Just In
- 33 min ago ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- 1 hr ago KTM Duke 125 ಬೆಲೆಗೆ ಯಾವೆಲ್ಲಾ ಬೈಕ್ಗಳು ಸಿಗುತ್ತೆ ಗೊತ್ತಾ?: ಪಲ್ಸರ್ನಿಂದ ಹಿಡಿದು MT 15 ವರೆಗೆ
- 2 hrs ago ಅಡ್ವೆಂಚರ್ ಬೈಕ್ ಪ್ರಿಯರಿಗೆ ಸಿಹಿಸುದ್ದಿ: ಬಿಡುಗಡೆಗೆ ಸಜ್ಜಾದ ಸುಜುಕಿ V-Strom 800 DE ಬೈಕ್
- 2 hrs ago Maruti Suzuki: 2024ರ ಮಾರುತಿ ಸ್ವಿಫ್ಟ್ ವಿಶೇಷತೆಗಳು: ಸನ್ರೂಫ್, 35 ಕಿ.ಮೀ ಮೈಲೇಜ್!
Don't Miss!
- Lifestyle ಕಂಡ ಕಂಡಲ್ಲಿ ಏಕೆ ಉಗುಳಬಾರದು ಗೊತ್ತಾ? ಈ ವಿಡಿಯೋ ನೋಡಿ..!
- Movies ಅರ್ಜುನ್ ಮಹಾಕ್ಷಯ್ ಅಡ್ಡಾದಲ್ಲೂ ಆಯುಧ ಪೂಜೆ; 'ಮ್ಯಾಕ್ಸ್' ಕ್ರೇಜಿ ಅಪ್ಡೇಟ್
- News ಮಂಡ್ಯದ ‘ಹಲವು ಸುಮಲತಾ’ ತಂತ್ರ ಬೆಂಗಳೂರು ಗ್ರಾಮಾಂತದಲ್ಲೂ ಬಂತಾ? ಮತ್ತೊಬ್ಬ ಡಾ ಸಿಎನ್ ಮಂಜುನಾಥ್ ಕಣಕ್ಕೆ!
- Sports IPL 2024: ರಾಜಸ್ಥಾನ್ ರಾಯಲ್ಸ್ vs ಡೆಲ್ಲಿ ಕ್ಯಾಪಿಟಲ್ಸ್ ರೋಚಕ ಪಂದ್ಯದ ಟಾಸ್ ವರದಿ, ಆಡುವ 11ರ ಬಳಗ
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
Maruti Suzuki ಕಂಪನಿ ತನ್ನ ಕಾರುಗಳಲ್ಲಿ ಸನ್ರೂಫ್ ನೀಡದಿರಲು ಕಾರಣಗಳಿವು
ಇತ್ತೀಚಿಗೆ ಬಿಡುಗಡೆಯಾಗುತ್ತಿರುವ ಹೈ ಎಂಡ್ ಕಾರುಗಳಲ್ಲಿ ಎಲೆಕ್ಟ್ರಿಕ್ ಸನ್ ರೂಫ್ ಗಳನ್ನು ಸ್ಟಾಂಡರ್ಡ್ ಆಗಿ ನೀಡಲಾಗುತ್ತದೆ. ಕಾರು ತಯಾರಕ ಕಂಪನಿಗಳು ತಮ್ಮ ಕಾರುಗಳ ಕ್ಯಾಬಿನ್ ಅನ್ನು ಹೆಚ್ಚು ವಿಶಾಲವಾಗಿಸಲು ಹಾಗೂ ಪ್ರೀಮಿಯಂ ಆಗಿಸಲು ಸನ್ ರೂಫ್ ಗಳನ್ನು ನೀಡುತ್ತಿವೆ.
ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗುತ್ತಿರುವ ಬಹುತೇಕ ಕಾರುಗಳಲ್ಲಿ ಸನ್ ರೂಫ್ ನೀಡಲಾಗುತ್ತಿದೆ. ಸನ್ ರೂಫ್ ಹೊಂದಿರುವ ಕಾರುಗಳ ಬೆಲೆ ರೂ. 10 ಲಕ್ಷದಿಂದ ರೂ. 12 ಲಕ್ಷಗಳಾಗಿರುತ್ತದೆ. ದೇಶಿಯ ಮಾರುಕಟ್ಟೆಯಲ್ಲಿ ತಮ್ಮ ಕಾರುಗಳನ್ನು ಮಾರಾಟ ಮಾಡುವ Hyundai, Tata Motors, Mahindra, Kia Motors, Honda ಸೇರಿದಂತೆ ಹಲವು ಕಂಪನಿಗಳು ತಮ್ಮ ಕಾರುಗಳಲ್ಲಿ ಎಲೆಕ್ಟ್ರಿಕ್ ಸನ್ ರೂಫ್ ಗಳನ್ನು ನೀಡುತ್ತಿವೆ.
ಆದರೆ ದೇಶದ ಅತಿ ದೊಡ್ಡ ಕಾರು ತಯಾರಕ ಕಂಪನಿ ಎಂಬ ಹೆಗ್ಗಳಿಕೆಯನ್ನು ಹೊಂದಿರುವ Maruti Suzuki ತನ್ನ ಯಾವುದೇ ಕಾರುಗಳಲ್ಲಿ ಸನ್ರೂಫ್ ಫೀಚರ್ ಅನ್ನು ಇನ್ನೂ ನೀಡಿಲ್ಲ ಎಂಬುದು ಗಮನಾರ್ಹ. ಯಾವ ಕಾರಣಕ್ಕೆ Maruti Suzuki ಕಂಪನಿಯು ತನ್ನ ಕಾರುಗಳಲ್ಲಿ ಸನ್ ರೂಫ್'ಗಳನ್ನು ನೀಡುತ್ತಿಲ್ಲ ಎಂಬುದನ್ನು ಈ ಲೇಖನದಲ್ಲಿ ನೋಡೋಣ.
ಬೇಸಿಗೆಯಲ್ಲಿ ಸೀಮಿತ ಬಳಕೆ
Maruti Suzuki ಕಾರುಗಳಲ್ಲಿ ಸನ್ ರೂಫ್ ನೀಡದಿರುವುದಕ್ಕೆ ಪ್ರಮುಖ ಕಾರಣವೆಂದರೆ ಬದಲಾಗುವ ಹವಾಮಾನ. ಭಾರತದ ಹವಾಮಾನ ಸ್ಥಿತಿಯನ್ನು ಗಮನಿಸಿದರೆ ಇಲ್ಲಿನ ತಾಪಮಾನವು ಬೇಸಿಗೆಯಲ್ಲಿ 50 ಡಿಗ್ರಿ ಸೆಲ್ಸಿಯಸ್ ತಲುಪುತ್ತದೆ. ಇಂತಹ ಪರಿಸ್ಥಿತಿಯಲ್ಲಿ ಬೇಸಿಗೆಯಲ್ಲಿ ಸನ್ ರೂಫ್ ಬಳಕೆ ತುಂಬಾ ಕಡಿಮೆ ಎಂದೇ ಹೇಳಬಹುದು.
