ಕಾರು ಪ್ರೇಮಿಗಳಿಗೆ ಮಗದೊಂದು ಕೊಡುಗೆ 'ಸುಜುಕಿ ಜಿಮ್ನಿ' ಭಾರತಕ್ಕೆ

ಜಿಮ್ನಿ ಇತಿಹಾಸದತ್ತ ಕಣ್ಣಾಯಿಸಿದಾಗ 1970ರ ಸಾಲಿನಲ್ಲಿ ಮೊದಲ ಹಗುರ ಜೀಪ್ ಮಾದರಿ ಎಲ್‌ಜೆ10 ಮಾರುಕಟ್ಟೆಗೆ ಪರಿಚಯವಾಗಿತ್ತು.

ಜಿಮ್ನಿ ಎರಡನೇ ತಲೆಮಾರಿನ ಆವೃತ್ತಿಯಾಗಿರುವ ಜಿಪ್ಸಿ 1981ರಿಂದ 1998ರ ಅವಧಿಯಲ್ಲಿ ಮಾರಾಟವಾಗಿತ್ತು. ಸದ್ಯ ಮೂರನೇ ತಲೆಮಾರಿನ ಆವೃತ್ತಿಯು ಮಾರಾಟದಲ್ಲಿದೆ.

ದೆಹಲಿ ಆಟೋ ಎಕ್ಸ್ ಪೋದಲ್ಲಿ ಪ್ರದರ್ಶನ ಕಂಡಿರುವ ಜಿಮ್ನಿ ಆಗಲೇ ಭಾರತೀಯ ರಂಗ ಪ್ರವೇಶ ಮಾಡಲಿದೆ ಎಂಬುದರ ಬಗ್ಗೆ ಮಾಹಿತಿಗಳಿದ್ದವು. ಆದರೆ ಕಾರಣಾಂತರಗಳಿಂದ ಸುಜುಕಿ ಯೋಜನೆಯನ್ನು ವಿಳಂಬ ಮಾಡಿತ್ತು.

ಸದ್ಯ ಬಂದಿರುವ ಎಕ್ಸ್ ಕ್ಲೂಸಿವ್ ಮಾಹಿತಿಗಳ ಪ್ರಕಾರ ನಾಲ್ಕನೇ ತಲೆಮಾರಿನ ಜಿಮ್ನಿ, ಭಾರತದಲ್ಲಿರುವ ಸುಜುಕಿಯ ನೂತನ ಘಟಕದಲ್ಲಿ ನಿರ್ಮಾಣವಾಗಲಿದೆ.

ಗುಜರಾತ್ ನಲ್ಲಿರುವ ನೂತನ ಸುಜುಕಿ ಘಟಕವು 2017ರ ವೇಳೆಯಾಗುವಾಗ ಕಾರ್ಯಾಚರಣೆ ಆರಂಭಿಸಲಿದೆ. ಇಲ್ಲಿಂದಲೇ ದಕ್ಷಿಣ ಪೂರ್ವ ಏಷ್ಯಾ, ಯುರೋಪ್, ಬ್ರಿಟನ್, ಫ್ರಾನ್ಸ್, ಜರ್ಮನಿ ಮುಂತಾದ ಮಾರುಕಟ್ಟೆಗಳನ್ನು ತಲುಪಲಿದೆ.

ಮುಂಬರುವ ಇಗ್ನಿಸ್ ನಲ್ಲಿರುವುದಕ್ಕೆ ಸಮಾನವಾದ 4X4 ವ್ಯವಸ್ಥೆಯನ್ನು ಜಿಮ್ನಿ ಪಡೆಯಲಿದೆ. ಅಲ್ಲದೆ 1.0 ಲೀಟರ್ ಬೂಸ್ಟರ್ ಜೆಟ್ ಎಂಜಿನ್ ಗಿಟ್ಟಿಸಿಕೊಳ್ಳಲಿದೆ.

ಇವೆಲ್ಲದರ ಹೊರತಾಗಿ ಹೆಚ್ಚು ಶಕ್ತಿಶಾಲಿ 1.4 ಲೀಟರ್ ಬೂಸ್ಟರ್ ಜೆಟ್ ಎಂಜಿನ್ ಜೊತೆಗೆ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಪರಿಗಣನೆಯಲ್ಲಿದೆ.

ಸುಜುಕಿ ಜಿಮ್ನಿ ದೇಶದಲ್ಲಿ ಇದೇ ಹೆಸರನ್ನು ಉಳಿಸಿಕೊಳ್ಳಲಿದೆಯೇ ಎಂಬುದು ತಿಳಿದು ಬಂದಿಲ್ಲ. ಹಾಗೆಯೇ ಮಾರುತಿ ಡೀಲರ್ ಗಳನ್ನು ತಲುಪಿದ್ದಲ್ಲಿ ಅಚ್ಚರಿಪಡಬೇಕಿಲ್ಲ.

ಸುಜುಕಿ ಜಿಮ್ನಿ ಟು ಡೋರ್ ಆವೃತ್ತಿಯು ಮಾರುಕಟ್ಟೆಯಲ್ಲಿದ್ದರೂ ಭಾರತಕ್ಕೆ ಫೋರ್ ಡೋರ್ ವರ್ಧಿತ ವೀಲ್ ಬೇಸ್ ಆವೃತ್ತಿಯು ತಲುಪುವ ನಿರೀಕ್ಷೆಯಿದ್ದು, ಸಬ್ ಕಾಂಪಾಕ್ಟ್ ಎಸ್ ಯುವಿನಲ್ಲಿ ನಿರ್ಣಾಯಕ ಪಾತ್ರ ವಹಿಸಲಿದೆ.