ದೆಹಲಿ ಮೀರತ್ ನಡುವಿನ ಸಂಚಾರವನ್ನು 45 ನಿಮಿಷಗಳಿಗೆ ಇಳಿಸಲಿದೆ ಈ ಎಕ್ಸ್‌ಪ್ರೆಸ್ ವೇ

ಈ ಎಕ್ಸ್‌ಪ್ರೆಸ್‌ವೇಯಿಂದ ಪ್ರಯಾಣಕ್ಕೆ ಅನುಕೂಲವಾಗುವುದರ ಜೊತೆಗೆ ದೆಹಲಿ-ಎನ್‌ಸಿಆರ್‌ನಲ್ಲಿನ ವಾಯು ಮಾಲಿನ್ಯ ಮಟ್ಟವು ಕಡಿಮೆಯಾಗುತ್ತದೆ ಎಂದು ಅವರು ಹೇಳಿದರು. ದೆಹಲಿ - ಮೀರತ್ ಎಕ್ಸ್‌ಪ್ರೆಸ್‌ವೇ ಬಗೆಗಿನ ವೀಡಿಯೊವನ್ನು ಸಚಿವರು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಅಪ್‌ಲೋಡ್ ಮಾಡಿದ್ದಾರೆ. ದೆಹಲಿ-ಮೀರತ್ ಎಕ್ಸ್‌ಪ್ರೆಸ್ ವೇಯ ಉದ್ದ 82.05 ಕಿ.ಮೀಗಳಾಗಿದೆ. ಈ ಎಕ್ಸ್‌ಪ್ರೆಸ್‌ವೇಯ ಮೊದಲ ಹಾಗೂ ಮೂರನೇ ಹಂತಗಳು ಪೂರ್ಣಗೊಂಡಿದ್ದು, ಎರಡನೇ ಹಾಗೂ ನಾಲ್ಕನೇ ಹಂತಗಳು ಇನ್ನೂ ಪೂರ್ಣಗೊಂಡಿಲ್ಲ.

ದೆಹಲಿಯಿಂದ ಉತ್ತರಪ್ರದೇಶದ ಗಡಿಯವರೆಗೆ ಹಾಗೂ ದಾಸ್ನಾದಿಂದ ಹಾಪುರದವರೆಗಿನ ನಿಜಾಮುದ್ದೀನ್ ಸೇತುವೆಯ ನಿರ್ಮಾಣದ ಮೊದಲ ಹಾಗೂ ಮೂರನೇ ಹಂತವು ಪೂರ್ಣಗೊಂಡಿದೆ. ಎರಡನೇ ಹಂತದಲ್ಲಿ ದೆಹಲಿ-ಉತ್ತರಪ್ರದೇಶದ ಗಡಿಯಿಂದ ಗಾಜಿಯಾಬಾದ್‌ವರೆಗೆ 19.24 ಕಿ.ಮೀ ರಸ್ತೆ ನಿರ್ಮಾಣವಾಗುತ್ತಿದ್ದು, ನಾಲ್ಕನೇ ಹಂತದಲ್ಲಿ ಗಾಜಿಯಾಬಾದ್‌ನಿಂದ ಮೀರತ್‌ವರೆಗಿನ ನಿರ್ಮಾಣ ಕಾಮಗಾರಿ ನಡೆಯುತ್ತಿದೆ.

MOST READ:ಒಂದು ವರ್ಷದಿಂದ ಚಲಿಸಿದರೂ ಇನ್ನೂ ಗುರಿ ಮುಟ್ಟದ ಟ್ರಕ್

ನಾಲ್ಕನೇ ಹಂತದಲ್ಲಿ ದಸ್ನಾದಿಂದ ಮೀರತ್ ನಡುವೆ 32 ಕಿ.ಮೀ ಉದ್ದದ 6 ಪಥದ ಎಕ್ಸ್‌ಪ್ರೆಸ್ ವೇ ನಿರ್ಮಿಸಲಾಗುವುದು. ಈ ಹಂತದಲ್ಲಿ ಭೋಜ್‌ಪುರದಿಂದ ದಸ್ನಾ ನಡುವಿನ ಕೆಲಸವನ್ನು ಸಮಯಕ್ಕೆ ಪೂರ್ಣಗೊಳಿಸುವುದು ಸವಾಲಿನ ಕೆಲಸವಾಗಿದೆ.

120 ದಿನಗಳಲ್ಲಿ ಕೆಲಸವನ್ನು ಪೂರ್ಣಗೊಳಿಸುವುದು ಎನ್‌ಹೆಚ್‌ಎಐಗೆ ನಿಜಕ್ಕೂ ಸವಾಲಿನ ಕೆಲಸವಾಗಿದೆ. ಸೆಪ್ಟೆಂಬರ್ ಮೊದಲು ಈ ಯೋಜನೆಯನ್ನು ಪೂರ್ಣಗೊಳಿಸಬೇಕಾಗಿತ್ತು. ಆದರೆ ಲಾಕ್ ಡೌನ್ ಹಾಗೂ ಕೆಲವು ಸ್ಥಳಗಳಲ್ಲಿ ರೈತರ ವಿರೋಧದಿಂದಾಗಿ ಕಾಮಗಾರಿ ಪೂರ್ಣಗೊಳ್ಳಲು ವಿಧಿಸಲಾಗಿದ್ದ ಗಡುವನ್ನು ವಿಸ್ತರಿಸಲಾಗಿದೆ.

MOSTREAD: ಇನ್ನು ಮುಂದೆ ಈ ಬಣ್ಣದ ಕಾರುಗಳ ನೋಂದಣಿ ಕಾನೂನುಬದ್ದ

ದೆಹಲಿ ಮೀರತ್ ಎಕ್ಸ್‌ಪ್ರೆಸ್ ವೇ ದೇಶದ ಮೊದಲ 16 ಪಥದ ಎಕ್ಸ್‌ಪ್ರೆಸ್ ವೇಯಾಗಿದೆ. 82 ಕಿ.ಮೀ ಉದ್ದದ ಈ ಯೋಜನೆಗೆ ರೂ.6273 ಕೋಟಿ ವೆಚ್ಚ ಮಾಡಲಾಗುತ್ತಿದೆ. ಎನ್‌ಹೆಚ್‌-235 ಆರಂಭಗೊಂಡಾಗ ಈ ರಸ್ತೆಯ ಮೂಲಕ ಮೀರತ್ ತಲುಪುವುದು ಸುಲಭವಾಗಲಿದೆ.

ಸದ್ಯ ದೆಹಲಿಯಿಂದ ರಸ್ತೆ ಮೂಲಕ ಮೀರತ್‌ ತಲುಪಲು ಎರಡೂವರೆ ಗಂಟೆ ಬೇಕಾಗುತ್ತದೆ. ಈ ಎಕ್ಸ್‌ಪ್ರೆಸ್‌ವೇಯ ಪಕ್ಕದಲ್ಲಿ ನೆಡಲಾಗಿರುವ ಗಿಡಗಳ ಬಗ್ಗೆಯೂ ವಿಶೇಷ ಗಮನ ಹರಿಸಲಾಗುತ್ತಿದೆ. ಈ ಎಕ್ಸ್‌ಪ್ರೆಸ್‌ವೇಯಲ್ಲಿ ಹಲವು ಸೌಲಭ್ಯಗಳನ್ನು ಒದಗಿಸಲಾಗುವುದು ಎಂದು ನಿತಿನ್ ಗಡ್ಕರಿರವರು ಹೇಳಿದ್ದಾರೆ.