ರೆನೊ ಕ್ವಿಡ್ ಸೆಮಿ ಆಟೋಮ್ಯಾಟಿಕ್ ಎಂಜಿನ್‌ನಲ್ಲೂ ಬರುತ್ತಾ?

ಭಾರತ ಮಾರುಕಟ್ಟೆಯಲ್ಲಿ ಭರ್ಜರಿ ಅನಾವರಣಗೊಳ್ಳುವ ಮೂಲಕ ವಾಹನ ಪ್ರೇಮಿಗಳಲ್ಲಿ ಭಾರಿ ಸಂಚಲನ ಮೂಡಿಸಿರುವ ರೆನೊ ಕ್ವಿಡ್ ಸಣ್ಣ ಕಾರು 800ಸಿಸಿ ಎಂಜಿನ್ ಪಡೆದುಕೊಳ್ಳುವುದು ಖಚಿತವಾಗಿದೆ. ಈಗ ಲಭ್ಯವಾಗಿರುವ ತಾಜಾ ಮಾಹಿತಿಯ ಪ್ರಕಾರ ನೂತನ ಕ್ವಿಡ್, ಒಂದು ಲೀಟರ್ ಎಂಜಿನ್ ನೊಂದಿಗೆ ಆಟೋಮ್ಯಾಟಡ್ ಮ್ಯಾನುವಲ್ ಟ್ರಾನ್ಸ್ ಮಿಷನ್ (ಎಎಂಟಿ) ಆಯ್ಕೆಯೂ ಲಭ್ಯವಾಗಲಿದೆ.

ಇತ್ತೀಚೆಗಿನ ಸಮಯಗಳಿಂದ ಭಾರತದಲ್ಲಿ ಸೆಮಿ ಆಟೋಮ್ಯಾಟಿಕ್ ಕಾರುಗಳಿಗೆ ಅತಿ ಹೆಚ್ಚಿನ ಬೇಡಿಕೆ ಕಂಡುಬಂದಿದೆ. ಇದರಂತೆ 2016ರಲ್ಲಿ ಬಿಡುಗಡೆ ಸಾಧ್ಯತೆಯಿರುವ ಕ್ವಿಡ್ ಕಾರಲ್ಲೂ ಇದೇ ಆಯ್ಕೆ ಕಂಡುಬರುವ ಸಾಧ್ಯತೆಯಿದೆ.

ರೆನೊ-ನಿಸ್ಸಾನ್ ಸಿಎಂಎಫ್-ಎ ತಳಹದಿಯಲ್ಲಿ ನೂತನ ಕಾರು ನಿರ್ಮಾಣವಾಗುತ್ತಿದೆ. ಮುಂದೆ ಇದೇ ತಳಹದಿಯಲ್ಲಿ ದಟ್ಸನ್ ರೆಡಿ ಗೊ ಕಾರು ಸಹ ನಿರ್ಮಾಣವಾಗಲಿದೆ.