ಪ್ರಪಂಚದ ಅತಿ ದೊಡ್ಡ ವಾಹನ ತಯಾರಕ ಸಂಸ್ಥೆ ಯಾವುದು ಗೊತ್ತೆ ?

ರೆನಾಲ್ಟ್-ನಿಸ್ಸಾನ್ ಒಕ್ಕೂಟವು ಮಾರಾಟದಲ್ಲಿ ಶೇಕಡಾ 7% ರಷ್ಟು ಏರಿಕೆಯನ್ನು ದಾಖಲಿಸಿದ್ದು, ಈ ಪ್ರಕಾರವಾಗಿ 5.2 ದಶಲಕ್ಷ ವಾಹನಗಳನ್ನು 2017ರ ಪ್ರಥಮಾರ್ಧ ಮಾರಾಟ ಮಾಡಿದೆ. ಈ ಮೂಲಕ ಅತಿ ದೊಡ್ಡ ಕಾರು ವಾಹನಗಳ ಉತ್ಪಾದಕ ಸಂಸ್ಥೆ ಎಂಬ ಖ್ಯಾತಿ ತನ್ನದಾಗಿಸಿಕೊಂಡಿದೆ.

ಈ ಒಕ್ಕೂಟದಲ್ಲಿ ರೆನಾಲ್ಟ್, ನಿಸ್ಸಾನ್, ಮಿಟ್ಸುಬಿಷಿ ಮತ್ತು ಡಾಕಿಯಾ ಅಂಗ ಸಂಸ್ಥೆಗಳು ಒಳಗೊಡಿದ್ದು, ಎಲ್ಲಾ ಸಂಸ್ಥೆಗಳು ಒಂದೇ ಸೂರಿನಡಿ ಮಾರಾಟ ಪ್ರಕ್ರಿಯೆ ಹೊಂದಿವೆ.

ಕಳೆದ 6 ತಿಂಗಳು ಫ್ರೆಂಚ್-ಜಪಾನಿನ ಮೈತ್ರಿಯು ಫೋಕ್ಸ್‌ವಾಗನ್ ಒಕ್ಕೂಟವನ್ನು ಹಿಂದಿಕ್ಕಿ ಈ ಸಾಧನೆ ಮಾಡಿದ್ದು, ಫೋಕ್ಸ್‌ವಾಗನ್ ಒಕ್ಕೂಟವು ಇಲ್ಲಿಯ ತನಕ 5.1 ಮಿಲಿಯನ್ ವಾಹನಗಳನ್ನು ಮಾತ್ರ ಮಾರಾಟ ಮಾಡಲು ಶಕ್ತವಾಗಿದೆ.

ಕ್ಲಿಯೊ, ಮೆಗಾನೆ ಮತ್ತು ಕಾಪ್ಟರ್ ಕಾರುಗಳ ಮಾರಾಟದಿಂದಾಗಿ ರೆನಾಲ್ಟ್-ನಿಸ್ಸಾನ್ ಮೈತ್ರಿ ತನ್ನ ಮಾರಾಟದ ಅಂಕಿ ಅಂಶದಲ್ಲಿ ಹೆಚ್ಚಳ ಕಂಡಿದೆ ಎನ್ನುವುದನ್ನು ನಾವು ಮರೆಯುವಂತಿಲ್ಲ. ಡೇಸಿಯಾ ಡಸ್ಟರ್ ಮತ್ತು ಸಂಡೆರೋ ಕಾರುಗಳು ಸಹ ಆರೋಗ್ಯಕರ ಮಾರಾಟ ಅಂಕಿ ಅಂಶಗಳನ್ನು ದಾಖಲು ಮಾಡಿವೆ.

ಒಟ್ಟಾರೆಯಾಗಿ ಕಾರುಗಳು ಮತ್ತು ಟ್ರಕ್ ಸೇರಿ ನಿಸ್ಸಾನ್ 2.8 ಮಿಲಿಯನ್ ಮಾರಾಟದ ಕೊಡುಗೆಯನ್ನು ನೀಡಿದೆ. ಈ ಅಂಗಸಂಸ್ಥೆಯ ಎಕ್ಸ್‌ಟ್ರೈಲ್, ಸೆಂಟ್ರ ಮತ್ತು ಟಿಯಾನಾ ಕಾರುಗಳು ಹೆಚ್ಚು ಮಾರಾಟವಾಗಿವೆ.

ಒಟ್ಟಾರೆಯಾಗಿ ಕಾರುಗಳು ಮತ್ತು ಟ್ರಕ್ ಸೇರಿ ನಿಸ್ಸಾನ್ 2.8 ಮಿಲಿಯನ್ ಮಾರಾಟದ ಕೊಡುಗೆಯನ್ನು ನೀಡಿದೆ. ಈ ಅಂಗಸಂಸ್ಥೆಯ ಎಕ್ಸ್‌ಟ್ರೈಲ್, ಸೆಂಟ್ರ ಮತ್ತು ಟಿಯಾನಾ ಕಾರುಗಳು ಹೆಚ್ಚು ಮಾರಾಟವಾಗಿವೆ.

ವಿದ್ಯುತ್ ವಾಹನ ವಿಭಾಗದಲ್ಲಿಯೂ ಸಹ ಈ ಮೈತ್ರಿ ಹೆಚ್ಚು ಮಾರಾಟದ ಏರಿಕೆ ಕಂಡಿದ್ದು, ಈ ವರ್ಷ 4.8 ಲಕ್ಷ ಕಾರುಗಳನ್ನು ಈ ಮೈತ್ರಿಕೂಟ ಮಾರಾಟ ಮಾಡಿದೆ.

ಜರ್ಮನ್ ಕಾರು ತಯಾರಕ ಫೋಕ್ಸ್‌ವಾಗನ್ ಎಮಿಷನ್ ಹಗರಣದಲ್ಲಿ ಸಿಲುಕಿಕೊಂಡಿದ್ದು, ಇದರಿಂದಾಗಿ 2017ರ ಪ್ರಥಮಾರ್ಧದಲ್ಲಿ ಮಾರಾಟ ಕುಸಿತ ಕಂಡಿರುವುದನ್ನು ನಾವು ಗಮನಿಸಬಹುದಾಗಿದೆ.