ದಟ್ಸನ್ ರೆಡಿ ಗೊ ಭರ್ಜರಿ ಬಿಡುಗಡೆ; ಬೆಲೆ ಕೇವಲ 2.38 ಲಕ್ಷ ರು. ಮಾತ್ರ!

By Nagaraja

Published: Tuesday, June 7, 2016, 13:36 [IST]

ನಿಸ್ಸಾನ್ ಬಜೆಟ್ ಬ್ರಾಂಡ್ ಆಗಿರುವ ದಟ್ಸನ್ ಭಾರತದ ಮೊದಲ ಅರ್ಬನ್ ಕ್ರಾಸ್ 'ರೆಡಿ ಗೊ' ಕಾರನ್ನು ಬಿಡುಗಡೆಗೊಳಿಸಿದೆ. ಇದು ದೇಶದಲ್ಲಿ ದಟ್ಸನ್ ಬಿಡುಗಡೆ ಮಾಡುತ್ತಿರುವ ಮೂರನೇ ಮಾದರಿಯಾಗಿದೆ. ಇದಕ್ಕೂ ಮೊದಲು ಗೊ ಮತ್ತು ಗೊ ಪ್ಲಸ್ ಕಾರುಗಳನ್ನು ಪರಿಚಯಿಸಿತ್ತು.

ಪ್ರಾರಂಭಿಕ ಬೆಲೆ: 2.38 ಲಕ್ಷ ರು. (ಎಕ್ಸ್ ಶೋ ರೂಂ ದೆಹಲಿ)

ದಟ್ಸನ್ ರೆಡಿ ಗೊ ಸಂಪೂರ್ಣ ಚಾಲನಾ ವಿಮರ್ಶೆ (ಎಕ್ಸ್ ಕ್ಲೂಸಿವ್ ಚಿತ್ರಗಳ ಸಹಿತ)

ದೆಹಲಿ ಪ್ರಾರಂಭಿಕ ಬೆಲೆ 2.38 ಲಕ್ಷ ರು.ಗಳಲ್ಲಿ ಬಿಡುಗಡೆಗೊಂಡಿರುವ ದಟ್ಸನ್ ರೆಡಿ ಗೊ ನಿಜಕ್ಕೂ ಅಚ್ಚರಿ ಮೂಡಿಸಿದೆ. ಅಂತೆಯೇ ಟಾಪ್ ಎಂಡ್ ವೆರಿಯಂಟ್ ಕೇವಲ 3.34 ಲಕ್ಷ ರು.ಗಳಷ್ಟು ಮಾತ್ರ ದುಬಾರಿಯೆನಿಸಲಿದೆ.

ನೂತನ ದಟ್ಸನ್ ರೆಡಿ ಗೊ ತಲಾ ಐದು ವೆರಿಯಂಟ್ ಹಾಗೂ ಬಣ್ಣಗಳಲ್ಲಿ ಲಭ್ಯವಾಗಲಿದೆ. ಅಲ್ಲದೆ ಐದು ವಿಭಿನ್ನ ಕಸ್ಟಮೈಸ್ ಆಯ್ಕೆಗಳನ್ನು ಕೊಡಲಾಗಿದೆ.

ಬೆಲೆ ಮಾಹಿತಿ (ಎಕ್ಸ್ ಶೋ ರೂಂ ದೆಹಲಿ)

ದಟ್ಸನ್ ರೆಡಿ ಗೊ ಡಿ: 2,38,900 ರು.
ದಟ್ಸನ್ ರೆಡಿ ಗೊ ಎ: 2,82,649 ರು.
ದಟ್ಸನ್ ರೆಡಿ ಗೊ ಟಿ: 3,09,149 ರು.
ದಟ್ಸನ್ ರೆಡಿ ಗೊ ಟಿ (ಐಚ್ಛಿಕ): 3,19,399 ರು.
ದಟ್ಸನ್ ರೆಡಿ ಗೊ ಎಸ್: 3,34,399 ರು.