ಕೂಲಿಂಗ್ ಸಿಸ್ಟಂ ಮೇಲೆ ಒತ್ತಡ
ಭಾರತದಲ್ಲಿರುವ ಕಾರುಗಳಲ್ಲಿ ಸನ್ ರೂಫ್ ಫೀಚರ್ ಬಳಕೆ ಸೀಮಿತ ಎಂದು Maruti Suzuki ಕಂಪನಿ ಹೇಳುತ್ತದೆ. ಇದರ ಜೊತೆಗೆ ಸನ್ ರೂಫ್ ಕಾರುಗಳಲ್ಲಿರುವ ಏರ್ ಕೂಲಿಂಗ್ ಸಿಸ್ಟಂ ಮೇಲೆ ಹೆಚ್ಚು ಒತ್ತಡವನ್ನು ಉಂಟು ಮಾಡುತ್ತದೆ. ಸನ್ ರೂಫ್ ತೆರೆದಿರುವಾಗ, ಕೂಲಿಂಗ್ ಸಿಸ್ಟಂ ಕ್ಯಾಬಿನ್ ಅನ್ನು ತಣ್ಣಗಾಗಲು ಹೆಚ್ಚು ಸಮಯ ತೆಗೆದುಕೊಳ್ಳುತ್ತದೆ, ಇದರ ಪರಿಣಾಮವಾಗಿ ಹೆಚ್ಚು ಇಂಧನ ಬಳಕೆಯಾಗುತ್ತದೆ.
ಸುರಕ್ಷತೆ ಹಾಗೂ ನಿರ್ವಹಣೆ
Maruti Suzuki ಕಂಪನಿಯು ತನ್ನ ಕಾರುಗಳಲ್ಲಿ ಸನ್ರೂಫ್ ಅನ್ನು ಸುರಕ್ಷತಾ ಕಾರಣಗಳಿಗಾಗಿ ನೀಡುವುದಿಲ್ಲ. ಮಕ್ಕಳು ತಮ್ಮ ತಲೆಯನ್ನು ಸನ್ ರೂಫ್ ನಿಂದಹೊರ ಹಾಕುವ ಸಾಧ್ಯತೆಗಳಿರುತ್ತವೆ. ಇದು ಅಪಾಯಕ್ಕೆ ಎಡೆ ಮಾಡಿಕೊಡುತ್ತದೆ ಎಂಬ ಕಾರಣಕ್ಕೆ Maruti Suzuki ಕಂಪನಿಯು ತನ್ನ ಕಾರುಗಳಲ್ಲಿ ಸನ್ ರೂಫ್ಫೀಚರ್ ನೀಡುವುದಿಲ್ಲ.
Maruti Suzuki ತನ್ನ ಕಾರುಗಳನ್ನು ಕೈಗೆಟುಕುವ ದರದಲ್ಲಿ ಮಾರಾಟ ಮಾಡುತ್ತದೆ. ಸನ್ರೂಫ್ ಫೀಚರ್ ನೀಡುವುದರಿಂದ ಕಾರುಗಳ ಬೆಲೆ ಏರಿಕೆಯಾಗುತ್ತದೆ. ಸನ್ರೂಫ್ನಲ್ಲಿರುವ ರಬ್ಬರ್ ಹಾಗೂ ಸೀಲ್ಗಳನ್ನು ನಿಯಮಿತವಾಗಿ ನಿರ್ವಹಿಸ ಬೇಕಾಗುತ್ತದೆ. ಇದರಿಂದ ಸರ್ವೀಸ್ ಚಾರ್ಜ್ ಸಹ ಹೆಚ್ಚುತ್ತದೆ. ಇವುಗಳನ್ನು ಸರಿಯಾಗಿ ನಿರ್ವಹಿಸದಿದ್ದರೆ ಕ್ಯಾಬಿನ್ನಲ್ಲಿ ಸೋರಿಕೆಗೆ ಕಾರಣವಾಗಿ, ಅನೇಕ ಸಮಸ್ಯೆಗಳಿಗೆ ಮೂಲವಾಗಬಹುದು.
ಭವಿಷ್ಯದಲ್ಲಿ Maruti Suzuki ಸನ್ ರೂಫ್ ತರಬಹುದೇ?
