ಕಡಿಮೆ ಬೆಲೆಯಲ್ಲಿ ಹೊಸ ಎಲೆಕ್ಟ್ರಿಕ್ ಕಾರನ್ನು ಬಿಡುಗಡೆಗೊಳಿಸಲಿದೆ Toyota

ಬಹುತೇಕ ಜನಪ್ರಿಯ ವಾಹನ ತಯಾರಕ ಕಂಪನಿಗಳು ಎಲೆಕ್ಟ್ರಿಕ್ ವಾಹನಗಳ ಅಭಿವೃದ್ದಿಪಡಿಸುವಲ್ಲಿ ನಿರತರಾಗಿದ್ದಾರೆ. ಇದರ ನಡುವೆ, ಟೊಯೊಟಾ ಕಂಪನಿಯು ಇತ್ತೀಚೆಗೆ ತನ್ನ ಹೊಸ ಕಾರ್ಯತಂತ್ರದ ಯೋಜನೆಯನ್ನು ಘೋಷಿಸಿದೆ. ಇದರ ಭಾಗವಾಗಿ ಕಾನ್ಸೆಪ್ಟ್ ಮತ್ತು ಮೂಲಮಾದರಿಗಳನ್ನು ಒಳಗೊಂಡಂತೆ 15 ಎಲೆಕ್ಟ್ರಿಕ್ ವಾಹನಗಳನ್ನು ಪ್ರದರ್ಶಿಸಿದೆ. ಕಂಪನಿಯು ಟೊಯೊಟಾ ಬಿಝಡ್ (Toyota BZ) ಸಣ್ಣ ಕ್ರಾಸ್‌ಒವರ್ ಮಾದರಿಯನ್ನು ಸಹ ಪ್ರದರ್ಶಿಸಿದೆ, ಇದು ಬ್ರ್ಯಾಂಡ್‌ನ ಭವಿಷ್ಯದ, ಅಗ್ಗದ ಎಲೆಕ್ಟ್ರಿಕ್ ಕಾಂಪ್ಯಾಕ್ಟ್ ಎಸ್‍ಯುವಿಯಾಗಲಿದೆ.

ಬಿಝಡ್ ಮಾದರಿ ಟೊಯೊಟಾದ ದೊಡ್ಡ ವಾಣಿಜ್ಯ ಆಸ್ತಿಯಾಗಲು ಉದ್ದೇಶಿಸಲಾಗಿದೆ ಎಂದು ಟೊಯೊಟಾ ಸಿಇಒ ಅಕಿ ಟೊಯೊಟಾ ಅವರು ಹೇಳಿಕೊಂಡಿದ್ದಾರೆ. ಯುರೋಪ್ ಮತ್ತು ಜಪಾನ್ ಅನ್ನು ಗಮನದಲ್ಲಿಟ್ಟುಕೊಂಡು ವಿನ್ಯಾಸಗೊಳಿಸಲಾದ ಆರಾಮದಾಯಕ ಒಳಾಂಗಣದೊಂದಿಗೆ ಸಣ್ಣ ಬ್ಯಾಟರಿ ಚಾಲಿತ ಎಲೆಕ್ಟ್ರಿಕ್ ವಾಹನ ಆಗಿರುತ್ತದೆ.

ಭವಿಷ್ಯದಲ್ಲಿ ಹೊಸ ಟೊಯೊಟಾ ಬಿಝಡ್ ಮಾದರಿಯು ಕಾಂಪ್ಯಾಕ್ಟ್ ಎಲೆಕ್ಟ್ರಿಕ್ ಎಸ್‍ಯುವಿ ಭಾಗದಲ್ಲಿ ಹೊಸ ಸಂಚಲನವನ್ನು ಸೃಷ್ಟಿಸುವ ಮಾದರಿಯಾಗಲಿದೆ, ಈ ಹೊಸ ಟೊಯೊಟಾ ಎಲೆಕ್ಟ್ರಿಕ್ ಕಾರು 12.5kWh ಬ್ಯಾಟರಿ ಪ್ಯಾಕ್ ಅನ್ನು ಹೊಂದಿರುತ್ತದೆ.

ಟೊಯೊಟಾ ಸಣ್ಣ ಬ್ಯಾಟರಿಗಳನ್ನು ಹೊಂದಿರುವ ವಾಹನಗಳ ಮೂಲಕ ಎಲೆಕ್ಟ್ರಿಕ್ ಕಾರುಗಳನ್ನು ಜನಪ್ರಿಯಗೊಳಿಸುವ ಗುರಿಯನ್ನು ಹೊಂದಿದೆ. ರೇಂಜ್ ಅನ್ನು ವಿಸ್ತರಿಸಲು ಹೆಚ್ಚು ಬ್ಯಾಟರಿಗಳನ್ನು ಸೇರಿಸಲಾಗುತ್ತದೆ, ವಾಹನವು ದೊಡ್ಡದಾಗಿದ್ದರೆ, ಭಾರವಾಗಿರುತ್ತದೆ ಮತ್ತು ಹೆಚ್ಚು ದುಬಾರಿಯಾಗುತ್ತದೆ.

