Just In
- 10 hrs ago ಮಾರುಕಟ್ಟೆಯಲ್ಲಿ ಸುನಾಮಿ ಎಬ್ಬಿಸಲು ಹೊಸ ಟೊಯೊಟಾ ಫಾರ್ಚುನರ್ ಲೀಡರ್ ಎಡಿಷನ್ ಅನಾವರಣ
- 13 hrs ago Air Taxi: ಬೆಂಗಳೂರು ಸೇರಿ ಈ ನಗರಗಳಲ್ಲಿ ಏರ್ ಟ್ಯಾಕ್ಸಿ.. ಆಕಾಶದಲ್ಲೇ ಆಫೀಸ್ಗೆ ಹೋಗಬಹುದು, ಕಡಿಮೆ ಖರ್ಚು!
- 13 hrs ago ಐಷಾರಾಮಿ ಸ್ಪೋರ್ಟ್ಸ್ ಕಾರಿನಂತೆ ಮಾರ್ಪಾಡಾದ ಬಡವರ ಮಾರುತಿ ಆಲ್ಟೋ ಕಾರಿಗೆ ನೆಟ್ಟಿಗರು ಫಿದಾ
- 13 hrs ago ಈ ಕಾರಿನ ವಿಡಿಯೋ ಬಿಡುಗಡೆ ಮಾಡಿದ ಟೊಯೋಟಾ: ಫ್ರಾಂಕ್ಸ್ ಅಭಿಮಾನಿಗಳಲ್ಲಿ ಮನೆಮಾಡಿದ ಆತಂಕ!
Don't Miss!
- Sports RR vs MI IPL 2024: ಯಶಸ್ವಿ ಜೈಸ್ವಾಲ್ ಭರ್ಜರಿ ಶತಕ; ರಾಜಸ್ಥಾನ್ ವಿರುದ್ಧ ಮುಂಬೈ ಇಂಡಿಯನ್ಸ್ಗೆ ಮುಖಭಂಗ
- News Bengaluru Real Estate: ಬೆಂಗಳೂರಿನಲ್ಲಿ ಸೈಟು ಖರೀದಿಸುವ ಮುನ್ನ ಎಚ್ಚರ! 279 ಅಕ್ರಮ ಲೇಔಟ್ ಗುರುತಿಸಿದ ಬಿಡಿಎ
- Movies ತಾವೇ ತೋಡಿದ ಖೆಡ್ಡಾಗೆ ಬಿದ್ದ ರಾಖಿ ಸಾವಂತ್ ? ಕಂಬಿ ಹಿಂದೆ ಡ್ರಾಮಾ ಕ್ವೀನ್..?
- Finance ರಿಲಯನ್ಸ್ ಜಿಯೊ ನಿವ್ವಳ ಲಾಭ ಶೇ 13ರಷ್ಟು ಹೆಚ್ಚಳ
- Lifestyle ರಾಜ್ಯದಲ್ಲಿ ಮುಂದಿನ 1 ವಾರ ಹವಾಮಾನ ಹೇಗಿರಲಿದೆ? ಎಲ್ಲೆಲ್ಲಿ ಮಳೆಯಾಗಲಿದೆ?
