ಟ್ರಕ್ ಗಳ ರಾಜ ಸ್ಕಾನಿಯಾದಿಂದ ಐಷಾರಾಮಿ ಟ್ರಕ್ ಗಳ ಬಿಡುಗಡೆ

ಎಸ್ ಶ್ರೇಣಿಯ ಟ್ರಕ್ ಗಳು ಡ್ರಾಗ್ ಕಡಿತದ ವೈಶಿಷ್ಟ್ಯಗಳನ್ನು ಪಡೆದಿದೆ. ಈ ವಿಭಾಗದಲ್ಲಿ ಅತಿ ದೊಡ್ಡ ಟ್ರಕ್ ಎನಿಸಿಕೊಂಡಿರುವ ಈ ಟ್ರಕ್ ಗಳಲ್ಲಿ ರೂಫ್ ಮತ್ತು ಕ್ಯಾಬ್ ನಡುವಣ ಜೋಡಣೆಯನ್ನು ಸುಧಾರಿಸುವ ನಿಟ್ಟಿನಲ್ಲಿ ಹೊಂದಾಣಿಸಬಹುದಾದ ಮೂರು ಏರ್ ಡಿಫ್ಲೆಕ್ಟರ್ ನೀಡಲಾಗಿದೆ.

ಕ್ಯಾಬಿನ್ ನೊಳಗೆ ವಿಂಡ್ ಸ್ಕ್ರೀನ್, ಆಕ್ಸಿಲರಿ ಲೈಟ್ಸ್, ಎಂಡ್ ಮಾರ್ಕರ್ ಲೈಟ್ಸ್ ಗಳನ್ನು ಲಗತ್ತಿಸಲಾಗಿದೆ. ಇಲ್ಲಿ ರಿಯರ್ ವ್ಯೂ ಮಿರರ್ ಸಹ ಪರಿಷ್ಕೃತಗೊಳಿಸಲಾಗಿದೆ.

ಆಕಾರದಲ್ಲಿ ಸ್ವಲ್ಪ ಕಿರಿದಾಗಿರುವ ಆರ್ ಶ್ರೇಣಿಯ ಟ್ರಕ್ ಗಳ ವಿನ್ಯಾಸದಲ್ಲೂ ಎಸ್ ಶ್ರೇಣಿಗೆ ಸಮಾನವಾದ ನೀತಿಯನ್ನು ಅನುಸರಿಸಲಾಗಿದೆ.

ಅತ್ಯಂತ ಶಕ್ತಿಶಾಲಿ 15.6 ಲೀಟರ್ ವಿ8 ಎಂಜಿನ್ ನಿಂದ ನಿಯಂತ್ರಿಸಲ್ಪಡುವ ಸ್ಕಾನಿಯಾ ಟ್ರಕ್ ಗಳು, ನಿರ್ದಿಷ್ಟ ಮಾದರಿಗಳಿಗೆ ಅನುಸಾರವಾಗಿ 410ರಿಂದ ಗರಿಷ್ಠ 730 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ.

ಕ್ಯಾಬಿನ್ ನೊಳಗೆ ಹೆಚ್ಚಿನ ಸ್ಥಳಾವಕಾಶಕ್ಕೆ ಆದ್ಯತೆ ಕೊಡಲಾಗಿದೆ. ಆರಾಮದಾಯಕ ಸೀಟು, ನಿಖರವಾದ ಗೋಚರತೆ ಹಾಗೂ ಗರಿಷ್ಠ ಸ್ಟೋರೆಜ್ ಜಾಗವನ್ನು ಪ್ರದಾನ ಮಾಡಲಾಗಿದೆ.

ಕಳೆದ 10 ವರ್ಷದಿಂದಲೂ ಅಭಿವೃದ್ಧಿ ಹಂತದಲ್ಲಿರುವ ಸ್ಕಾನಿಯಾ ಟ್ರಕ್ ಗಳು, ಈ ಅವಧಿಯಲ್ಲಾಗಿ 10 ದಶಲಕ್ಷ ಕೀ.ಮೀ. ಗಳಷ್ಟು ಪರೀಕ್ಷಾರ್ಥ ಚಾಲನೆಯನ್ನು ಹಮ್ಮಿಕೊಂಡಿದೆ.