ದೇಶದತ್ತ ಟೊಯೊಟಾ ವೈಯೊಸ್; ಆದ್ರೂ ತಡವಾದೀತು!

ಮಧ್ಯಮ ಗಾತ್ರ ಸೆಡಾನ್ ವಿಭಾಗದಲ್ಲಿ ಕಳೆದ ಎಪ್ರಿಲ್ ನಿಂದ ಸೆಪ್ಟೆಂಬರ್ ವರಗಿನ ಅವಧಿಯಲ್ಲಿ 89,669 ಯುನಿಟ್ ಗಳ ಮಾರಾಟ ಕಂಡಿದ್ದು, ಶೇಕಾಡಾ 16ರಷ್ಟು ವರ್ಧನೆಯಾಗಿದೆ. ಇದನ್ನು ಮನಗಂಡಿರುವ ಟೊಯೊಟಾ ತನ್ನ ಅತ್ಯುತ್ತಮ ಉತ್ಪನ್ನಗಳಲ್ಲಿ ಒಂದಾಗಿರುವ ವೈಯೊಸ್ ದೇಶದ ಮಾರುಕಟ್ಟೆಗಿಳಿಸಲು ನಿರ್ಧರಿಸಿದೆ.

ಇದರೊಂದಿಗೆ ಸದ್ಯ ಮಾರುಕಟ್ಟೆಯಲ್ಲಿರುವ ಟೊಯೊಟಾ ಇಟಿಯೋಸ್ ಸೆಡಾನ್ ಕಾರು ತನ್ನ ಹೊಸ ಸೋದರನಿಗೆ ಹಾದಿ ಬಿಟ್ಟು ಕೊಡುವ ಸಾಧ್ಯತೆಯಿದೆ.

ಪ್ರಸ್ತುತ ಥಾಯ್ಲೆಂಡ್‌ನಲ್ಲಿರುವ ಟೊಯೊಟಾ ಮೋಟಾರು ಏಷ್ಯಾ ಫೆಸಿಫಿಕ್ ಘಟಕದಲ್ಲಿ ಅಭಿವೃದ್ಧಿಪಡಿಸಲಾಗುತ್ತಿದೆ. ಹಾಗಿದ್ದರೂ ದೇಶದಲ್ಲಿ ಸ್ಪರ್ದಾತ್ಮಕ ಬೆಲೆ ಕಾಪಾಡುವ ನಿಟ್ಟಿನಲ್ಲಿ ಉತ್ಪಾದನೆಯನ್ನು ಸ್ಥಳೀಯವಾಗಿಸಬೇಕಾಗಿದೆ.

ಹಾಗಿದ್ದರೂ ನೂತನ ವೈಯೊಸ್ ದೇಶ ಪ್ರವೇಶಕ್ಕಾಗಿ ವಾಹನ ಪ್ರೇಮಿಗಳು ಇನ್ನಷ್ಟು ಸಮಯ ಕಾಯಬೇಕಾಗಿದೆ. ಇದು 2018ನೇ ಇಸವಿಯ ವೇಳೆಯಷ್ಟೇ ಭಾರತವನ್ನು ಪ್ರವೇಶಿಸಲಿದೆ.

ನೂತನ ಟೊಯೊಟಾ ವೈಯೊಸ್ 1.6 ಲೀಟರ್ ಪೆಟ್ರೋಲ್ ಹಾಗೂ 1.6 ಲೀಟರ್ ಡೀಸೆಲ್ ಎಂಜಿನ್ ನಿಯಂತ್ರಿಸಲ್ಪಡುವ ಸಾಧ್ಯತೆಯಿದೆ. ಅಂತೆಯೇ ನಾಲ್ಕು ಸ್ಪೀಡ್ ಎಲೆಕ್ಟ್ರಾನಿಕ್ ಕಂಟ್ರೋಲ್ ಟ್ರಾನ್ಸ್‌ಮಿಷನ್ (ಇಸಿಟಿ) ನಿರೀಕ್ಷೆ ಮಾಡಬಹುದಾಗಿದೆ.

ಸದ್ಯ ಮಲೇಷ್ಯಾ ಮಾರುಕಟ್ಟೆಯಲ್ಲಿ ಮಾರಾಟದಲ್ಲಿರುವ ಟೊಯೊಟಾ ವೈಯೊಸ್ 13 ಲಕ್ಷ ರು.ಗಳಷ್ಟು (ಭಾರತೀಯ ರುಪಾಯಿ ಮೌಲ್ಯದ ಪ್ರಕಾರ) ದುಬಾರಿಯೆನಿಸುತ್ತದೆ. ಇನ್ನು ಭಾರತದಲ್ಲಿ ನಿರ್ಮಾಣ ಸ್ಥಳೀಯವಾಗಿಸಿದರೆ 7ರಿಂದ 11 ಲಕ್ಷ ರು.ಗಳ ಸ್ಪರ್ಧಾತ್ಮಕ ಬೆಲೆ ಪರಿಧಿಯನ್ನು ಕಾಪಾಡಿಕೊಳ್ಳಬಹುದಾಗಿದೆ.

ಕೈಕೊಟ್ಟ ಲ್ಯಾಂಡ್ ಕ್ರೂಸರ್; ಸೂರತ್ ಮಾಲಿಕನಿಂದ ಕತ್ತೆ ಸೇವೆ! ಮುಂದಕ್ಕೆ ಓದಿ