- Technology ಲಾವಾ ಅಗ್ನಿ 2 5G ಮೊಬೈಲ್ ಬೆಲೆಯಲ್ಲಿ ದಿಢೀರ್ ಇಳಿಕೆ; ಗ್ರಾಹಕರಿಗೆ ಖುಷಿ!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮಹೀಂದ್ರಾ ಥಾರ್ ಎಸ್ಯುವಿ ಆಧಾರಿತ ನಾನ್ ಫಂಗಿಬಲ್ ಟೋಕನ್ಗಳ (NFT) ಹರಾಜು
ಭಾರತದ ಜನಪ್ರಿಯ ಕಾರು ತಯಾರಕ ಕಂಪನಿ ಮಹೀಂದ್ರಾ ತನ್ನ ಮೊದಲ ಕಂತಿನ ಟೋಕನ್ಗಳ ಬಿಡುಗಡೆಯೊಂದಿಗೆ NFT (ನಾನ್-ಫಂಗಿಬಲ್ ಟೋಕನ್) ವಲಯಕ್ಕೆ ತನ್ನ ಪ್ರವೇಶವನ್ನು ಇತ್ತೀಚೆಗೆ ಘೋಷಿಸಿತ್ತು. ಅದರಂತೆ ಮಾರ್ಚ್ 29 ರಂದು ತನ್ನ ಐಕಾನಿಕ್ ಥಾರ್ ಎಸ್ಯುವಿ ಆಧಾರಿತ ನಾನ್ ಫಂಗಬಲ್ ಟೋಕನ್ಗಳನ್ನು (ಎನ್ಎಫ್ಟಿ) ಹರಾಜು ಮಾಡಿದೆ.
ಈ ಮೂಲಕ ಮಹೀಂದ್ರಾ NFT ವಲಯವನ್ನು ಪ್ರವೇಶಿಸಿದ ಭಾರತದ ಮೊದಲ ಕಾರು ತಯಾರಕ ಕಂಪನಿ ಎಂಬ ಗೌರವಕ್ಕೆ ಪಾತ್ರವಾಗಿದೆ. ಹರಾಜಿನಲ್ಲಿ ಗೆದ್ದವರು ಮಹೀಂದ್ರಾದ ಆಫ್-ರೋಡಿಂಗ್ ಟ್ರ್ಯಾಕ್ ಒಂದರಲ್ಲಿ ಥಾರ್ ಅನ್ನು ಓಡಿಸುವ ಅವಕಾಶವನ್ನು ಪಡೆಯಲಿದ್ದಾರೆ.
ನಾನ್ ಫಂಗಿಬಲ್ ಟೋಕನ್ ಎಂಬುದು ಕ್ರಿಪ್ಟೋಗ್ರಾಫಿಕ್ ಆಗಿದ್ದು, ಇದು ವಿಶಿಷ್ಟವಾದ ಗುರುತಿನ ಸಂಕೇತಗಳು ಮತ್ತು ಮೆಟಾಡೇಟಾವನ್ನು ಇತರ NFT ಗಳಿಂದ ಪ್ರತ್ಯೇಕಿಸುತ್ತದೆ. ಇವುಗಳನ್ನು ಕ್ರಿಪ್ಟೋಕರೆನ್ಸಿಗಳಂತೆ ವ್ಯಾಪಾರ ಮಾಡಲು ಅಥವಾ ಮಾರಾಟ ಮಾಡಲು ಸಾಧ್ಯವಿಲ್ಲ. ಮುಖ್ಯವಾಗಿ ನಾನ್ ಫಂಗಿಬಲ್ ಟೋಕನ್ಗಳನ್ನು ವಾಣಿಜ್ಯ ವಹಿವಾಟುಗಳಿಗೆ ಮಾಧ್ಯಮವಾಗಿ ಬಳಸಲು ಸಾಧ್ಯವಿಲ್ಲ.
ಮಾರ್ಚ್ 29 ರಂದು ಮಹೀಂದ್ರಾ ತನ್ನ ಐಕಾನಿಕ್ ಮಾದರಿಯಾದ ಥಾರ್ SUV ಆಧಾರಿತ ನಾಲ್ಕು ನಾನ್ ಫಂಗಿಬಲ್ ಟೋಕನ್ಗಳನ್ನು ಮಾರಾಟ ಮಾಡಿದೆ. ಈ ನಾಲ್ಕು ಥಾರ್ ಎನ್ಎಫ್ಟಿಗಳ ಮಾರಾಟದಿಂದ ಬರುವ ಆದಾಯವು ಪ್ರಾಜೆಕ್ಟ್ ನನ್ಹಿ ಕಾಲಿಸ್ಗೆ ಹೋಗುತ್ತದೆ, ಇದು ರಾಷ್ಟ್ರದಾದ್ಯಂತ ಶಿಕ್ಷಣದಿಂದ ವಂಚಿತರಾದ ಬಾಲಕಿಯರ ಶಿಕ್ಷಣಕ್ಕೆ ಬಳಕೆಯಾಗಲಿದೆ.
