Just In
- 4 hrs ago ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- 5 hrs ago KTM Duke 125 ಬೆಲೆಗೆ ಯಾವೆಲ್ಲಾ ಬೈಕ್ಗಳು ಸಿಗುತ್ತೆ ಗೊತ್ತಾ?: ಪಲ್ಸರ್ನಿಂದ ಹಿಡಿದು MT 15 ವರೆಗೆ
- 5 hrs ago ಅಡ್ವೆಂಚರ್ ಬೈಕ್ ಪ್ರಿಯರಿಗೆ ಸಿಹಿಸುದ್ದಿ: ಬಿಡುಗಡೆಗೆ ಸಜ್ಜಾದ ಸುಜುಕಿ V-Strom 800 DE ಬೈಕ್
- 5 hrs ago Maruti Suzuki: 2024ರ ಮಾರುತಿ ಸ್ವಿಫ್ಟ್ ವಿಶೇಷತೆಗಳು: ಸನ್ರೂಫ್, 35 ಕಿ.ಮೀ ಮೈಲೇಜ್!
Don't Miss!
- News Mukhtar Ansari: ಗ್ಯಾಂಗ್ಸ್ಟರ್-ರಾಜಕಾರಣಿ ಮುಖ್ತಾರ್ ಅನ್ಸಾರಿ ಸಾವು
- Movies Radha Bhagavathi ; ಮಲ್ಲಿ ಅಲಿಯಾಸ್ ರಾಧಾ ಭಗವತಿ ಹಿನ್ನೆಲೆ ಏನ್ಗೊತ್ತಾ..?
- Lifestyle ಏಪ್ರಿಲ್ನಲ್ಲಿ 14 ದಿನ ರಜೆ, ಏಪ್ರಿಲ್ 1ಕ್ಕೆ ಬ್ಯಾಂಕ್ಗಳಿಗೆ ರಜೆ ಇರಲು ಕಾರಣವೇನು?
- Sports ರೋಹಿತ್ vs ಹಾರ್ದಿಕ್: ಸತತ ಸೋಲಿನ ನಡುವೆಯೇ ಮುಂಬೈ ಇಂಡಿಯನ್ಸ್ ಇಬ್ಭಾಗ!?
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
Log9 ಮೆಟೀರಿಯಲ್ಸ್ನೊಂದಿಗೆ EKA ಒಪ್ಪಂದ: ವರ್ಷಕ್ಕೆ 200ಕ್ಕೂ ಹೆಚ್ಚು ಇವಿ ಬಸ್ಗಳ ನಿರ್ಮಾಣದ ಗುರಿ
ಇಂಡಿಯನ್ ನ್ಯಾನೋ ಟೆಕ್ನಾಲಜಿ ಕಂಪನಿಯಾದ Log9 ಮೆಟೀರಿಯಲ್ಸ್, EKA ಜೊತೆಗೆ ತಿಳುವಳಿಕೆ ಒಪ್ಪಂದಕ್ಕೆ (MOU) ಸಹಿ ಹಾಕಿದ್ದು, ಈ ಹೊಸ ಪಾಲುದಾರಿಕೆಯ ಅಡಿಯಲ್ಲಿ Log9 ಮೆಟೀರಿಯಲ್ಸ್ EKA E9 ಎಲೆಕ್ಟ್ರಿಕ್ ಬಸ್ಗಳು ಮತ್ತು ಮುಂಬರುವ ಲೈಟ್ ಕಮರ್ಷಿಯಲ್ ವೆಹಿಕಲ್ಗಳಿಗೆ RapidX ಬ್ಯಾಟರಿ ಪ್ಯಾಕ್ಗಳನ್ನು ಪೂರೈಸುವುದು ಈ ಒಪ್ಪಂದ ಉದ್ದೇಶವಾಗಿದೆ.
