ಕರೋನಾ ವೈರಸ್: ಮುಖ್ಯಮಂತ್ರಿ ಪರಿಹಾರ ನಿಧಿಗೆ ದೇಣಿಗೆ ನೀಡಿದ ಓಲಾ

ಈ ಮೊದಲು ಓಲಾ ಗ್ರೂಪ್ ವಿವಿಧ ರಾಜ್ಯಗಳ ಮುಖ್ಯಮಂತ್ರಿ ಪರಿಹಾರ ನಿಧಿಗೆ ರೂ.3 ಕೋಟಿ ದೇಣಿಗೆ ನೀಡಿತ್ತು. ಈಗ ಕರೋನಾ ವೈರಸ್ ಸಾಂಕ್ರಾಮಿಕ ರೋಗದ ವಿರುದ್ಧ ಹೋರಾಡಲು ಓಲಾ ಕಂಪನಿ ಮತ್ತೊಮ್ಮೆ 50 ಲಕ್ಷ ರೂಪಾಯಿಗಳನ್ನು ತಮಿಳುನಾಡು ಮುಖ್ಯಮಂತ್ರಿ ಪರಿಹಾರ ನಿಧಿಗೆ ನೀಡಿದೆ.

ಈ ಹಣವು ಆರೋಗ್ಯ ಇಲಾಖೆಯ ಪರಿಹಾರ ಕಾರ್ಯಗಳಿಗೆ ನೆರವು ನೀಡುವುದರ ಜೊತೆಗೆ ರಾಜ್ಯದ ಆರ್ಥಿಕ ವ್ಯವಸ್ಥೆಗೂ ಅನುಕೂಲ ನೀಡಲಿದೆಯೆಂದು ಓಲಾ ಕಂಪನಿ ಹೇಳಿದೆ. ಈ ಮಾಹಿತಿಯನ್ನು ಓಲಾ ಗ್ರೂಪ್‌ನ ಸಿಇಒ ಹಾಗೂ ಸಹ ಸಂಸ್ಥಾಪಕರಾದ ಭಾವೀಶ್ ಅಗರ್‌ವಾಲ್ ನೀಡಿದ್ದಾರೆ.

MOSTREAD: ರಾಷ್ಟ್ರೀಯ ಹೆದ್ದಾರಿ ನಿರ್ಮಾಣದಲ್ಲಿ ಹೊಸ ದಾಖಲೆ ಬರೆದ ಕೇಂದ್ರ ಸರ್ಕಾರ

ಈ ಬಗ್ಗೆ ಮಾತನಾಡಿರುವ ಅವರು ನಾವು ನಮ್ಮ ಕಾಲದ ಅತಿದೊಡ್ಡ ಮಾನವೀಯ ಬಿಕ್ಕಟ್ಟನ್ನು ಎದುರಿಸುತ್ತಿದ್ದೇವೆ. ಈ ಮಹಾಮಾರಿ ವೈರಸ್‌ನಿಂದ ಬಳಲುತ್ತಿರುವ ಎಲ್ಲಾ ರಾಜ್ಯಗಳು, ಸಮುದಾಯಗಳು ಹಾಗೂ ಜನರಿಗೆ ಸಹಾಯ ಮಾಡಲು ಓಲಾ ಗುಂಪು ಯಾವಾಗಲೂ ಬದ್ಧವಾಗಿದೆ ಎಂದು ಹೇಳಿದ್ದಾರೆ.

ಕರೋನಾ ವೈರಸ್ ವಿರುದ್ಧದ ಹೋರಾಟದಲ್ಲಿ ನಾವು ಒಟ್ಟಾಗಿ ಕೆಲಸ ಮಾಡುತ್ತಿರುವುದರಿಂದ ನಾವು ತಮಿಳುನಾಡು ರಾಜ್ಯಕ್ಕೆ ನಮ್ಮ ನೆರವನ್ನು ನೀಡಿದ್ದೇವೆ. ಈ ಸಂಕಷ್ಟದ ಸಮಯದಲ್ಲಿ ಕೆಲಸ ಮಾಡುತ್ತಿರುವವರಿಗೆ ನಾವು ಆಭಾರಿಯಾಗಿದ್ದೇವೆ ಎಂದು ಅವರು ಹೇಳಿದರು.

MOST READ:ಮನೆ ತಲುಪಲು 1800 ಕಿ.ಮೀ ಸೈಕಲ್ ತುಳಿದ ಯುವಕ..!

ಓಲಾ ಫೌಂಡೇಶನ್ ಲಾಕ್‌ಡೌನ್ ಅವಧಿಯಲ್ಲಿ ತನ್ನ ಚಾಲಕ-ಪಾಲುದಾರರಿಗೆ ನೆರವಾಗಲು ಡ್ರೈವ್ ದಿ ಡ್ರೈವರ್ ಫಂಡ್ ಎಂಬ ಹೆಸರಿನ ಕ್ರೌಡ್‌ಸೋರ್ಸಿಂಗ್ ಯೋಜನೆಯನ್ನು ಸಹ ಆರಂಭಿಸಿದೆ.

ಓಲಾ ಗ್ರೂಪ್‌ನ ನೌಕರರು ಈ ನಿಧಿಗೆ ರೂ.20 ಕೋಟಿ ದೇಣಿಗೆ ನೀಡಿದ್ದರು. ಇದರ ಜೊತೆಗೆ ಕಂಪನಿಯ ಸಿಇಒ ಭಾವೀಶ್ ಅಗರ್‌ವಾಲ್‌ರವರು ತಮ್ಮ ಒಂದು ವರ್ಷದ ವೇತನವನ್ನು ಈ ನಿಧಿಗೆ ನೀಡಿದ್ದಾರೆ. ಓಲಾ ಕಂಪನಿಯು 100 ಗ್ರೀನ್ ಝೋನ್ ಹಾಗೂ ಆರೆಂಜ್ ಝೋನ್‌ಗಳಲ್ಲಿ ತನ್ನ ಸೇವೆಗಳನ್ನು ಆರಂಭಿಸಿದೆ.