ಮಹೀಂದ್ರಾ ಈ ನಾಲ್ಕು ಎನ್ಎಫ್ಟಿಗಳನ್ನು ತನ್ನ ಸೋದರ ಸಂಸ್ಥೆಯಾದ ಟೆಕ್ ಮಹೀಂದ್ರಾ ಸಹಾಯದಿಂದ ಬಿಡುಗಡೆ ಮಾಡಿದೆ. ಥಾರ್ ಎಸ್ಯುವಿ ಆಧಾರಿತ ಈ ನಾಲ್ಕು ನಾನ್ ಫಂಗಿಬಲ್ ಟೋಕನ್ಗಳ ಹರಾಜು ಟೆಕ್ಮಹೀಂದ್ರಾದ ಎನ್ಎಫ್ಟಿ ಮಾರುಕಟ್ಟೆ ಸ್ಥಳವಾದ 'ಮಹೀಂದ್ರ ಗ್ಯಾಲರಿ'ಯಲ್ಲಿ ನಡೆಯಿತು.
ಥಾರ್ ಎಸ್ಯುವಿ ಆಧಾರಿತ ನಾಲ್ಕು ಫಂಗಿಬಲ್ ಅಲ್ಲದ ಟೋಕನ್ಗಳ ಹರಾಜಿನ ಕುರಿತು ಮಾತನಾಡಿದ ಮಹೀಂದ್ರಾ (ವಾಹನ ವಿಭಾಗ) ಸಿಇಒ ವೀಜಯ್ ನಕ್ರಾ, "ಎನ್ಎಫ್ಟಿಗಳ ಬಿಡುಗಡೆಯು ಡಿಜಿಟಲ್ ಮಾರ್ಕೆಟಿಂಗ್ನ ಮುಂದಿನ ಗಡಿಯನ್ನು ಹತೋಟಿಗೆ ತರಲು ನಮಗೆ ಮತ್ತೊಂದು ಉತ್ತೇಜಕ ಹೆಜ್ಜೆಯಾಗಿದೆ. ನಮ್ಮ ಗ್ರಾಹಕರಿಗೆ ಸಂಪೂರ್ಣ ಹೊಸ ಅನುಭವಗಳನ್ನು ನೀಡಲು, ನಮ್ಮ ಬ್ರ್ಯಾಂಡ್ಗಳಿಗಾಗಿ ಸಮುದಾಯಗಳನ್ನು ನಿರ್ಮಿಸಲು ಮತ್ತು ಬ್ರ್ಯಾಂಡ್ ಅರಿವು ಮತ್ತು ನಿಷ್ಠೆಯನ್ನು ಹೆಚ್ಚಿಸಲು ಸಾಧ್ಯವಾಗುತ್ತದೆ."
"NFT ವಲಯಕ್ಕೆ ನಮ್ಮ ಪ್ರವೇಶದೊಂದಿಗೆ, ಮಹೀಂದ್ರಾ ಬ್ರಾಂಡ್ ಅನ್ನು ಎಲ್ಲಾ ವಿಧಗಳಲ್ಲೂ ಖ್ಯಾತಿಗೊಳಿಸಿಲು ಲಭ್ಯವಿರುವ ಅಸಂಖ್ಯಾತ ಸಾಧ್ಯತೆಗಳನ್ನು ಬಳಸಿಕೊಳ್ಳಲು ಸಿದ್ಧರಾಗಿದ್ದೇವೆ. ಇನ್ನು ಪ್ರಸ್ತುತ ಥಾರ್ಗಿಂತ ಉತ್ತಮವಾದ ಬ್ರ್ಯಾಂಡ್ ಈ ಚೊಚ್ಚಲ ಆವೃತ್ತಿಯಲ್ಲ ಬೇರೊಂದು ಇಲ್ಲ ಎಂದರು.
