ಕಾರು ಮಾರುಕಟ್ಟೆಯಲ್ಲಿ ಕುಸಿದ ಮಾರುತಿ ಸುಜುಕಿ ಕಂಪನಿಯ ಷೇರುಗಳು

ಕಾರು ತಯಾರಿಕೆಯಲ್ಲಿ ಮುಂಚೂಣಿಯಲ್ಲಿರುವ ಮಾರುತಿ ಸುಜುಕಿ ಕಂಪನಿಯು ಈ ಅವಧಿಯಲ್ಲಿ ಭಾರೀ ಪ್ರಮಾಣದ ಕುಸಿತವನ್ನು ಅನುಭವಿಸಿದ್ದರೆ, ಉಳಿದ ಕಂಪನಿಗಳ ಮಾರಾಟದಲ್ಲಿ ಏರಿಕೆಯಾಗಿದೆ. ಈ ಅವಧಿಯಲ್ಲಿ ಮಾರುತಿ ಸುಜುಕಿ ಕಂಪನಿಯು 2.6%ನಷ್ಟು ಮಾರುಕಟ್ಟೆ ಷೇರನ್ನು ಕಳೆದು ಕೊಂಡಿದೆ.

ಕಂಪನಿಯ ಮಾರುಕಟ್ಟೆಯಲ್ಲಿನ ಷೇರು ಪ್ರಮಾಣವು 52.8%ನಿಂದ 50.2%ಗಳಿಗೆ ಕುಸಿದಿದೆ. ಆದರೆ ಹ್ಯುಂಡೈ ಕಂಪನಿಯ ಮಾರಾಟ ಪ್ರಮಾಣದಲ್ಲಿ ಹೆಚ್ಚಳವಾಗಿದೆ. ಈ ಅವಧಿಯಲ್ಲಿ ಹ್ಯುಂಡೈ ಕಂಪನಿಯ ಷೇರುಗಳ ಪ್ರಮಾಣವು ಸಹ ಹೆಚ್ಚಾಗಿದೆ.

15.9%ನಷ್ಟಿದ್ದ ಹ್ಯುಂಡೈ ಕಂಪನಿಯ ಮಾರುಕಟ್ಟೆ ಷೇರು ಈ ಅವಧಿಯಲ್ಲಿ 2.6%ನಷ್ಟು ಹೆಚ್ಚಾಗಿ 18.5% ಆಗಿದೆ. ಹ್ಯುಂಡೈ ಕಂಪನಿಯು ಇತ್ತೀಚಿಗೆ ಬಿಡುಗಡೆಗೊಳಿಸಿದ ವೆನ್ಯೂ ಹಾಗೂ ಗ್ರಾಂಡ್ ಐ10 ನಿಯೋಸ್‍‍ಗಳ ಮಾರಾಟದಿಂದಾಗಿ ಹ್ಯುಂಡೈನ ಮಾರುಕಟ್ಟೆಯಲ್ಲಿನ ಷೇರು ಪ್ರಮಾಣವು ಹೆಚ್ಚಾಗಿದೆ.

ಮಹೀಂದ್ರಾ ಕಂಪನಿಯು ಈ ಪಟ್ಟಿಯಲ್ಲಿ ಮೂರನೇ ಸ್ಥಾನದಲ್ಲಿದೆ. ಈ ಅವಧಿಯಲ್ಲಿ ಮಹೀಂದ್ರಾ ಕಂಪನಿಯ ಷೇರು 6.5%ನಿಂದ 7.5%ಗಳಿಗೆ ಏರಿಕೆಯಾಗಿದೆ. ಇದೇ ವೇಳೆ ಮಹೀಂದ್ರಾ ಕಂಪನಿಯು ಕಡಿಮೆ ಪ್ರಮಾಣದ ಮಾರಾಟವನ್ನು ಸಹ ಎದುರಿಸಿದೆ.

ಈ ಅವಧಿಯಲ್ಲಿ ಮಾರುಕಟ್ಟೆಯಲ್ಲಿನ ತನ್ನ ಷೇರು ಪ್ರಮಾಣವನ್ನು ಹೆಚ್ಚಿಸಿಕೊಂಡ ಮತ್ತೊಂದು ಕಂಪನಿಯೆಂದರೆ ಟೊಯೊಟಾ. ಟಾಟಾ ಮೋಟಾರ್ಸ್ ಹಾಗೂ ಹೋಂಡಾ ಕಂಪನಿಗಳನ್ನು ಹಿಂದಿಕ್ಕಿ ಟೊಯೊಟಾ ಕಂಪನಿಯು ನಾಲ್ಕನೇ ಸ್ಥಾನಕ್ಕೆರಿದೆ.

ಟೊಯೊಟಾ ಕಂಪನಿಯ ಷೇರುಗಳು 4.6%ನಿಂದ 4.9%ಗಳಿಗೆ ಹೆಚ್ಚಾಗಿವೆ. ಟಾಟಾ ಮೋಟಾರ್ಸ್ ಹಾಗೂ ಹೋಂಡಾ ಕಂಪನಿಗಳ ಮಾರಾಟವು ಕುಸಿದಿದೆ. ಈ ಎರಡೂ ಕಂಪನಿಗಳು ಈ ಪಟ್ಟಿಯಲ್ಲಿ ಕ್ರಮವಾಗಿ ಐದು ಹಾಗೂ ಆರನೇ ಸ್ಥಾನವನ್ನು ಪಡೆದಿವೆ.