ಈ ಎಸ್‍ಯುವಿ ಕ್ಕ ವಾಹನವಾಗಿರುವುದರಿಂದ, ತುಂಬಾ ಚಮತ್ಕಾರಿಯಾಗಬೇಕಾದ ಅಗತ್ಯವಿದೆ. ಇದು ಉತ್ತಮ ದಕ್ಷತೆಯನ್ನು ಹೊಂದಿರುತ್ತದೆ. ಟೊಯೊಟಾ ಬಿಝಡ್ ಅರ್ಬನ್ ಕಾಂಪ್ಯಾಕ್ಟ್ ಎಸ್‍ಯುವಿಯು ಕಾನ್ಸೆಪ್ಟ್ ಪ್ರಾಯೋಗಿಕ ಉತ್ಪಾದನೆ-ಸಿದ್ಧ ಮಾದರಿಯಂತೆ ಕಾಣುತ್ತದೆ.

ಅಂತಿಮ ಆವೃತ್ತಿಯ ಮೊದಲು ಸಣ್ಣ ಬದಲಾವಣೆಗಳನ್ನು ಪಡೆಯುತ್ತದೆ. ಸಣ್ಣ ಕ್ರಾಸ್ಒವರ್ ಇತ್ತೀಚೆಗೆ ಬಿಡುಗಡೆಯಾದ ಟೊಯೋಟಾ bZ4X ಮತ್ತು ಟೊಯೋಟಾ ಐಗೋ ಎಕ್ಸ್ ನ್ಯಾಸದ ಸೂಚನೆಗಳನ್ನು ಹಂಚಿಕೊಳ್ಳುತ್ತದೆ. ಇದು ಪಿಯುಜಿಯೋ ಇ--2008 ಮತ್ತು ಭವಿಷ್ಯದ ಪೋಕ್ಸ್ ವ್ಯಾಗನ್ ಐಡಿ.2 ಸೇರಿದಂತೆ ಬಿ-ಗ್ಮೆಂಟ್ ಇವಿಗಳ ವಿರುದ್ಧ ಸ್ಪರ್ಧಿಸುತ್ತದೆ.

ಇದರೊಂದಿಗೆ ಟೊಯೊಟಾ ತನ್ನ ಹೊಸ bZ4X BEV ಎಲೆಕ್ಟ್ರಿಕ್ ಕಾರನ್ನು ಬಿಡುಗಡೆಗೊಳಿಸಲು ಸಜ್ಜಾಗುತ್ತಿದೆ. ಜಪಾನಿನ ಕಾರು ದೈತ್ಯರಿಂದ bZ4X BEV (ಬ್ಯಾಟರಿ ಎಲೆಕ್ಟ್ರಿಕ್ ವೆಹಿಕಲ್) ಮಾದರಿಯು ಸಂಪೂರ್ಣವಾಗಿ ಬ್ಯಾಟರಿ ಇವಿ ಮಾದರಿಯಾಗಿ ಅಭಿವೃದ್ಧಿಪಡಿಸಿದ ಮೊದಲ ಕಾರು ಇದಾಗಿದೆ.

ಇದನ್ನು ಈ ವರ್ಷದ ಏಪ್ರಿಲ್‌ನಲ್ಲಿ ಕ್ರಾಸ್‌ಒವರ್ ಕಾನ್ಸೆಪ್ಟ್ ರೂಪದಲ್ಲಿ bZ4X ಅನ್ನು ಅನಾವರಣಗೊಳಿಸಿತ್ತು. ಇದು ಒಟ್ಟಾರೆ ಮಾದರಿಯು ಸಾಕಷ್ಟು ಬದಲಾಗದೆ ಉಳಿದಿದೆ. ಟೊಯೊಟಾ bZ4X ಕಾನ್ಸೆಪ್ಟ್ ಮಾದರಿಯು ವಿಭಿನ್ನ ಶೈಲಿಯನ್ನು ಹೊಂದಿದೆ. ಟೊಯೊಟಾ bZ4X ಬ್ರ್ಯಾಂಡ್‌ನ ಹೊಸ "ಹ್ಯಾಮರ್‌ಹೆಡ್" ವಿನ್ಯಾಸದೊಂದಿಗೆ ಅಗ್ರೇಸಿವ್ ಮುಂಭಾಗದ ಫಾಸಿಕವನ್ನು ಹೊಂದಿದೆ.

