ಕಾರು ಖರೀದಿಗೆ 30 ನಿಮಿಷದಲ್ಲಿ ಸಾಲ ನೀಡಲಿದೆ ಟೊಯೊಟಾ..!

ಸಾಲಕ್ಕೆ ಅರ್ಜಿ ಸಲ್ಲಿಸಿ ಹಲವಾರು ದಿನಗಳ ಕಾಲ ಕಾಯಬೇಕಾಗುತ್ತದೆ. ಕೆಲವೊಮ್ಮೆ ತಿಂಗಳುಗಳ ಕಾಲ ಅಲೆಯಬೇಕಾಗುತ್ತದೆ. ಈ ನಿಟ್ಟಿನಲ್ಲಿ ವಾಹನ ಸಾಲ ಪಡೆಯಬಯಸುವವರಿಗಾಗಿ ಟೊಯೊಟಾ ಕಂಪನಿಯು ಹೊಸ ಸಾಲ ಯೋಜನೆಯೊಂದನ್ನು ಬಿಡುಗಡೆಗೊಳಿಸಿದೆ.

ಟೊಯೊಟಾ ಕಂಪನಿಯು ಟೊಯೊಟಾ ಕಾರುಗಳನ್ನು ಖರೀದಿಸಲು ಬಯಸುವವರಿಗಾಗಿ ತತ್ಕಾಲ್ ಸಾಲ ಯೋಜನೆಯನ್ನು ಪರಿಚಯಿಸಿದೆ. ಈ ಯೋಜನೆಯನ್ನು ಟೊಯೊಟಾದ ಸಾಲ ವಿಭಾಗವು ಬಿಡುಗಡೆಗೊಳಿಸಿದೆ.

ಈ ಯೋಜನೆಯಡಿಯಲ್ಲಿ ಟೊಯೊಟಾ ಕಂಪನಿಯು ಕೇವಲ 30 ನಿಮಿಷದಲ್ಲಿ ಸಾಲ ನೀಡಲಿದೆ. ತತ್ಕಾಲ್ ಸಾಲ ಯೋಜನೆಯಡಿಯಲ್ಲಿ ಟೊಯೊಟಾ ಕಾರು ಖರೀದಿಸ ಬಯಸುವವರು ಸುಲಭವಾಗಿ ಹಾಗೂ ವೇಗವಾಗಿ ಸಾಲ ಪಡೆಯಬಹುದು.

ಗ್ರಾಹಕರು ಸಂಬಂಧಪಟ್ಟ ದಾಖಲೆಗಳನ್ನು ಸಲ್ಲಿಸಿ ಕೇವಲ 30 ನಿಮಿಷದಲ್ಲಿ ಸಾಲ ಪಡೆಯಬಹುದು. ಈ ಸಾಲವನ್ನು ಬ್ಯಾಂಕ್ ವ್ಯವಹಾರ ಹಾಗೂ ಸಿಬಿಲ್ ಸ್ಕೋರ್ ಆಧಾರದ ಮೇಲೆ ತಕ್ಷಣವೇ ನೀಡಲಾಗುವುದು.

ಅಂದ ಹಾಗೆ ತತ್ಕಾಲ್ ಸಾಲ ಯೋಜನೆಯಡಿಯಲ್ಲಿ ಕಾರುಗಳ ಎಕ್ಸ್ ಶೋರೂಂ ಬೆಲೆಯ 85%ನಷ್ಟು ಸಾಲ ನೀಡಲಾಗುವುದು. ಉಳಿದ 15% ಹಣವನ್ನು ಅಡ್ವಾನ್ಸ್ ಆಗಿ ನೀಡಬೇಕಾಗುತ್ತದೆ. ಇದರಿಂದಾಗಿ ಕಾರು ಸಾಲಕ್ಕಾಗಿ ಕಾಯುವ ಅವಧಿ ಕಡಿಮೆಯಾಗಲಿದೆ.

