ಹರಾಜು ಮೂಲಕ ಮಾರಾಟವಾಗಲಿದೆ ವಿಶ್ವವಿಖ್ಯಾತ ನಟನ ಐಷಾರಾಮಿ ಕಾರು

1986ರ ಮಾದರಿಯ ಇಂಗ್ಲೆಂಡ್'ನ ದಾಖಲೆಗಳನ್ನು ಹೊಂದಿರುವ 34 ವರ್ಷ ಹಳೆಯ ಈ ಬಿಎಂಡಬ್ಲ್ಯು 635 ಸಿಎಸ್ಐ ಕಾರು ಈಗಲೂ ಹೊಸ ಕಾರಿನಂತೆ ಕಾಣುತ್ತದೆ. ಈ ಕಾರಿನ ಎಂಜಿನ್ ಸಹ ದಕ್ಷತೆಯಿಂದ ಕೂಡಿದೆ ಎಂದು ಹೇಳಲಾಗಿದೆ. ಈ ಕಾರನ್ನು ಆನ್‌ಲೈನ್‌ ಮೂಲಕ ಹರಾಜು ಹಾಕಲಾಗುತ್ತಿದೆ.

ವಿಶ್ವವಿಖ್ಯಾತ ನಟ ನಟ ಸೀನ್ ಕಾನರಿ ಬಳಸುತ್ತಿದ್ದ ಈ ಕ್ಲಾಸಿಕ್ ಐಷಾರಾಮಿ ಕಾರ್ ಅನ್ನು ಹರಾಜು ಮೂಲಕ ಖರೀದಿಸಲು ಜನರು ಮುಗಿ ಬೀಳುತ್ತಿದ್ದಾರೆ. ಹರಾಜಿನಲ್ಲಿ ಇದುವರೆಗೂ 17,250 ಮಂದಿ ಬಿಡ್ ಸಲ್ಲಿಸಿದ್ದಾರೆ.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ಈ ಕಾರನ್ನು ಜನವರಿ 15ರಂದು ಹರಾಜು ಹಾಕಲಾಗುವುದು. ಹರಾಜು ದಿನ ಹತ್ತಿರವಾದಂತೆ ಬಿಡ್ ಮತ್ತಷ್ಟು ಏರಿಕೆಯಾಗುವ ನಿರೀಕ್ಷೆಗಳಿವೆ. ಹರಾಜು ಹಾಕುತ್ತಿರುವವರು ಸುಮಾರು 30,000 ಯುರೋಗಳಿಂದ 60,000 ಯುರೋಗಳವರೆಗೆ ಬಿಡ್‌ಗಳನ್ನು ನಿರೀಕ್ಷಿಸಿದ್ದಾರೆ.

ಈ ಕಾರಿನ ಹರಾಜು ಬೆಲೆಯನ್ನು ಭಾರತದ ರೂಪಾಯಿ ಮೌಲ್ಯದಂತೆ ರೂ.15.41 ಲಕ್ಷಗಳಿಗೆ ನಿಗದಿಪಡಿಸಲಾಗಿದೆ. ಇದು ಅಂದಾಜು ಮೌಲ್ಯ ಮಾತ್ರ. ಹರಾಜಿನಲ್ಲಿ ಈ ಕಾರು ಎರಡು ಪಟ್ಟು ಹೆಚ್ಚಿನ ಬೆಲೆಗೆ ಮಾರಾಟವಾಗಲಿದೆ ಎಂದು ನಿರೀಕ್ಷಿಸಲಾಗಿದೆ.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ಈ ಕಾರನ್ನು ಸೀನ್ ಕಾನರಿ 1998ರಲ್ಲಿ ಖರೀದಿಸಿದ್ದರು ಎಂದು ಹೇಳಲಾಗಿದೆ. ಅಂದಿನಿಂದಲೂ ಈ ಕಾರನ್ನು ಮುತುವರ್ಜಿಯಿಂದ ನೋಡಿಕೊಳ್ಳಲಾಗಿದೆ. ಈ ಕಾರಣಕ್ಕೆ ಈ ಕಾರು ಈಗಲೂ ಹೊಸದರಂತೆ ಕಾಣುತ್ತದೆ.

ಈ ಐಷಾರಾಮಿ ಕಾರಿನಲ್ಲಿ 6 ಸಿಲಿಂಡರ್ ಎಂಜಿನ್ ಅಳವಡಿಸಲಾಗಿದೆ. ಈ ಎಂಜಿನ್ ಗರಿಷ್ಠ 220 ಬಿಹೆಚ್‌ಪಿ ಪವರ್ ಹಾಗೂ 232 ಐಪಿ / ಎಫ್‌ಟಿ ಟಾರ್ಕ್ ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಈ ಕಾರು ಪ್ರತಿ ಗಂಟೆಗೆ 230 ಕಿ.ಮೀ ವೇಗದಲ್ಲಿ ಚಲಿಸುತ್ತದೆ.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಕಾರಿನ ಹೊರಭಾಗವು ಅದ್ಭುತವಾಗಿ ಕಾಣುತ್ತದೆ. ಈ ಕಾರಿನಲ್ಲಿ ಒಷಿಯನ್ ಬ್ಲೂ ಬಣ್ಣದ ಸೀಟುಗಳನ್ನು ಅಳವಡಿಸಲಾಗಿದೆ. ಈ ಕಾರಿನಲ್ಲಿದ್ದ ಕಾರ್ಪೆಟ್, ಮ್ಯಾಟ್, ಟೂರ್ ಕಾರ್ಡ್, ಸೆಂಟರ್ ಕನ್ಸೋಲ್, ಡ್ಯಾಶ್‌ಬೋರ್ಡ್ ಸೇರಿದಂತೆ ವಿವಿಧ ಬಿಡಿಭಾಗಗಳನ್ನು ತೆಗೆದುಹಾಕಿ ಹೊಸ ಬಿಡಿಭಾಗಗಳನ್ನು ಅಳವಡಿಸಲಾಗಿದೆ.

ಇದರಿಂದಾಗಿ ಈ ಕಾರು ಹೊಸದರಂತೆ ಕಾಣುತ್ತದೆ. ಬಿಎಂಡಬ್ಲ್ಯು ಕಂಪನಿಯು 6 ಸೀರಿಸ್ ಕಾರ್ ಅನ್ನು ಮೊದಲ ಬಾರಿಗೆ 1976ರಲ್ಲಿ ಬಿಡುಗಡೆಗೊಳಿಸಿತು. 1989ರಲ್ಲಿ ಈ ಕಾರಿನ ಉತ್ಪಾದನೆಯನ್ನು ಸಂಪೂರ್ಣವಾಗಿ ನಿಲ್ಲಿಸಿತು.

MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು

ಆದರೆ ಈ ಕಾರ್ ಅನ್ನು ಈಗಲೂ ವಿಶ್ವದ ಪ್ರಮುಖ ವ್ಯಕ್ತಿಗಳು ಬಳಸುತ್ತಿದ್ದಾರೆ. ಅವರಲ್ಲಿ ನಟ ಸೀನ್ ಕಾನರಿ ಸಹ ಒಬ್ಬರು. ಈಗ ಅವರ ಬಳಿಯಿದ್ದ ಕಾರ್ ಅನ್ನು ಹರಾಜು ಹಾಕಲಾಗುತ್ತಿದೆ.