2017ರಲ್ಲಿ ಹೊಸ ಮಿಟ್ಸುಬಿಸಿ ಪಜೆರೊ ಭಾರತಕ್ಕೆ

ಜಪಾನ್ ಮೂಲದ ಪ್ರಖ್ಯಾತ ವಾಹನ ತಯಾರಿಕ ಸಂಸ್ಥೆ ಮಿಟ್ಸುಬಿಸಿ ಜನಪ್ರಿಯ ಕ್ರೀಡಾ ಬಳಕೆಯ ವಾಹನಗಳಲ್ಲಿ ಒಂದಾಗಿರುವ ಪರಿಷ್ಕೃತ ಪಜೆರೊ ಸ್ಪೋರ್ಟ್ 2017ನೇ ಸಾಲಿನಲ್ಲಿ ಭಾರತವನ್ನು ತಲುಪಲಿದೆ.

ಇದರಂತೆ ಭಾರತದಲ್ಲೇ ಜೋಡಣೆ ಕಾರ್ಯ ಹಮ್ಮಿಕೊಳ್ಳುವ ಮೂಲಕ ಸ್ಪರ್ಧಾತ್ಮಕ ಬೆಲೆ ಕಾಯ್ದುಕೊಳ್ಳುವ ಇರಾದೆಯನ್ನು ಸಂಸ್ಥೆ ಹೊಂದಿದೆ. ವರದಿಗಳ ಪ್ರಕಾರ ಮಿಟ್ಸುಬಿಸಿ ಪಜೆರೊ ಕಂಪ್ಲೀಟ್ ನೌಕ್ಡ್ ಡೌನ್ (ಸಿಕೆಡಿ) ಮುಖಾಂತರ ಭಾರತವನ್ನು ತಲುಪಲಿದೆ.

ಚೆನ್ನೈನ ಹಿಂದೂಸ್ತಾನ್ ಘಟಕದಲ್ಲಿ ಪಜೆರೊ ಸ್ಥಳೀಯವಾಗಿ ಜೋಡಣೆಯಾಗಲಿದೆ. ಈ ಮೂಲಕ ಭಾರತದಲ್ಲಿ ತನ್ನ ಮಾರಾಟ ವಲಯವನ್ನು ವಿಸ್ತರಿಸುವ ಯೋಜನೆಯನ್ನು ಮಿಟ್ಸುಬಿಸಿ ಹೊಂದಿದೆ.