ಮಹೀಂದ್ರಾ ಮರಾಜೋ ಬಿಎಸ್ 6 ಎಂಪಿವಿ ಮಾದರಿಗಳಲ್ಲಿರುವ ಫೀಚರ್​ಗಳಿವು

ಎಲ್ಲಾ ಮೂರು ಮಾದರಿಗಳಲ್ಲಿ ಕಂಪನಿಯು 7 ಹಾಗೂ 8 ಸೀಟುಗಳ ಆಯ್ಕೆಯನ್ನು ನೀಡಿದೆ. ಮರಾಜೋದ ಬಿಎಸ್ 6 ಆವೃತ್ತಿಯಲ್ಲಿ ಎಂ 4 ಪ್ಲಸ್ ಹಾಗೂ ಎಂ 6 ಪ್ಲಸ್ ಮಾದರಿಗಳನ್ನು ಸೇರಿಸಲಾಗಿದ್ದರೆ, ಬಿಎಸ್ 4 ಆವೃತ್ತಿಯ ಎಂ 4, ಎಂ 6 ಹಾಗೂ ಫುಲ್ಲಿ ಲೋಡೆಡ್ ಎಂ 8 ಮಾದರಿಗಳನ್ನು ಸ್ಥಗಿತಗೊಳಿಸಲಾಗಿದೆ. ಹೊಸ ಮಹೀಂದ್ರಾ ಮರಾಜೋ ಬಿಎಸ್ 6ನ ಮೂರು ಮಾದರಿಗಳು ಹಾಗೂ ಅವುಗಳಲ್ಲಿರುವ ಫೀಚರ್​ಗಳ ಬಗ್ಗೆ ಈ ಲೇಖನದಲ್ಲಿ ನೋಡೋಣ.

ಮಹೀಂದ್ರಾ ಮರಾಜೋ ಎಂ 2 ಮಾದರಿಯ ಬೆಲೆ ಎಕ್ಸ್ ಶೋರೂಂ ದರದಂತೆ ರೂ.11.25 ಲಕ್ಷಗಳಾಗಿದೆ. ಈ ಮಾದರಿಯಲ್ಲಿ ಡ್ಯುಯಲ್ ಏರ್‌ಬ್ಯಾಗ್, ಎಬಿಎಸ್, ಆಲ್ ವ್ಹೀಲ್ ಡಿಸ್ಕ್ ಬ್ರೇಕ್, ಫ್ರಂಟ್ ಸೀಟ್ ಬೆಲ್ಟ್ ರಿಮ್ಯಾಂಡರ್, ಐಸೊಫಿಕ್ಸ್ ಚೈಲ್ಡ್ ಸೀಟ್ ಮೌಂಟ್ ಗಳಿವೆ.

MOSTREAD: ಮದುವೆ ಉಂಗುರದ ಶೋಧಕ್ಕಾಗಿ ಚೆಲ್ಲಾಪಿಲ್ಲಿಯಾದ ಕಾರಿನ ಇಂಟಿರಿಯರ್

ಇದರ ಜೊತೆಗೆ 16 ಇಂಚಿನ ಸ್ಟೀಲ್ ವ್ಹೀಲ್, ಏರ್ ಕಂಡಿಷನ್, ಹಿಂಭಾಗದಲ್ಲಿ ಏರ್-ಕಾನ್ ವೆಂಟ್, ಪವರ್ ವಿಂಡೋಸ್, ಫ್ರಂಟ್ ಸೆಂಟರ್ ಆರ್ಮ್‌ರೆಸ್ಟ್ ಗಳನ್ನು ನೀಡಲಾಗಿದೆ. ಎಂ 4 ಪ್ಲಸ್ ಮಾದರಿಯ ಬೆಲೆ ಎಕ್ಸ್ ಶೋರೂಂ ದರದಂತೆ ರೂ.12.37-ರೂ.12.45 ಲಕ್ಷಗಳಾಗಿದೆ.