ಇದು ತೀಕ್ಷ್ಣವಾಗಿ ಕಾಣುವ ಸಮಗ್ರ ಎಲ್ಇಡಿ ಡಿಆರ್ಎಲ್ ಗಳೊಂದಿಗೆ ನಯವಾದ ಹೆಡ್‌ಲೈಟ್‌ಗಳನ್ನು ಸಹ ಪಡೆಯುತ್ತದೆ. ಸೈಡ್ ಪ್ರೊಫೈಲ್ ಸಾಕಷ್ಟು ಸ್ಪೋರ್ಟಿಯಾಗಿದೆ, ಕಡಿಮೆ ಎತ್ತರ, ಸ್ಲಿಮ್ ಎ-ಪಿಲ್ಲರ್‌ಗಳು ಮತ್ತು ಬಿ-ಪಿಲ್ಲರ್‌ಗಳು, ಸ್ಕೊಪಿಂಗ್ ಬಾನೆಟ್ ಲೈನ್ ಮತ್ತು ಸ್ಕೊಪಿಂಗ್ ರೇರ್ ವಿಂಡ್‌ಸ್ಕ್ರೀನ್ ಅನ್ನು ಒಳಗೊಂಡಿದೆ. ಟೊಯೊಟಾ bZ4X e-TNGA ಪ್ಲಾಟ್‌ಫಾರ್ಮ್‌ನಿಂದ ಆಧಾರವಾಗಿದೆ,

ಇದು ಕೆಲವು ಅಂತರ್ಗತ ಪ್ರಯೋಜನಗಳನ್ನು ಹೊಂದಿದೆ. RAV4 ಹೈಬ್ರಿಡ್‌ಗೆ ಹೋಲಿಸಿದರೆ, ಇದು ಕಡಿಮೆ ಎತ್ತರವನ್ನು ಹೊಂದಿದೆ ಆದರೆ ಉದ್ದವಾದ ವೀಲ್‌ಬೇಸ್ ಅನ್ನು ಹೊಂದಿದೆ (ಕಡಿಮೆ ಓವರ್‌ಹ್ಯಾಂಗ್‌ಗಳೊಂದಿಗೆ). ಬಾನೆಟ್ ಲೈನ್ ಸಹ ಕಡಿಮೆಯಾಗಿದೆ. ಇನ್ನು ಕಾಕ್‌ಪಿಟ್‌ನಿಂದ ವೀಕ್ಷಣೆಯನ್ನು ಹೆಚ್ಚು ಸ್ಪಷ್ಟವಾಗಿದೆ.

ಟೊಯೊಟಾ ಎಲೆಕ್ಟ್ರಿಕ್ ಎಸ್‌ಯುವಿ 5.7 ಮೀಟರ್‌ಗಳಷ್ಟು ಉತ್ತಮವಾದ ಟರ್ನಿಂಗ್ ಸರ್ಕಲ್ ಅನ್ನು ಹೊಂದಿದೆ ಎಂದು ಹೇಳಿಕೊಂಡಿದೆ. ಟೊಯೊಟಾ bZ4X ಎಲೆಕ್ಟ್ರಿಕ್ ಕಾರು ಒಳಭಾಗವು ಪ್ರೀಮಿಯಂ ಆಗಿ ಕಾಣುತ್ತದೆ. ಟೊಯೊಟಾ bZ4X ಎಲೆಕ್ಟ್ರಿಕ್ ಕಾರಿನಲ್ಲಿ ಎರಡು ವಿಭಿನ್ನ ಪವರ್‌ಟ್ರೇನ್ ಆಯ್ಕೆಗಳಲ್ಲಿ ಲಭ್ಯವಿದೆ. ಇದು FWD 71.4 kWh ಬ್ಯಾಟರಿ ಪ್ಯಾಕ್ ಮತ್ತು ಎಲೆಕ್ಟ್ರಿಕ್ ಮೋಟರ್‌ನಿಂದ ಚಾಲಿತವಾಗಿದೆ. ಈ ಎಲೆಕ್ಟ್ರಿಕ್ ಕಾರಿನ ಎರಡು ರೂಪಾಂತರಗಳು ಫ್ರಂಟ್-ವೀಲ್-ಡ್ರೈವ್ ಮತ್ತು ಆಲ್-ವೀಲ್-ಡ್ರೈವ್ ಆಗಿದೆ ಇದರಲ್ಲಿ ಮೊದಲನೆಯದು 203 ಬಿಹೆಚ್‍ಪಿ ಪವರ್ ಮತ್ತು 265 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ.

ಇನ್ನು ಎರಡನೆಯದು 217 ಬಿಹೆಚ್‍ಪಿ ಪವರ್ ಮತ್ತು 336 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿರಲಿದೆ. ಮುಂದಿನ ವರ್ಷದಲ್ಲಿ ಟೊಯೊಟಾ bZ4X ಎಲೆಕ್ಟ್ರಿಕ್ ಕಾರು ಆಯ್ದ ದೇಶಗಳಲ್ಲಿ ಮಾರಾಟವಾಗಲಿದೆ. ಆದರೆ ಈ ಎಲೆಕ್ಟ್ರಿ ಕಾರು ಭಾರತಕ್ಕೆ ಬರಲಿದೆಯೇ ಎಂಬುದರ ಕುರಿತು ಇನ್ನೂ ಯಾವುದೇ ಮಾಹಿತಿಗಳು ಬಹಿರಂಗವಾಗಿಲ್ಲ, ಇನ್ನು ಟೊಯೊಟಾ bZ4X ಎಲೆಕ್ಟ್ರಿಕ್ ಕಾರಿನ ಬಳಿಕ ಬಿಝಡ್ ಮಾದರಿಯನ್ನು ಬಿಡುಗಡೆಗೊಳಿಸಬಹುದು.