ಟೆಕ್ ಮಹೀಂದ್ರಾದ ಎಂಡಿ ಮತ್ತು ಸಿಇಒ ಸಿಪಿ ಗುರ್ನಾನಿ ಮಾತನಾಡಿ, "ಡಿಜಿಟಲ್ ರೂಪಾಂತರದ ಮೂಲಕ ಗ್ರಾಹಕರ ಅನುಭವ, ಎಂಗೇಜ್ಮೆಂಟ್ ಮತ್ತು ಬ್ರಾಂಡ್ ಇಕ್ವಿಟಿಯನ್ನು ಮರುರೂಪಿಸುವ ನಮ್ಮ ಗುರಿಗೆ ಅನುಗುಣವಾಗಿ ನಾವು ಮಹೀಂದ್ರಾ ಗ್ರೂಪ್ನ ಸಹಯೋಗದೊಂದಿಗೆ ಎನ್ಎಫ್ಟಿ ಮಾರುಕಟ್ಟೆಯನ್ನು ಪ್ರಾರಂಭಿಸುತ್ತಿದ್ದೇವೆ." 'ಮಹೀಂದ್ರಾ ಗ್ಯಾಲರಿ' ಎಂಬುದು ಮಹೀಂದ್ರಾ ಗ್ರೂಪ್ನ ಎಲ್ಲಾ ಮೂಲಗಳಿಗೆ ಒನ್ ಸ್ಟಾಪ್ ಡಿಜಿಟಲ್ ಆಸ್ತಿಯಿದ್ದಂತೆ ಎಂದು ಅವರು ಹೇಳಿದರು.
ಮಹೀಂದ್ರಾದಿಂದ ಮಾರಾಟವಾಗುವ NFTಗಳು ಥಾರ್ SUV ಯ ಎರಡನೇ ತಲೆಮಾರಿನ ಮೇಲೆ ಆಧಾರಿತವಾಗಿರುತ್ತವೆ. ಸದ್ಯ ಥಾರ್ ಮಹೀಂದ್ರಾದ ಲೈಫ್ಸ್ಟೈಲ್ SUV ಆಗಿದ್ದು, 2010 ರಲ್ಲಿ ಬಿಡುಗಡೆಯಾದಾಗಿನಿಂದ ದೇಶಾದ್ಯಂತ ಆಫ್-ರೋಡಿಂಗ್ ಉತ್ಸಾಹಿಗಳ ಫೇವರೆಟ್ ಆಗಿದೆ. ಅಕ್ಟೋಬರ್ 2010 ರಲ್ಲಿ ಮೊದಲ ಥಾರ್ ಅನ್ನು ಬಿಡುಗಡೆ ಮಾಡಿದ ಸುಮಾರು 10 ವರ್ಷಗಳ ನಂತರ ಥಾರ್ ಎಸ್ಯುವಿಯ ಎರಡನೇ ತಲೆಮಾರಿನ ಮಾದರಿಯನ್ನು ಆಗಸ್ಟ್ 15, 2020 ರಂದು ಬಹಿರಂಗಪಡಿಸಲಾಯಿತು.
ಎರಡನೇ ತಲೆಮಾರಿನ ಥಾರ್ ಅದರ ಪೂರ್ವಾವೃತ್ತಿಗಿಂತ ಎಲ್ಲ ರೀತಿಯಲ್ಲೂ ದೊಡ್ಡದಾಗಿದೆ. ಹೊಸ ಮಹೀಂದ್ರಾ ಥಾರ್ 3,985 ಎಂಎಂ ಉದ್ದ, 1,820 ಎಂಎಂ ಅಗಲ ಮತ್ತು 1,920 ಎಂಎಂ ಎತ್ತರವಿದೆ. ಎಸ್ಯುವಿಯ ವ್ಹೀಲ್ಬೇಸ್ 2,450 ಎಂಎಂ ಉದ್ದವಿದೆ.