ಬೆಲೆ ಮಾಹಿತಿ (ಎಕ್ಸ್ ಶೋ ರೂಂ ಮುಂಬೈ)

ದಟ್ಸನ್ ರೆಡಿ ಗೊ ಡಿ: 2,49,220 ರು.
ದಟ್ಸನ್ ರೆಡಿ ಗೊ ಎ: 2,94,859 ರು.
ದಟ್ಸನ್ ರೆಡಿ ಗೊ ಟಿ: 3,22,504 ರು.
ದಟ್ಸನ್ ರೆಡಿ ಗೊ ಟಿ (ಐಚ್ಛಿಕ): 3,33,197 ರು.
ದಟ್ಸನ್ ರೆಡಿ ಗೊ ಎಸ್: 3,48,845 ರು.

ರೆನೊ ಕ್ವಿಡ್ ಜೊತೆ ಸಿಎಂಎಫ್-ಎ ತಳಹದಿಯನ್ನು ಹಂಚಿಕೊಂಡಿರುವ ದಟ್ಸನ್ ರೆಡಿ ಗೊ ಅರ್ಬನ್ ಕ್ರಾಸೋವರ್ ಕಾರನ್ನು ಭಾರತದಲ್ಲೇ ಅಭಿವೃದ್ಧಿ ಹಾಗೂ ನಿರ್ಮಾಣಗೊಳಿಸಿದೆ.

ಎಂಟ್ರಿ ಲೆವೆಲ್ ವಿಭಾಗದಲ್ಲಿ ಆಧುನಿಕತೆ, ತಾಜಾತನ, ಸ್ಟೈಲಿಶ್ ಎನಿಸಿಕೊಂಡಿರುವ ರೆಡಿ ಗೊ 'ಯೂಕಾನ್' (YUKAN) ವಿನ್ಯಾಸ ತತ್ವಶಾಸ್ತ್ರದಲ್ಲಿ ಸಂಸ್ಥೆಯ ಕನಸು, ಪ್ರವೇಶ ಮತ್ತು ನಂಬಿಕೆಯ ಉತ್ಪನ್ನವಾಗಿ ಹೊರಹೊಮ್ಮಿದೆ.

'ಟಾಲ್ ಬಾಯ್' ಶೈಲಿಯ ದಟ್ಸನ್ ರೆಡಿ ಗೊ 185 ಎಂಎಂ ಗ್ರೌಂಡ್ ಕ್ಲಿಯರನ್ಸ್ ಹೊಂದಿದ್ದು, ಐದು ಆಕರ್ಷಕ ಬಣ್ಣಗಳಲ್ಲಿ ಲಭ್ಯವಾಗಲಿದೆ. ಅವುಗಳೆಂದರೆ ವೈಟ್, ಸಿಲ್ವರ್, ಗ್ರೇ, ರಗ್ಬಿ ಮತ್ತು ಲೈಮ್.

ನೂತನ ರೆಡಿ ಗೊ ಕಾರಿನಲ್ಲಿ ಪ್ರೊ-ಸೇಫ್-7 (PRO-SAFE7) ಸಮಗ್ರ ಸುರಕ್ಷಾ ಪ್ಯಾಕೇಜ್ ಒದಗಿಸಲಾಗುತ್ತಿದೆ. ಈ ಮೂಲಕ ಕಡಿಮೆ ಬ್ರೇಕಿಂಗ್ ದೂರ, ಶಕ್ತಿಶಾಲಿ ದೇಹ ರಚನೆ, ಅತ್ಯುತ್ತಮ ಗೋಚರತೆ, ಉನ್ನತ ಮಟ್ಟ ಸಸ್ಪೆನ್ಷನ್ ಸಿಸ್ಟಂ, ಕಾರ್ನರಿಂಗ್ ನಿಖರತೆ, ಎನರ್ಜಿ ಅಬ್ಸಾರ್ಬರ್ ಸ್ಟೀರಿಂಗ್ ಮತ್ತು ಚಾಲಕ ಬದಿಯ ಏರ್ ಬ್ಯಾಗ್ ಇರಲಿದೆ.