Maruti Suzuki ಭವಿಷ್ಯದಲ್ಲಿ ತನ್ನ ಕಾರುಗಳಲ್ಲಿ ಸನ್ ರೂಫ್ ವೈಶಿಷ್ಟ್ಯಗಳನ್ನು ನೀಡದಿರುವುದನ್ನು ತಳ್ಳಿ ಹಾಕುವಂತಿಲ್ಲ. ಸನ್ ರೂಫ್ ಗಳಿಗೆ ಬೇಡಿಕೆ ಹೆಚ್ಚಾದರೆMaruti Suzuki ಕಂಪನಿಯು ಭವಿಷ್ಯದಲ್ಲಿ ಅವುಗಳನ್ನು ಪರಿಚಯಿಸುವ ಸಾಧ್ಯತೆಗಳಿವೆ. ಈ ಕಾರಣಕ್ಕೆ ಭವಿಷ್ಯದಲ್ಲಿ Maruti Suzuki ಕಾರುಗಳು ಸನ್ ರೂಫ್ ಹೊಂದ ಬಹುದು. ಇತರ ಕಂಪನಿಗಳ ಸ್ಪರ್ಧೆಯನ್ನು ಪರಿಗಣಿಸಿ Maruti Suzuki ಕಂಪನಿಯು ಶೀಘ್ರದಲ್ಲೇ ಈ ಫೀಚರ್ ಅನ್ನು ಕೆಲವು ಮಾದರಿಗಳಲ್ಲಿ ನೀಡಬಹುದು.
ಸನ್ ರೂಫ್ ಸಹ ಹಲವಾರು ಅನುಕೂಲ ಹಾಗೂ ಅನಾನುಕೂಲಗಳನ್ನು ಹೊಂದಿದೆ. ಸನ್ ರೂಫ್ ನಿಂದಾಗುವ ಅನುಕೂಲಗಳೇನು ಎಂಬುದನ್ನು ನೋಡುವುದಾದರೆ, ಸನ್ ರೂಫ್ ಕಾರಿಗೆ ತನ್ನದೇ ಆದ ಶೈಲಿಯನ್ನು ನೀಡುತ್ತದೆ. ಸನ್ರೂಫ್ ತೆರೆದು ಚಾಲನೆ ಮಾಡುವಾಗ ಕ್ಯಾಬಿನ್ನಲ್ಲಿ ತಾಜಾ ಗಾಳಿ ಬರುತ್ತದೆ. ಸನ್ ರೂಫ್ ಒಂದು ರೀತಿಯ ಹಿತಕರ ಅನುಭವವನ್ನು ನೀಡುತ್ತದೆ.
ಕಾರಿನ ವಿಂಡೋಗಳನ್ನು ತೆರೆದರೆ ಬೀಸುವ ಗಾಳಿ ಹೆಚ್ಚು ಶಬ್ದವನ್ನುಂಟು ಮಾಡುತ್ತದೆ. ಇದರಿಂದ ಸಹ ಪ್ರಯಾಣಿಕರೊಂದಿಗೆ ಮಾತನಾಡಲು ಗದ್ದಲದ ವಾತಾವರಣ ಉಂಟಾಗುತ್ತದೆ. ಇಂತಹ ಸಂದರ್ಭಗಳಲ್ಲಿ ಸನ್ ರೂಫ್ ಗಳು ನೆರವಿಗೆ ಬರುತ್ತವೆ. ಇದರಿಂದ ಹೊರಗಿನಿಂದ ಬರುವ ಶಬ್ದವನ್ನು ಕಡಿಮೆ ಮಾಡಬಹುದು.
ಮಳೆಗಾಲದಲ್ಲಿ ಸನ್ ರೂಫ್ ಮೇಲೆ ಬೀಳುವ ಮಳೆ ಹನಿಗಳ ನೋಟವು ಮನಸ್ಸಿಗೆ ಮುದ ನೀಡುತ್ತದೆ. ಹಗಲು ವೇಳೆಯಲ್ಲಿ ಸನ್ ರೂಫ್ ಕ್ಯಾಬಿನ್ ನಲ್ಲಿ ಹೆಚ್ಚು ಬೆಳಕು ಬರುವಂತೆ ಮಾಡುತ್ತದೆ. ಜೊತೆಗೆ ಚಾಲನೆ ಮಾಡುವಾಗ ಆಹ್ಲಾದಕರವಾದ ಅನುಭವ ಉಂಟಾಗುತ್ತದೆ.
