ಬಿಡುಗಡೆಗೂ ಮುನ್ನವೇ ಮಹೀಂದ್ರ ಕೆಯುವಿ100 ಒಳಮೈ ಚಿತ್ರಗಳು ಲೀಕ್

ನಾಲ್ಕು ವೆರಿಯಂಟ್ ಗಳಲ್ಲಿ (ಕೆ2, ಕೆ4, ಕೆ6 ಮತ್ತು ಕೆ8) ಮಹೀಂದ್ರ ಕೆಯುವಿ ಲಭ್ಯವಾಗಲಿದೆ. ಈ ನಡುವೆ ಟಾಪ್ ಎಂಡ್ ಕೆ8 ಚಿತ್ರಗಳು ಕ್ಯಾಮೆರಾದ ರಹಸ್ಯ ಕಣ್ಣುಗಳಿಗೆ ಸೆರೆ ಸಿಕ್ಕಿವೆ.

ನಾವು ಈ ಮೊದಲೇ ತಿಳಿಸಿರುವಂತೆಯೇ ಟಾಪ್ ಎಂಡ್ ವೆರಿಯಂಟ್ ಗಳಲ್ಲೂ ಆರು ಸೀಟುಗಳ ಆಸನ ವ್ಯವಸ್ಥೆಯಿದೆ. ಅಂದರೆ ಮುಂದಿನ ಸಾಲಿನಲ್ಲೂ ಬೆಂಚ್ ಸೀಟು ವ್ಯವಸ್ಥೆಯನ್ನು ಪಡೆದುಕೊಂಡಿದೆ. ಇದರಿಂದಾಗಿ ಗೇರ್ ನಾಬ್ ಡ್ಯಾಶ್ ಬೋರ್ಡ್ ಮೇಲೆ ಜೋಡಣೆ ಮಾಡಲಾಗಿದೆ. ಅಂತೆಯೇ ಹ್ಯಾಂಡ್ ಬ್ರೇಕ್ ಸೆಂಟ್ರಲ್ ಕನ್ಸೋಲ್ ಕೆಳಗಡೆಯಾಗಿ ನೀಡಲಾಗಿದೆ.

ಇನ್ನು ಇನ್ಸ್ಟ್ರುಮೆಂಟ್ ಕ್ಲಸ್ಟರ್, ಆಯಾತಾಕಾರದ ಎಸಿ ವೆಂಟ್ಸ್ ಇವೆಲ್ಲವೂ ಕಂಡುಬರಲಿದೆ. ಆದರೆ ಇನ್ಪೋಟೈನ್ಮೆಂಟ್ ಸಿಸ್ಟಂನಲ್ಲಿ ಟಚ್ ಸ್ಕ್ರೀನ್ ಕೊರತೆ ಕಾಡಲಿದೆ. ಹಾಗಿದ್ದರೂ ಮಲ್ಟಿಮೀಡಿಯಾ ಮಾಹಿತಿ ಪರದೆ ಇದರಲ್ಲಿರಲಿದೆ. ಇದರ ಕೆಳಗಡೆ ವೃತ್ತಕಾರಾದ ಎಚ್‌ವಿಎಸಿ (ಹೀಟಿಂಗ್, ವೆಂಟಿಲೇಷನ್ ಮತ್ತು ಎಸಿ) ಸ್ವಿಚ್ ಗಳಿರಲಿದೆ.

ನಿಮಗೆಲ್ಲರಿಗೂ ತಿಳಿದಿರುವಂತೆಯೇ ಹೊಸ ಕೆಯುವಿ100 ಕಾರಿನಲ್ಲಿ ನೂತನ ಎಂಫಾಲ್ಕನ್ (mFalcon) ಎಂಜಿನ್ ಜೋಡಣೆ ಮಾಡಲಾಗುತ್ತದೆ. ಇದರ 1.2 ಲೀಟರ್ ಪೆಟ್ರೋಲ್ ಎಂಜಿನ್ 82 ಅಶ್ವಶಕ್ತಿಯನ್ನು ಹಾಗೂ 1.2 ಲೀಟರ್ ಡೀಸೆಲ್ ಎಂಜಿನ್ 77 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ. ಅಂತೆಯೇ ಫೈವ್ ಸ್ಪೀಡ್ ಗೇರ್ ಬಾಕ್ಸ್ ಕಂಡುಬರಲಿದ್ದು, ನಿಕಟ ಭವಿಷ್ಯದಲ್ಲಿ ಎಎಂಟಿ ಗೇರ್ ಬಾಕ್ಸ್ ನಿರೀಕ್ಷೆ ಮಾಡಬಹುದಾಗಿದೆ.

ಸುರಕ್ಷತೆಗೂ ಹೆಚ್ಚಿನ ಆದ್ಯತೆ ಕೊಟ್ಟಿರುವ ಮಹೀಂದ್ರ, ಎಲ್ಲ ನಾಲ್ಕು ವೆರಿಯಂಟ್ ಗಳಲ್ಲೂ ಡ್ಯುಯಲ್ ಏರ್ ಬ್ಯಾಗ್ ಸವಲತ್ತನ್ನು ನೀಡಲಿದೆ. ಏತನ್ಮಧ್ಯೆ ಎಲ್ಲ ವೆರಿಯಂಟ್ ಗಳಲ್ಲೂ ಎಬಿಎಸ್ ಸ್ಟ್ಯಾಂಡರ್ಡ್ ಆಗಿರಲಿದೆ.

ಮಹೀಂದ್ರ ಕೆಯುವಿ100 - ನೀವು ತಿಳಿದುಕೊಳ್ಳಬೇಕಾದ ಅಂಶಗಳು