ನೂತನ ದಟ್ಸನ್ ರೆಡಿ ಗೊ ಕಾರಿನಲ್ಲಿರುವ 0.8 ಲೀಟರ್ ತ್ರಿ ಸಿಲಿಂಡರ್ ಐ-ಸ್ಯಾಟ್ (i-SAT) ಎಂಜಿನ್, ಫೈವ್ ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್ ಪಡೆಯಲಿದೆ.

ಅಂತೆಯೇ 15.9 ಕೀ.ಮೀ. ಗಳಲ್ಲೇ ಗಂಟೆಗೆ 0-100 ಕೀ.ಮೀ. ವೇಗವರ್ಧಿಸಲಿರುವ ದಟ್ಸನ್ ರೆಡಿ ಗೊ ಗಂಟೆಗೆ ಗರಿಷ್ಠ 140 ಕೀ.ಮೀ. ವೇಗದಲ್ಲಿ ಸಂಚರಿಸಲಿದೆ.

ನೂತನ ದಟ್ಸನ್ ರೆಡಿ ಗೊ ಪ್ರತಿ ಲೀಟರ್ ಗೆ 25.17 ಕೀ.ಮೀ. ಮೈಲೇಜ್ ನೀಡುವ ಸಾಮರ್ಥ್ಯ ಹೊಂದಿರಲಿದೆ.

ಇವೆಲ್ಲದರ ಹೊರತಾಗಿ ಎರಡು ವರ್ಷಗಳ/ ಅನಿಯಮಿತ ಕೀ.ಮೀ. ಸ್ಟ್ಯಾಂಡರ್ಡ್ ವಾರಂಟಿ ಸೌಲಭ್ಯವನ್ನು ನೀಡಲಾಗುತ್ತದೆ. ಇದರ ಜೊತೆಗೆ ಹೆಚ್ಚುವರಿಯಾಗಿ ಉಚಿತ ರೋಡ್ ಸೈಡ್ ಸಹಾಯದ ಜೊತೆಗೆ ಎರಡು ಅಥವಾ ಮೂರು ವರ್ಷಗಳ/ಅನಿಯಮಿತ ಕೀ.ಮೀ. ಐಚ್ಛಿಕ ವಾರಂಟಿ ಸೌಲಭ್ಯವನ್ನು ನೀಡಲಾಗುತ್ತಿದೆ.

ವೈಯಕ್ತಿಕಗೊಳಿಸಿದ ಕಿಟ್ ಆಯ್ಕೆಗಳು

ಹಾಗೆಯೇ ವೈಯಕ್ತಿಗೊಳಿಸಿದ ಐದು ಕಿಟ್ ಆಯ್ಕೆಗಳು ಇದರಲ್ಲಿರುತ್ತದೆ. ಅವುಗಳೆಂದರೆ,

ಅರ್ಬನ್, ಸ್ಟೈಲ್, ಕೂಲ್, ಈಸಿ ಕಿಟ್ - ಎನ್ಹಾನ್ಸ್ ಸ್ಟೈಲ್ ಮತ್ತು ಈಸಿ ಕಿಟ್- ಪ್ರೀಮಿಯಂ ಸ್ಟೈಲ್

ದೇಶದ್ಯಾಂತ ಸ್ಥಿತಗೊಂಡಿರುವ 274 ನಿಸ್ಸಾನ್, ದಟ್ಸನ್ ಸೇಲ್ಸ್ ಆ್ಯಂಡ್ ಸರ್ವಿಸ್ ಕೇಂದ್ರಗಳ ಮುಖಾಂತರ ಮಾರಾಟ ನಡೆಲಿಯದೆ. ಇದರ ಹೊರತಾಗಿ ದಟ್ಸನ್ ಇಂಡಿಯಾ ಆಪ್ ಮುಖಾಂತರವೂ ಗ್ರಾಹಕರು ಬುಕ್ಕಿಂಗ್ ಮಾಡಿಕೊಳ್ಳಬಹುದಾಗಿದೆ. ಇದುವರೆಗೆ 1.5 ಲಕ್ಷ ಗ್ರಾಹಕರು ದಟ್ಸನ್ ಇಂಡಿಯಾ ಆಪ್ ಡೌನ್ ಲೋಡ್ ಮಾಡಿದ್ದಾರೆ.