RapidX ಬ್ಯಾಟರಿ ಪ್ಯಾಕ್ಗಳಲ್ಲಿ ಬಳಸಲಾದ ಇನ್ಸ್ಟಾ ಚಾರ್ಜ್ ತಂತ್ರಜ್ಞಾನವು , ಈ ಬ್ಯಾಟರಿ ಪ್ಯಾಕ್ಗಳು ಚಾರ್ಜ್ ಮಾಡಲು 30 ನಿಮಿಷಗಳಿಗಿಂತ ಕಡಿಮೆ ಸಮಯ ತೆಗೆದುಕೊಳ್ಳುವುಂತೆ ಅಭಿವೃದ್ದಿ ಪಡಿಸಲಾಗಿದೆ. ಇದರ ಹೊರತಾಗಿ, RapidX ಬ್ಯಾಟರಿ ಪ್ಯಾಕ್ಗಳು 15 ವರ್ಷಗಳ ವಾರಂಟಿಯೊಂದಿಗೆ ಬರುತ್ತವೆ. ಅಲ್ಲದೇ 15,000 ಕ್ಕಿಂತ ಹೆಚ್ಚು ಚಾರ್ಜ್-ಡಿಸ್ಚಾರ್ಜ್ ಸೈಕಲ್ಗಳನ್ನು ಹೊಂದಬಹುದು ಎಂದು ಕಂಪನಿ ತಿಳಿಸಿದೆ.
ಈ ಎರಡೂ ಕಂಪನಿಗಳ ಪಾಲುದಾರಿಕೆಯಲ್ಲಿ ಒಂದು ವರ್ಷದಲ್ಲಿ ಕನಿಷ್ಠ 10,000 LCVಗಳನ್ನು ಮತ್ತು InstaCharge ಸಕ್ರಿಯಗೊಳಿಸಿದ RapidX ಬ್ಯಾಟರಿ ಪ್ಯಾಕ್ಗಳೊಂದಿಗೆ 200 ಕ್ಕೂ ಹೆಚ್ಚು ಎಲೆಕ್ಟ್ರಿಕ್ ಬಸ್ಗಳನ್ನು ತಯಾರಿಸುವ ಗುರಿಯನ್ನು ಹೊಂದಲಾಗಿದೆ. ಈ ಬಸ್ಗಳು ಮತ್ತು ಎಲ್ಸಿವಿಗಳನ್ನು ಆರಂಭದಲ್ಲಿ ಮುಂಬೈ ಮತ್ತು ಪುಣೆ ಪ್ರದೇಶಗಳಲ್ಲಿ ನಿಯೋಜಿಸಲಾಗುವುದು.
Log9 ಮೆಟೀರಿಯಲ್ಸ್ ಪ್ರಕಾರ, Log9 ಬ್ಯಾಟರಿಗಳು ಮುಂದಿನ 3 ರಿಂದ 6 ತಿಂಗಳುಗಳಲ್ಲಿ ಮಾರುಕಟ್ಟೆಯಲ್ಲಿ ಲಭ್ಯವಾಗಲಿವೆ. ಕಂಪನಿಯ ಈ ಬ್ಯಾಟರಿಗಳು 9X ವೇಗದಲ್ಲಿ, 9X ಬ್ಯಾಟರಿ ಅವಧಿಯನ್ನು ಚಾರ್ಜ್ ಮಾಡಬಹುದು ಮತ್ತು 9X ಕಾರ್ಯಕ್ಷಮತೆಯನ್ನು ನೀಡುತ್ತದೆ ಎಂದು ಕಂಪನಿ ಹೇಳುತ್ತಿದೆ. ಇದರ ಜೊತೆಗೆ, ಈ ಬ್ಯಾಟರಿ ಪ್ಯಾಕ್ಗಳು -30 ° C ನಿಂದ 60 ° C ವರೆಗಿನ ತಾಪಮಾನದ ನಡುವೆ ಕಾರ್ಯನಿರ್ವಹಿಸಯವ ಸಾಮರ್ಥ್ಯವನ್ನು ಹೊಂದಿವೆ ಎಂದು ಕಂಪನಿಯು ಹೇಳಿಕೊಂಡಿದೆ.
EKA ಕುರಿತು ಮಾತನಾಡುವುದಾದರೆ, ಈ ಕಂಪನಿಯು ಪಿನಾಕಲ್ ಇಂಡಸ್ಟ್ರೀಸ್ನ ಅಂಗಸಂಸ್ಥೆಯಾಗಿದೆ. ಆಟೋ PLI ನೀತಿಯಡಿಯಲ್ಲಿ ಚಾಂಪಿಯನ್ OEM ಯೋಜನೆಯಡಿ ಅನುಮೋದಿಸಲಾದ ಮೂರು ವಾಣಿಜ್ಯ ವಾಹನ ಕಂಪನಿಗಳಲ್ಲಿ ಕಂಪನಿಯೂ ಸೇರಿದೆ.
