೆರವಿನೊಂದಿಗೆ ನಯವಾದ ಚಾಲನಾ ಅನುಭವ ನೀಡಲಿದೆ. ಇಟಲಿಯ ವಿನ್ಯಾಸ, ಆಕ್ರಮಣಕಾರಿ ಹಾಗೂ ದಿಟ್ಟವಾದ ಸ್ವಭಾವ, ಫ್ಯಾಶನ್‌ಗೆ ತಕ್ಕ ಸ್ಪೇರ್ ವೀಲ್ ಎಲ್ಲವೂ ಸಕ್ರಿಯ ಜೀವನಕ್ಕೆ ಸಹಕಾರಿಯಾಗಲಿದೆ.