ತನ್ನ ಗ್ರಾಹಕರಿಗಾಗಿ ಹೊಸ ಅಭಿಯಾನ ಶುರು ಮಾಡಿದ ಆಡಿ

ಆಡಿ ಕಾರುಗಳನ್ನು ಹೊಂದಿರುವವರು, ಆಗಸ್ಟ್ 12ರಿಂದ 24ರವರೆಗೆ, ಯಾವುದೇ ಡೀಲರ್‍‍ಶಿಪ್‍‍ಗೆ ಭೇಟಿ ನೀಡಿ ಈ ಕೊಡುಗೆಯನ್ನು ಪಡೆಯಬಹುದು. ಸದ್ಯದ ಭಾರತೀಯ ಮಾನ್ಸೂನ್ ಸನ್ನಿವೇಶದಲ್ಲಿ ತನ್ನ ಕಾರುಗಳ ನಿರ್ವಹಣೆಯ ವಿಷಯದಲ್ಲಿ ಈ ಅಭಿಯಾನವು ಸಾಕಷ್ಟು ಕೊಡುಗೆಗಳನ್ನು ನೀಡುತ್ತಿದೆ.

ಈ ಅಭಿಯಾನದ ಬಗ್ಗೇ ಹೇಳುವುದಾದರೆ, ಈ ಅಭಿಯಾನದಲ್ಲಿ ಕಾರಿನ ಇಂಟರ್ನಲ್ ಹಾಗೂ ಎಕ್ಸ್ ಟರ್ನಲ್ ಅಂಶಗಳು ಸರಿಯಾಗಿ ಕಾರ್ಯನಿರ್ವಹಿಸುತ್ತವೆಯೇ ಇಲ್ಲವೇ ಎಂಬುದನ್ನು ಖಚಿತಪಡಿಸಿಕೊಳ್ಳಲು 50 ಪಾಯಿಂಟ್‍‍ಗಳ ಚೆಕ್‍‍ಲಿಸ್ಟ್ ನೀಡಲಾಗುತ್ತದೆ.

ಇದು ಸಾಮಾನ್ಯ-ಟೆಕ್ನಿಕಲ್, ಎಕ್ಸ್ ಟಿರಿಯರ್-ಇಂಟಿರಿಯರ್, ಏರ್‍ ಕಂಡಿಷನಿಂಗ್, ಬ್ರೇಕ್ ಹಾಗೂ ಟಯರ್‌ಗಳ ಚೆಕ್ ಪಾಯಿಂಟ್‍‍ಗಳನ್ನು ಒಳಗೊಂಡಿದೆ. ಆಡಿ ಕಂಪನಿಯು, ಜಿನಿಯನ್ ಆಕ್ಸೆಸರೀಸ್ ಹಾಗೂ ಕನ್ಸೂಮೇಬಲ್ಸ್ ಮೇಲೆ ವಿವಿಧ ರೀತಿಯ ರಿಯಾಯಿತಿಗಳನ್ನು ನೀಡುತ್ತದೆ.

ಎಕ್ಸ್ ಟೆಂಡೆಡ್ ವಾರಂಟಿಯ ಮೇಲೆ 15% ಹಾಗೂ ರೋಡ್ ಸೈಡ್ ಅಸಿಸ್ಟೆನ್ಸ್ ಮೇಲೆ 20% ಗಳವರೆಗೆ ನೆರವು ನೀಡಲಿದೆ. ಮಾನ್ಸೂನ್ ಪ್ರಯಾಣಕ್ಕೆ ಸಹಾಯ ಮಾಡಲು ಆಡಿ ಕಂಪನಿಯು ಪಿರೆಲ್ಲಿ ಟಯರ್‌ಗಳ ಮೇಲೆ 10% ರಿಯಾಯಿತಿ ನೀಡುತ್ತದೆ.