EKA ಇತ್ತೀಚೆಗೆ ತನ್ನ 9-ಮೀಟರ್ ಉದ್ದದ, E9 ಎಲೆಕ್ಟ್ರಿಕ್ ಬಸ್ ಅನ್ನು ಪರಿಚಯಿಸಿತ್ತು. ಕಂಪನಿಯ ಪ್ರಕಾರ, EKA E9 ಎಲೆಕ್ಟ್ರಿಕ್ ಬಸ್ಗಳ ಮಾಲೀಕತ್ವದ ಒಟ್ಟು ವೆಚ್ಚ (TCO) ಮಾರುಕಟ್ಟೆಯಲ್ಲಿ ಲಭ್ಯವಿರುವ ಸಾಂಪ್ರದಾಯಿಕ ಬಸ್ಗಳಿಗಿಂತ ಕಡಿಮೆಯಾಗಿದೆ.
ಎಲೆಕ್ಟ್ರಿಕ್ ವಾಹನಗಳಲ್ಲಿ RapidX ಬ್ಯಾಟರಿ ಪ್ಯಾಕ್ಗಳನ್ನು ಬಳಸುವುದರಿಂದ ನಮಗಿರುವ ಪ್ರಮುಖ ಪ್ರಯೋಜನವೆಂದರೆ ಮಾರುಕಟ್ಟೆಯಲ್ಲಿ ಲಭ್ಯವಿರುವ ಇತರ ಬ್ಯಾಟರಿ ಪ್ಯಾಕ್ಗಳಿಗೆ ಹೋಲಿಸಿದರೆ ಕಡಿಮೆ ಸಮಯದಲ್ಲಿ ಫುಲ್ ಚಾರ್ಜ್ ಆಗುತ್ತದೆ. InstaCharge ತಂತ್ರಜ್ಞಾನದ ಈ ಕಡಿಮೆ ಚಾರ್ಜಿಂಗ್ ಸಮಯವು ಅಲಭ್ಯತೆಯನ್ನು ಗಮನಾರ್ಹವಾಗಿ ಕಡಿಮೆ ಮಾಡುತ್ತದೆ ಮತ್ತು ಗರಿಷ್ಠ ದಕ್ಷತೆ ಮತ್ತು ಲಾಭಕ್ಕಾಗಿ ಚಾಲನೆಯಲ್ಲಿರುವ ಸಮಯವನ್ನು ಹೆಚ್ಚಿಸುತ್ತದೆ.
ಇತ್ತೀಚೆಗೆ, ಲಾಗ್9 ಮೆಟೀರಿಯಲ್ಸ್ ಐಐಟಿ-ದೆಹಲಿಯೊಂದಿಗೆ ಸುಧಾರಿತ ಬ್ಯಾಟರಿ ಮತ್ತು ಶಕ್ತಿಯ ಶೇಖರಣಾ ಪರಿಹಾರಗಳನ್ನು ಅಭಿವೃದ್ಧಿಪಡಿಸುವ ಕ್ಷೇತ್ರಗಳಲ್ಲಿ ಅತ್ಯುತ್ಕೃಷ್ಟ ಸಂಶೋಧನೆ ಮತ್ತು ಅಭಿವೃದ್ಧಿಯನ್ನು ಉತ್ತೇಜಿಸಲು ಸಹಕರಿಸಿದೆ. ಮೂಲಗಳ ಪ್ರಕಾರ, Log9 ಮೆಟೀರಿಯಲ್ಸ್ ಈಗಾಗಲೇ IIT-ದೆಹಲಿಯಲ್ಲಿರುವ ಸೆಂಟರ್ ಫಾರ್ ಆಟೋಮೋಟಿವ್ ರಿಸರ್ಚ್ ಅಂಡ್ ಟ್ರೈಬಾಲಜಿ (CART) ನೊಂದಿಗೆ ಮೂರು ವರ್ಷಗಳ ಕಾರ್ಯತಂತ್ರದ ಸಹಯೋಗಕ್ಕೆ ಸಹಿ ಹಾಕಿದೆ.
