ಪರಿಸರ ಸ್ನೇಹಿ ಕಾರುಗಳಿಗೆ ಸಬ್ಸಿಡಿ ಬೇಕು

ಇಕೋ ಫ್ರೆಂಡ್ಲಿ ಎಲೆಕ್ಟ್ರಾನಿಕ್ಸ್‌ ಉತ್ಪನ್ನಗಳು ಮಾರುಕಟ್ಟೆಯಲ್ಲಿದೆ. ಈಗ ಆಟೋಮೊಬೈಲ್‌ ಕ್ಷೇತ್ರದ ಕಂಪೆನಿಗಳು ಪರಿಸರ ಸ್ನೇಹಿ ಕಾರುಗಳನ್ನು ತಯಾರಿಸಲು ಮುಂದಾಗುತ್ತಿದೆ.

ಜಪಾನ್‌ ಪ್ರಧಾನಿ ಶಿನೊ ಅಬೆ ಈಗಾಗಲೇ ಇಕೋ ಫ್ರೆಂಡ್ಲಿ ಕಾರು ನಿರ್ಮಾ‌ಣಕ್ಕೆ ಉತ್ತೇಜನ ನೀಡಿದ್ದು ಈ ಕಾರುಗಳನ್ನು ಖರೀದಿಸುವ ಗ್ರಾಹಕರಿಗೆ ಎರಡು 20 ಲಕ್ಷ ಯಾನ್‌(ಅಂದಾಜು11.85 ಲಕ್ಷ) ಸಹಾಯಧನ ನೀಡುವುದಾಗಿ ಘೋಷಿಸಿದ್ದಾರೆ.

ಜಪಾನಿನ ಕೆಲ ಆಟೋಮೊಬೈಲ್‌ ಕಂಪೆನಿಗಳು ಇಕೋ ಫ್ರೆಂಡ್ಲಿ ಕಾರು ಉತ್ಪಾದನೆಗೆ ಮುಂದಾಗುತ್ತಿವೆ. ಟಯೋಟಾ ಕಂಪೆನಿ ಈಗಾಗಲೇ ಬ್ಯಾಟರಿ ಆಧಾರಿತ ಕಾರು ನಿರ್ಮಾಣಕ್ಕೆ ತೊಡಗಿದ್ದು 2015ರ ಮಾರ್ಚ್‌ ವೇಳೆಗೆ ಮೊದಲ ಇಕೋ ಫ್ರೆಂಡ್ಲಿ ಕಾರನ್ನು ಬಿಡುಗಡೆ ಮಾಡುವ ಸಾಧ್ಯತೆಯಿದೆ.

ಈ ಮಧ್ಯೆ ಹೋಂಡಾ ಕಂಪೆನಿ ಸಹ ಜಲಜನಕ ಮತ್ತು ಆಮ್ಲಜನಕ ಬಳಸಿಕೊಂಡು ಇಕೋ ಫ್ರೆಂಢ್ಲಿ ಕಾರು ನಿರ್ಮಾ‌‌ಣಕ್ಕೆ ತೊಡಗಿದೆ.

ದೂರದ ಜಪಾನ್‌ ದೇಶ ಇಕೋ ಫ್ರೆಂಡ್ಲಿ ಕಾರು ಪ್ರೋತ್ಸಾಹ ನೀಡುತ್ತಿದ್ದರೆ, ಭಾರತ ದೇಶ ಇನ್ನೂ ಈ ವಿಚಾರದ ಬಗ್ಗೆ ಹೆಚ್ಚಿನ ಒಲವು ತೋರಿಸಿಲ್ಲ. ಪ್ರಸ್ತುತ ಎಲೆಕ್ಟ್ರಿಕ್‌‌ ಸಾಧನದಿಂದ ಓಡುವ ದ್ವಿಚಕ್ರ ವಾಹನಗಳಿಗೆ ಸರ್ಕಾರ 30 ಸಾವಿರ ರೂ.ಸಬ್ಸಿಡಿ ನೀಡುತ್ತಿದೆ. ಆದರೆ ಕಾರುಗಳಿಗೆ ಸಬ್ಸಿಡಿ ನೀಡುವ ವಿಚಾರದಲ್ಲಿ ಸರ್ಕಾರ ಮೌನವಾಗಿದೆ. ಉಳಿದ ದೇಶಗಳು ಇಕೋ ಫ್ರೆಂಡ್ಲಿ ಕಾರುಗಳಿಗೆ ಪ್ರೋತ್ಸಾಹ ನೀಡಲು ಮುಂದಾಗುತ್ತಿದ್ದಂತೆ ಭಾರತವು ಸಹಾಯ ಧನ ನೀಡುವುದನ್ನು ಪ್ರಕಟಿಸಿದರೆ ಕಾರು ತಯಾರಿಸುವ ಕಂಪೆನಿಗಳಿಗೆ, ಖರೀದಿಸುವ ಗ್ರಾಹಕರಿಗೆ ಸಹಾಯವಾಗಲಿದೆ.