MOST READ: ಹಳೆ ವಾಹನವನ್ನು ಗುಜರಿಗೆ ಹಾಕುವ ಮಾಲೀಕರಿಗೆ ಆಫರ್

ಟಾಟಾ ಮೋಟಾರ್ಸ್ ಮಾರುಕಟ್ಟೆಯಲ್ಲಿ 4.8% ಷೇರನ್ನು ಹೊಂದಿದ್ದರೆ, ಹೋಂಡಾ ಕಂಪನಿಯು 4.6% ಷೇರುಗಳನ್ನು ಹೊಂದಿದೆ. ಇತ್ತೀಚಿಗಷ್ಟೇ ದೇಶಿಯ ಮಾರುಕಟ್ಟೆಗೆ ಕಾಲಿಟ್ಟ ಕಿಯಾ ಮೋಟಾರ್ಸ್ ಮಾರುಕಟ್ಟೆಯಲ್ಲಿ 1.1% ಷೇರನ್ನು ಹೊಂದಿದೆ.

MOST READ: ಸದ್ದಿಲ್ಲದೇ ಕಾರುಗಳನ್ನು ರಿಕಾಲ್ ಮಾಡುತ್ತಿದೆ ಮಾರುತಿ

ಇದರಿಂದಾಗಿ ಕಿಯಾ ಮೋಟಾರ್ಸ್ ಟಾಪ್ 10 ಕಾರುಗಳ ಪಟ್ಟಿಯಲ್ಲಿ ಸ್ಥಾನ ಪಡೆದಿದೆ. ತನ್ನ ಮೊದಲ ವಾಹನವಾದ ಸೆಲ್ಟೋಸ್ ಎಸ್‍‍ಯುವಿಯ ಬಿಡುಗಡೆಯ ನಂತರ ಕಿಯಾ ಮೋಟಾರ್ಸ್ ಮಾರುಕಟ್ಟೆಯಲ್ಲಿ ಹೆಚ್ಚು ಸದ್ದು ಮಾಡುತ್ತಿದೆ.

MOST READ: ವಾಹನ ಸವಾರರಿಗೆ ಸಿಹಿ ಸುದ್ದಿ ನೀಡಿದ ಸಚಿವ ನಿತಿನ್ ಗಡ್ಕರಿ ..!

ಸೆಲ್ಟೋಸ್ ಎಸ್‍‍ಯುವಿ ಮಧ್ಯಮ ಗಾತ್ರದ ಎಸ್‍‍ಯುವಿ ಸೆಗ್‍‍ಮೆಂಟಿನಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಮಾರಾಟವಾಗುತ್ತಿದೆ. ಕಿಯಾ ಮೋಟಾರ್ಸ್ ನಿಸ್ಸಾನ್ ಹಾಗೂ ಸ್ಕೋಡಾ ಕಂಪನಿಗಳನ್ನು ಹಿಂದಿಕ್ಕಿ ಈ ಪಟ್ಟಿಯಲ್ಲಿ ಸ್ಥಾನ ಪಡೆದಿದೆ.

ಎಂಜಿ ಮೋಟಾರ್ಸ್ 0.5% ಮಾರುಕಟ್ಟೆ ಷೇರುಗಳನ್ನು ಹೊಂದಿದೆ. ಸ್ವಲ್ಪದರಲ್ಲಿ ಟಾಪ್ 10 ಪಟ್ಟಿಯಲ್ಲಿ ಸ್ಥಾನ ಪಡೆಯುವುದರಿಂದ ವಂಚಿತವಾಗಿದೆ. ಎಂಜಿ ಮೋಟಾರ್ಸ್, ಹೆಕ್ಟರ್ ಎಸ್‍‍ಯುವಿಯ ಉತ್ಪಾದನೆಯನ್ನು ಹೆಚ್ಚಿಸುತ್ತಿದ್ದು, ಮಾರಾಟವು ಹೆಚ್ಚಾಗುವ ಸಾಧ್ಯತೆಗಳಿವೆ. ಇದರಿಂದಾಗಿ ಮುಂಬರುವ ದಿನಗಳಲ್ಲಿ ಎಂಜಿ ಮೋಟಾರ್ಸ್ ಈ ಪಟ್ಟಿಯಲ್ಲಿ ಸ್ಥಾನ ಪಡೆಯುವ ಸಾಧ್ಯತೆಗಳಿವೆ.

ಡ್ರೈವ್‍‍ಸ್ಪಾರ್ಕ್ ಅಭಿಪ್ರಾಯ

ಭಾರತದ ಕಾರು ಮಾರುಕಟ್ಟೆಯು ಈಗ ಹಿಂದೆಂದಿಗಿಂತಲೂ ಹೆಚ್ಚಿನ ಪ್ರಮಾಣದ ಕುಸಿತವನ್ನು ಕಾಣುತ್ತಿದೆ. ಮಾರುಕಟ್ಟೆಯ ಅಗ್ರಗಣ್ಯ ಕಂಪನಿಯಾದ ಮಾರುತಿ ಸುಜುಕಿಯು ಹೆಚ್ಚಿನ ಪ್ರಮಾಣದ ಕುಸಿತವನ್ನು ಅನುಭವಿಸಿದೆ. ಜೊತೆಗೆ ಮಾರುಕಟ್ಟೆಯ ಷೇರುಗಳನ್ನು ಸಹ ಕಳೆದುಕೊಂಡಿದೆ.