ಈ ಮಾದರಿಯಲ್ಲಿ ಎಂ 2 ಕೆ ಯುಎಸ್‌ಬಿ, ಎಯುಎಕ್ಸ್, ಬ್ಲೂಟೂತ್ ಕನೆಕ್ಟಿವಿಟಿ, ರೇರ್ ಡಿಫೋಗರ್, 16 ಇಂಚಿನ ಅಲಾಯ್ ವ್ಹೀಲ್, ಎಲೆಕ್ಟ್ರಿಕ್ ಅಡ್ಜಸ್ಟ್ ವಿಂಗ್ ಮಿರರ್, ಡ್ರೈವರ್ ಸೀಟ್ ಹೈಟ್ ಅಡ್ಜಸ್ಟಬಲ್, ರಿಮೋಟ್ ಸೆಂಟ್ರಲ್ ಲಾಕಿಂಗ್, ಮಿಡ್ -ರೋ ಸೇಂಟ್ ಆರ್ಮ್‌ರೆಸ್ಟ್, ಹಿಂಭಾಗದಲ್ಲಿ ವೈಪರ್, ವಾಷರ್ ಹಾಗೂ ಸ್ಟೀಯರಿಂಗ್-ಮೌಂಟೆಡ್ ಕಂಟ್ರೋಲ್ಗಳನ್ನು ನೀಡಲಾಗಿದೆ.

MOSTREAD: ಇನ್ನು ಮುಂದೆ ಈ ಬಣ್ಣದ ಕಾರುಗಳ ನೋಂದಣಿ ಕಾನೂನುಬದ್ದ

ಎಂ 6 ಪ್ಲಸ್ ಮಾದರಿಯ ಬೆಲೆ ಎಕ್ಸ್ ಶೋರೂಂ ದರದಂತೆ ರೂ.13.51-ರೂ.13.59 ಲಕ್ಷಗಳಾಗಿದೆ. ಈ ಮಾದರಿಯಲ್ಲಿ 7 ಇಂಚಿನ ಟಚ್-ಸ್ಕ್ರೀನ್ ಇನ್ಫೋಟೇನ್‌ಮೆಂಟ್ ಸಿಸ್ಟಂ, ಆನ್-ಬೋರ್ಡ್ ನ್ಯಾವಿಗೇಷನ್, ಕಾರ್ನರಿಂಗ್ ಫಂಕ್ಷನ್ ಗಳಿವೆ.

ಇದರ ಜೊತೆಗೆ ಫಾಗ್-ಲ್ಯಾಂಪ್, ರೇರ್-ವೀವ್ ಕ್ಯಾಮೆರಾ, ಫಾಲೋ-ಮಿ-ಹೋಮ್ ಫಂಕ್ಷನ್ ಹೊಂದಿರುವ ಪ್ರೊಜೆಕ್ಟರ್ ಹೆಡ್‌ಲ್ಯಾಂಪ್, 17 ಇಂಚಿನ ಅಲಾಯ್ ವ್ಹೀಲ್ಸ್, ಆಟೋ ಕ್ಲೈಮೇಟ್ ಕಂಟ್ರೋಲ್, ಅಡ್ಜಸ್ಟಬಲ್ ಲುಂಬರ್ ಸಪೋರ್ಟ್ ಹಾಗೂ ಒನ್-ಟಚ್ ಡ್ರೈವರ್ ವಿಂಡೋಗಳನ್ನು ನೀಡಲಾಗಿದೆ.

MOST READ:ಒಂದು ವರ್ಷದಿಂದ ಚಲಿಸಿದರೂ ಇನ್ನೂ ಗುರಿ ಮುಟ್ಟದ ಟ್ರಕ್

ಮರಾಜೋ ಎಂಪಿವಿಯಲ್ಲಿ 1.5 ಲೀಟರಿನ ಡೀಸೆಲ್ ಎಂಜಿನ್ ಅಳವಡಿಸಲಾಗಿದೆ. ಈ ಎಂಜಿನ್ 3,500 ಆರ್‌ಪಿಎಂನಲ್ಲಿ 121 ಬಿಹೆಚ್‌ಪಿ ಪವರ್ ಹಾಗೂ 1750 ರಿಂದ 2500 ಆರ್‌ಪಿಎಂನಲ್ಲಿ 300 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ.

ಈ ಎಂಜಿನ್ ನಲ್ಲಿ 6 ಸ್ಪೀಡಿನ ಮ್ಯಾನುವಲ್ ಗೇರ್ ಬಾಕ್ಸ್ ಅಳವಡಿಸಲಾಗಿದೆ. ಮುಂಬರುವ ದಿನಗಳಲ್ಲಿ ಮಹೀಂದ್ರಾ ಮರಾಜೋ ಎಂಪಿವಿಯನ್ನು 1.5 ಲೀಟರಿನ ಟರ್ಬೋಚಾರ್ಜ್ಡ್ ಪೆಟ್ರೋಲ್ ಎಂಜಿನ್ ನೊಂದಿಗೆ ಬಿಡುಗಡೆಗೊಳಿಸುವ ಸಾಧ್ಯತೆಗಳಿವೆ.