ನವೀಕರಣ ಬಯಸುವವರಿಗೆ ಅಭಿಯಾನದಲ್ಲಿ ಆನ್ ಸ್ಪಾಟ್ ವಾಹನ ಮೌಲ್ಯಮಾಪನ ಹಾಗೂ ಆಕರ್ಷಕ ಟ್ರೇಡ್ ಇನ್ ಕೊಡುಗೆಗಳನ್ನು ನೀಡಲಾಗುವುದು. ಆಡಿ ಇತ್ತೀಚೆಗೆ ದೇಶಿಯ ಮಾರುಕಟ್ಟೆಯಲ್ಲಿ ಇ-ಟ್ರಾನ್ ಎಲೆಕ್ಟ್ರಿಕ್ ವಾಹನವನ್ನು ಪ್ರದರ್ಶಿಸಿದೆ.

MOST READ: ಸ್ಕೂಟರ್ ಬಿಡಿಭಾಗಗಳಿಂದಲೇ ಅಗ್ಗದ ಬೆಲೆಯ ಟ್ರಾಕ್ಟರ್ ನಿರ್ಮಾಣ ಮಾಡಿದ ರೈತ

ಇ-ಟ್ರಾನ್ ಅನ್ನು ಗುರುಗ್ರಾಮದಲ್ಲಿರುವ ವಿಶ್ವ ದರ್ಜೆಯ ಆಡಿ ಶೋರೂಂನಲ್ಲಿ ಪ್ರದರ್ಶಿಸಲಾಯಿತು. 10,500 ಚದರ ಅಡಿಗೂ ಹೆಚ್ಚಿನ ಜಾಗ ಹೊಂದಿರುವ ಈ ಶೋರೂಂನಲ್ಲಿ 21 ಕಾರುಗಳನ್ನು ಪ್ರದರ್ಶಿಸಬಹುದಾಗಿದೆ.

MOST READ: ರಾಯಲ್ ಎನ್‍‍ಫೀಲ್ಡ್ ಸೈಲೆನ್ಸರ್‍‍ಗಳನ್ನು ಕಿತ್ತುಹಾಕಿದ ಪೊಲೀಸರು

ಎಲೆಕ್ಟ್ರಿಕ್ ಆಡಿ ಇ-ಟ್ರಾನ್ ಮುಂಭಾಗದಲ್ಲಿ 125 ಕಿ.ವ್ಯಾಟ್ ಮೋಟಾರ್ ಹಾಗೂ ಹಿಂಭಾಗದಲ್ಲಿ 140 ಕಿ.ವ್ಯಾಟ್ ಮೋಟರ್‌ಗಳನ್ನು ಹೊಂದಿದೆ. ಈ ಮೋಟಾರ್‍‍ಗಳು ಎಲ್ಲಾ ವ್ಹೀಲ್‍‍ಗಳಿಗೆ ಪವರ್ ಕಳುಹಿಸುತ್ತವೆ. ಈ ಮೋಟಾರ್‍‍ಗಳು 408 ಬಿ‍‍ಹೆಚ್‍‍ಪಿ ಪವರ್ ಹಾಗೂ 664 ಎನ್‍ಎಂ ಟಾರ್ಕ್ ಉತ್ಪಾದಿಸುತ್ತವೆ.

MOST READ: ಮೋಟಾರ್‍‍ಸ್ಪೋರ್ಟ್ಸ್ ಪ್ರಶಸ್ತಿ ಗೆದ್ದ ಬೆಂಗಳೂರು ಹುಡುಗಿ

ಡ್ರೈವ್‍‍ಸ್ಪಾರ್ಕ್ ಅಭಿಪ್ರಾಯ

ಮಳೆಗಾಲದಲ್ಲಿ ಕಾರುಗಳ ಬಗ್ಗೆ ಗಮನ ನೀಡುವುದು ಅವಶ್ಯಕ. ಆಡಿ ತನ್ನ ಗ್ರಾಹಕರಿಗೆ ಮಳೆಗಾಲದಲ್ಲಿ ವಿಶೇಷವಾದ ಅಭಿಯಾನವನ್ನು ಹಮ್ಮಿಕೊಂಡಿದೆ. ಈ ಅಭಿಯಾನದಿಂದಾಗಿ ಆಡಿ ಗ್ರಾಹಕರಿಗೆ ಉತ್ತಮ ಗುಣಮಟ್ಟದ ಸೇವೆ ದೊರೆಯಲಿದೆ.