ಗ್ರಾಹಕರ ಇಷ್ಟಕ್ಕೆ ಒಗ್ಗಿದ ಕಾರು ಸಂಸ್ಥೆಗಳು

ಪೆಟ್ರೋಲ್ ಹಾಗೂ ಡೀಸೆಲ್ ಇಂಧನ ಬೆಲೆಗಳ ನಡುವಣ ಅಂತರ ಕಡಿಮೆಯಾಗುತ್ತಲೇ ಬರುತ್ತದೆ. ಆದರೆ ಗ್ರಾಹಕರು ಮಾತ್ರ ಇನ್ನು ಪೆಟ್ರೋಲ್ ಕಾರುಗಳ ಮೇಲೆ ಹೆಚ್ಚು ನೆಚ್ಚಿಕೊಂಡಿದ್ದಾರೆ. ಇದನ್ನೇ ಗಮನದಲ್ಲಿಟ್ಟುಕೊಂಡಿರುವ ವಾಹನ ತಯಾರಿಕ ಸಂಸ್ಥೆಗಳು ಸಹ ಗ್ರಾಹಕರ ಬೇಡಿಕೆಗಳಿಗಾನುಸಾರವಾಗಿ ಪೆಟ್ರೋಲ್ ಕಾರುಗಳನ್ನೇ ಹೆಚ್ಚೆಚ್ಚು ನಿರ್ಮಿಸುವುದರಲ್ಲಿ ಕಾರ್ಯ ಮಗ್ನವಾಗಿದೆ.

ವರದಿಯೊಂದರ ಪ್ರಕಾರ ಡೀಸೆಲ್ ಮಾದರಿಗಳಿಗೆ ಹೋಲಿಸಿದರೆ ಮುಂಬರುವ 2015ರ ಸಾಲಿನಲ್ಲೂ ಪೆಟ್ರೋಲ್ ವಾಹನಗಳ ಉತ್ಪಾದನೆ ಹೆಚ್ಚೆಚ್ಚು ಕಂಡುಬರಲಿದೆ.

ಕಳೆದ ವರ್ಷದ ವರೆಗೂ ಡೀಸೆಲ್ ಕಾರುಗಳು ಬೇಡಿಕೆ ಕಾಯ್ದುಕೊಂಡಿತ್ತು. ಈ ನಿಟ್ಟಿನಲ್ಲಿ ಕೇಂದ್ರ ಸರಕಾರದ ಸಬ್ಸಿಡಿ ನೀತಿ ಪರಿಣಾಮಕಾರಿಯೆನಿಸಿತ್ತು. ಆದರೆ ಮುಂದುವರಿದ ಬೆಳವಣಿಗೆಯಲ್ಲಿ ಡೀಸೆಲ್ ಬೆಲೆಯನ್ನು ಅನಿಯಂತ್ರಣಗೊಳಿಸಿತ್ತು.

ಮಹೀಂದ್ರದಂತಹ ಡೀಸೆಲ್ ಸ್ನೇಹಿ ಕಾರುಗಳ ಮಾರಾಟವೇ 2014 ಆರ್ಥಿಕ ಸಾಲಿನಲ್ಲಿ ಶೇಕಡಾ 20ರಷ್ಟು ಕುಸಿತ ಕಂಡಿರುವುದೇ ಇದಕ್ಕೊಂದು ಉತ್ತಮ ಉದಾಹರಣೆಯಾಗಿದೆ.

ಇನ್ನೊಂದೆಡೆ ನೂತನ ರೆವೊಟ್ರಾನ್ ಪೆಟ್ರೋಲ್ ಎಂಜಿನ್ ಪರಿಚಯಿಸಿರುವ ದೇಶದ ಅತಿ ದೊಡ್ಡ ವಾಹನ ತಯಾರಕ ಸಂಸ್ಥೆ ಟಾಟಾ ಮೋಟಾರ್ಸ್ ಮಾರಾಟದಲ್ಲಿ ಏರಿಕೆ ಕಂಡುಬಂದಿದೆ.