ಇನ್ನು ಸನ್ ರೂಫ್ ನಿಂದಾಗುವ ಅನಾನುಕೂಲಗಳ ಬಗ್ಗೆ ನೋಡುವುದಾದರೆ, ಸನ್ರೂಫ್ ಹೊಂದಿರುವ ಹೊಸ ಕಾರನ್ನು ಖರೀದಿಸಿದಾಗ ಅದನ್ನು ಒಂದು ಅಥವಾ ಎರಡು ಬಾರಿ ಪ್ರಯತ್ನಿಸಬಹುದು, ಆದರೆ ಒಂದು ವಾರದ ನಂತರ ಅದು ಅಲ್ಲಿಯೇ ಇದೆ ಎಂಬುದು ಮರೆತು ಹೋಗುತ್ತದೆ.
ವಿಶೇಷವಾಗಿ ಹೆಚ್ಚು ತಾಪಮಾನವಿರುವ ನಗರಗಳಲ್ಲಿ ಇದರ ಬಳಕೆ ಕಡಿಮೆ. ತೆರೆದ ಸನ್ರೂಫ್ನೊಂದಿಗೆ ಹೆಚ್ಚಿನ ವೇಗದಲ್ಲಿ ಚಾಲನೆ ಮಾಡುವುದು ಕಾರಿನ ವಾಯುಬಲ ವಿಜ್ಞಾನದ ಮೇಲೆ ಪರಿಣಾಮ ಬೀರುತ್ತದೆ ಏಕೆಂದರೆ ಲ್ಯಾಮಿನಾರ್ ಗಾಳಿಯ ಹರಿವು ಹೆಚ್ಚುವರಿ ಡ್ರ್ಯಾಗ್ನ ಪ್ರಕ್ಷುಬ್ಧ ಮೇಲ್ಭಾಗವಾಗುತ್ತದೆ.
ಸನ್ ರೂಫ್ ಗಾಜು ಹಾನಿಗೊಳಗಾದರೆ ಅದನ್ನು ಸರಿ ಪಡಿಸಲು ದುಬಾರಿ ವೆಚ್ಚವಾಗುತ್ತದೆ. ಸಂಶೋಧನೆಯ ಪ್ರಕಾರ ಸನ್ ರೂಫ್ ಗಳು ಕಾರಿನ ಮೈಲೇಜ್ ಮೇಲೆ ಪರಿಣಾಮ ಬೀರುತ್ತವೆ. ಸ್ಟಾಂಡರ್ಡ್ ಸನ್ ರೂಫ್ ಅಸೆಂಬ್ಲಿಗಳು ಸುಮಾರು 25 - 35 ಕೆ.ಜಿ ತೂಕವನ್ನು ಹೊಂದಿದ್ದರೆ ಪನೋರಾಮಿಕ್ ಸನ್ ರೂಫ್ 90 ಕೆ.ಜಿ ತೂಕವನ್ನು ಹೊಂದಿರುತ್ತದೆ.
ಸನ್ರೂಫ್ಗಳು ಹೆಡ್ರೂಂ ಅನ್ನು ಹೆಚ್ಚು ಬಳಸುತ್ತವೆ. ಕಾರು ಹಳೆಯದಾದಾಗ, ಸನ್ ರೂಫ್ ಹೆಚ್ಚಾಗಿ ಸೋರಿಕೆಯಾಗುತ್ತದೆ. ಇದರಿಂದ ಕಾರಿನೊಳಗಿರುವವರಿಗೆಅನಗತ್ಯ ಕಿರಿ ಕಿರಿ ಉಂಟಾಗುತ್ತದೆ.