ಥಾರ್ನ ಎರಡನೇ ತಲೆಮಾರಿನ ಎಸ್ಯುವಿಯನ್ನು ಮೊದಲ ಬಾರಿಗೆ ಪೆಟ್ರೋಲ್ ಎಂಜಿನ್ನೊಂದಿಗೆ ಸ್ವಯಂಚಾಲಿತ ಪ್ರಸರಣ ಆಯ್ಕೆಯಾಗಿ ನೀಡಲಾಯಿತು. ಪೆಟ್ರೋಲ್ ಚಾಲಿತ ಥಾರ್ ಮಹೀಂದ್ರಾದ ಟರ್ಬೋಚಾರ್ಜ್ಡ್ 2.0-ಲೀಟರ್ ಇನ್ಲೈನ್ ನಾಲ್ಕು ಸಿಲಿಂಡರ್ ಎಮ್ಸ್ಟಾಲಿಯನ್ ಎಂಜಿನ್ನಿಂದ ಶಕ್ತಿಯನ್ನು ಪಡೆಯುತ್ತದೆ. ಇದು 5,000rpm ನಲ್ಲಿ 150bhp ಮತ್ತು 1,250 ಮತ್ತು 3,000rpm ನಡುವೆ 300Nm ಗರಿಷ್ಠ ಟಾರ್ಕ್ ಅನ್ನು ಹೊರಹಾಕುತ್ತದೆ.
ಇನ್ನು ಡೀಸೆಲ್-ಎಂಜಿನ್ ಥಾರ್ 130bhp ಮತ್ತು 3,750rpm-300Nm ಗರಿಷ್ಠ ಟಾರ್ಕ್ ಅನ್ನು 1,600 ಮತ್ತು 2,800rpm ನಡುವೆ ಕ್ರ್ಯಾಂಕ್ ಮಾಡುವ ಟರ್ಬೋಚಾರ್ಜ್ಡ್ 2.2-ಲೀಟರ್ ನಾಲ್ಕು-ಸಿಲಿಂಡರ್ mHawk ಎಂಜಿನ್ನಿಂದ ತನ್ನ ಶಕ್ತಿಯನ್ನು ಪಡೆಯುತ್ತದೆ. ಎರಡೂ ಎಂಜಿನ್ಗಳನ್ನು 6-ಸ್ಪೀಡ್ ಮ್ಯಾನುವಲ್ ಮತ್ತು ಆಟೋಮ್ಯಾಟಿಕ್ ಟ್ರಾನ್ಸ್ಮಿಷನ್ಗಳೊಂದಿಗೆ ನೀಡಲಾಗುತ್ತದೆ.
ಥಾರ್ನೊಂದಿಗೆ ನಾನ್ ಫಂಗಿಬಲ್ ಟೋಕನ್ಗಳ ಜಗತ್ತಿನಲ್ಲಿ ಸಮಯಕ್ಕೆ ತಕ್ಕಂತೆ ಮಹೀಂದ್ರಾದ ಪ್ರವೇಶಿಸುತ್ತಿರುವುದನ್ನು ನಾವು ನೋಡಬಹುದು. ಈ ಟೋಕನ್ಗಳು ರಾಷ್ಟ್ರದಾದ್ಯಂತ ಇರುವ ಹಿಂದುಳಿದ ಹೆಣ್ಣುಮಕ್ಕಳು ಶಿಕ್ಷಣ ಪಡೆಯಲು ಸಹಾಯ ಮಾಡುತ್ತವೆ. ಬಿಡ್ಡಿಂಗ್ನಲ್ಲಿ ಆಶಾದಾಯಕ ಬೆಲೆಗಳನ್ನು ಬರುವ ನಿರೀಕ್ಷೆ ಇದ್ದು ಇಂದು ಸಂಜೆಯ ವೇಳೆಗೆ ಬಿಡ್ಡಿಂಗ್ ಮೊತ್ತದ ಮಾಹಿತಿ ಹೊರಬರಲಿದೆ.