ಹೊಸ ಕಾರು ಖರೀದಿಸಲು ಬಯಸುವವರು ಮಾತ್ರವಲ್ಲದೇ, ಈಗಾಗಲೇ ಟೊಯೊಟಾ ಕಾರುಗಳನ್ನು ಹೊಂದಿರುವವರೂ ಸಹ ಈ ಸಾಲಕ್ಕೆ ಅರ್ಜಿ ಸಲ್ಲಿಸಬಹುದು. ಹಳೆಯ ಟೊಯೊಟಾ ಕಾರುಗಳನ್ನು ಹೊಂದಿರುವ ಗ್ರಾಹಕರು ಸ್ವಂತ ಮನೆಯನ್ನು ಹೊಂದಿರಬೇಕು. ವಾಹನವನ್ನು ತಮ್ಮ ಸ್ವಂತಕ್ಕಾಗಿ ಬಳಸಬೇಕು.

MOST READ: ಹುಡುಗಿಯರಿಗೆ ಗೇರ್ ಬದಲಿಸಲು ಬಿಟ್ಟು ಡಿ‍ಎಲ್ ಕಳೆದುಕೊಂಡ ಡ್ರೈವರ್..!

ಗ್ರಾಹಕರ ಫೋಟೊ, ಅಡ್ರೆಸ್ ಪ್ರೂಫ್, ಮನೆ ಮಾಲೀಕತ್ವಕ್ಕೆ ಸಂಬಂಧಿಸಿದ ದಾಖಲೆಗಳು, ಗುರುತಿನ ಚೀಟಿ ಹಾಗೂ ಬ್ಯಾಂಕ್ ವ್ಯವಹಾರಕ್ಕೆ ಸಂಬಂಧಪಟ್ಟ ದಾಖಲೆಗಳನ್ನು ಸಲ್ಲಿಸಬೇಕು. ಟೊಯೊಟಾ ಕಂಪನಿಯು ಈ ಯೋಜನೆಯು ಗ್ರಾಹಕರಿಗೆ ಸುಲಭವಾಗಿ ಸಾಲ ನೀಡಲಿದೆಯೆಂದು ಹೇಳಿದೆ.

MOST READ: ಬಡ ದೇಶದ ರಾಜನಿಗೆ 15 ಮಡದಿಯರು, 19 ದುಬಾರಿ ಕಾರುಗಳು..!

ಈ ವಿಶೇಷ ಸಾಲ ಯೋಜನೆಯನ್ನು ಟೊಯೊಟಾ ಲಿವಾ, ಇಟಿಯೊಸ್, ಗ್ಲಾಂಜಾ, ಯಾರಿಸ್ ಹಾಗೂ ಇನೊವಾ ಕಾರುಗಳ ಮೇಲೆ ನೀಡಲಾಗುವುದು. ಹೆಚ್ಚಿನ ಮಾಹಿತಿಯನ್ನು ಹತ್ತಿರದಲ್ಲಿರುವ ಟೊಯೊಟಾ ಡೀಲರ್‍‍ಗಳ ಬಳಿ ಪಡೆಯಬಹುದು.

MOST READ: ಬೈಕುಗಳಲ್ಲಿ ಡೀಸೆಲ್ ಎಂಜಿನ್ ಏಕೆ ಬಳಸಲ್ಲ ಗೊತ್ತಾ?

ಟೊಯೊಟಾ ಜಪಾನ್ ಮೂಲದ ಕಂಪನಿಯಾಗಿದೆ. ಬೆಂಗಳೂರಿನ ಹೊರವಲಯದಲ್ಲಿರುವ ಬಿಡದಿಯಲ್ಲಿ ಉತ್ಪಾದನಾ ಘಟಕವನ್ನು ಹೊಂದಿದೆ. ಕೆಲ ತಿಂಗಳುಗಳ ಹಿಂದೆ ಮಾರುತಿ ಸುಜುಕಿ ಕಂಪನಿಯ ಜಂಟಿ ಸಹಭಾಗಿತ್ವದಲ್ಲಿ ಕಾರುಗಳನ್ನು ಉತ್ಪಾದಿಸುವ ಒಪ್ಪಂದಕ್ಕೆ ಸಹಿ ಹಾಕಿದೆ.