Log9 ಮೆಟೀರಿಯಲ್ಸ್ ಪ್ರಕಾರ, ದೆಹಲಿ ರಿಸರ್ಚ್ ಇಂಪ್ಲಿಮೆಂಟೇಶನ್ ಮತ್ತು ಇನ್ನೋವೇಶನ್ ಫೌಂಡೇಶನ್ ಅವರು ಮುಂಬರುವ ವರ್ಷಗಳಲ್ಲಿ ವಿವಿಧ ಶೈಕ್ಷಣಿಕ ಮತ್ತು ಉದ್ಯಮ-ಆಧಾರಿತ ಯೋಜನೆಗಳಲ್ಲಿ ಕೆಲಸ ಮಾಡುವುದರಿಂದ ದೀರ್ಘಾವಧಿಯ ಸಹಯೋಗವನ್ನು ಸುಲಭಗೊಳಿಸಲು ಒಪ್ಪಿಕೊಂಡಿದೆ.
ಅದಕ್ಕೆ ಹೆಚ್ಚುವರಿಯಾಗಿ, Log9 ಮೆಟೀರಿಯಲ್ಸ್ ಸಹ Spareit ನೊಂದಿಗೆ ಪಾಲುದಾರಿಕೆ ಹೊಂದಿದೆ, ಅದರ ಮೂಲಕ ಕಂಪನಿಯು ತನ್ನ ಬ್ಯಾಟರಿ ಬದಲಿ ಮತ್ತು ರೆಟ್ರೊ ಫಿಟ್ಮೆಂಟ್ ಸೇವೆಗಳನ್ನು ದೇಶದಲ್ಲಿ ಪ್ರಾರಂಭಿಸಲಿದೆ. ಈ ಪಾಲುದಾರಿಕೆಯೊಂದಿಗೆ, Log9 ಮೆಟೀರಿಯಲ್ಸ್ ತನ್ನ ಬ್ಯಾಟರಿ ಬದಲಿ ಮತ್ತು ಫಿಟ್ಮೆಂಟ್ ಸೇವೆಯನ್ನು SpareIt ಸೇವಾ ಜಾಲದ ಮೂಲಕ ಭಾರತದಾದ್ಯಂತ ಹೊರತರಲಿದೆ.
ಅಲ್ಲದೆ, Log9 ಮೆಟೀರಿಯಲ್ಸ್ ಮತ್ತು Spareit ನಡುವಿನ ಪಾಲುದಾರಿಕೆಯಲ್ಲಿ, ಎಂಟು ನಗರಗಳಲ್ಲಿ ಎಲೆಕ್ಟ್ರಿಕ್ ವೆಹಿಕಲ್ ಚಾರ್ಜಿಂಗ್ ಪಾಯಿಂಟ್ಗಳ ಸ್ಥಾಪನೆಯೊಂದಿಗೆ ಭಾರತದಲ್ಲಿ 100+ EV-ಸ್ನೇಹಿ ಗ್ಯಾರೇಜ್ಗಳಿಗೆ Log9 ಮೆಟೀರಿಯಲ್ಸ್ ಪ್ರವೇಶವನ್ನು ಪಡೆಯುತ್ತಿದೆ.
Log9 ಮೆಟೀರಿಯಲ್ಸ್ ಮತ್ತು EKA ನಡುವಿನ ಇತ್ತೀಚಿನ ಪಾಲುದಾರಿಕೆಯು ಎಲೆಕ್ಟ್ರಿಕ್ ಬಸ್ಗಳು ಮತ್ತು ಲಘು ವಾಣಿಜ್ಯ ವಾಹನಗಳನ್ನು ಕಡಿಮೆ ಅಲಭ್ಯತೆಯೊಂದಿಗೆ ಹೊರತರಲು ಪಾಲುದಾರಿಕೆಯನ್ನು ಸಕ್ರಿಯಗೊಳಿಸಲಿದೆ. ಇದು ಉದ್ಯಮದ ಮೇಲೆ ಸಕಾರಾತ್ಮಕ ಪರಿಣಾಮ ಬೀರಲಿದ್ದು, ಎಲೆಕ್ಟ್ರಿಕ್ ವಾಹನಗಳ ಬಳಕೆಯ ಬಗ್ಗೆ ಸಾರ್ವಜನಿಕರಲ್ಲಿ ವಿಶ್ವಾಸವನ್ನು ಹೆಚ್ಚಿಸಲಿದೆ.