ಮಾರಾಟವಾಗಿದ್ರೆ ಇತಿಹಾಸ ಸೃಷ್ಟಿಸುತ್ತಿತ್ತು ನಮ್ಮ ದೇಶಿಯ ಬ್ರಾಂಡ್... ಇದೇ ಭಾರತದ ಮೊದಲ MPV

ಪ್ರಸ್ತುತ ಭಾರತೀಯ ಮಾರುಕಟ್ಟೆಯಲ್ಲಿ ಇರುವ ಹೆಚ್ಚಿನ ವಾಹನ ತಯಾರಕರು ವಿದೇಶದಿಂದ ಬಂದವರು. ತೊಂಬತ್ತರ ದಶಕದ ಕೊನೆಯಲ್ಲಿ ಹಿಂದೂಸ್ತಾನ್ ಮೋಟಾರ್ಸ್, ಮಾರುತಿ ಮತ್ತು ಇತರ ತಯಾರಕರು ಭಾರತೀಯ ರಸ್ತೆಗಳನ್ನು ಆಳಿದ್ದರು. ಆ ಸಮಯದಲ್ಲೇ ಕೇರಳ ಮೂಲದ ಬೀಡಿ ತಯಾರಕ ಮತ್ತು ಆಯುರ್ವೇದ ಆರೋಗ್ಯ ಸೇವೆಯ ರಾಜಾ ಸಮೂಹವು ಆಟೋಮೊಬೈಲ್ ಕ್ಷೇತ್ರಕ್ಕೆ ಪ್ರವೇಶಿಸಲು ನಿರ್ಧರಿಸಿತ್ತು.

ಅವರು ಭಾರತೀಯ ಮಾರುಕಟ್ಟೆಗಾಗಿ ಹೊಸ ಉತ್ಪನ್ನವನ್ನು ಅಭಿವೃದ್ಧಿಪಡಿಸಿದ್ದರು, ಆದರೆ ವಿವಿಧ ಕಾರಣಗಳಿಂದಾಗಿ ತಯಾರಕರು ವಾಸ್ತವವಾಗಿ ವಾಹನವನ್ನು ಮಾರಾಟ ಮಾಡಲು ಸಾಧ್ಯವಾಗಲಿಲ್ಲ. ಉತ್ಪನ್ನವು MPV ಆಗಿದ್ದು, ಇದಕ್ಕೆ ಕಾಜಾ ಕಜ್ವಾ ಎಂದು ಹೆಸರಿಡಲಾಯಿತು. ಈ ಕಾರಿನ ಕುರಿತ ವೀಡಿಯೊ ಈಗ ವೈರಲ್ ಆಗಿದೆ, ವಿಡಿಯೋದಲ್ಲಿ MPV ಯ ಹೊರಭಾಗ ಮತ್ತು ಒಳಭಾಗವನ್ನು ಸ್ಪಷ್ಟವಾಗಿ ತೋರಿಸಲಾಗಿದೆ. ದೇಶದಲ್ಲಿ ಕಾಜಾ ಕಜ್ವಾ ಕೇವಲ 3 ಘಟಕಗಳು ಮಾತ್ರ ಉಳಿದಿವೆ.

ಕೇರಳದ ತಂಬಾಕು ಆಧಾರಿತ ಕಂಪನಿಯಾದ ರಾಜಾ ಗ್ರೂಪ್ ಈ ವಾಹನವನ್ನು ಮೊದಲು ತಯಾರಿಸಿತು. ಇದರ ಜೊತೆಗೆ ಕಂಪನಿಯು ತಂಬಾಕು ಆಧಾರಿತ ಉತ್ಪನ್ನಗಳನ್ನು ತಯಾರಿಸುತ್ತಿತ್ತು. ಆಯುರ್ವೇದಿಕ್ ಹೆಲ್ತ್‌ಕೇರ್ ವಿಭಾಗದಲ್ಲಿಯೂ ಸಹ ಉತ್ತಮ ಹೆಸರು ಮಾಡಿದೆ. 1998 ರಲ್ಲಿ, 4 ರಿಂದ 5 ಕಾಜಾ ಕಜ್ವಾ ಮಾದರಿ ವಾಹನಗಳನ್ನು ನಿರ್ಮಿಸುವ ಮೂಲಕ ಆಟೋಮೊಬೈಲ್ ವಿಭಾಗಕ್ಕೆ ಪ್ರವೇಶಿಸಲು ಪ್ರಯತ್ನಿಸಿತು. ಟೊಯೊಟಾ ಕ್ವಾಲಿಸ್‌ನೊಂದಿಗೆ ಭಾರತಕ್ಕೆ ಪ್ರವೇಶಿಸುವ ಎರಡು ವರ್ಷಗಳ ಮೊದಲೇ ಇದು ಮಾರುಕಟ್ಟೆಗೆ ಎಂಟ್ರಿ ಕೊಡಲು ಸಜ್ಜಾಗಿತ್ತು.

ಆದರೆ, ನಾನಾ ಕಾರಣಗಳಿಂದ ಕಾಜಾಕ್ಕೆ ಸರ್ಕಾರದಿಂದ ಅನುಮೋದನೆ ಸಿಗಲಿಲ್ಲ. ತಮ್ಮದೇ ಆದ ಪ್ಯಾನಲ್ ಹಾಗೂ ಇತರ ಭಾಗಗಳನ್ನು ಹೊರತುಪಡಿಸಿ ಪ್ರಮುಖ ಇತರ ಭಾಗಗಳನ್ನು ಬೇರೆ ಕಂಪನಿಗಳಿಂದ ಪಡೆದುಕೊಂಡಿತ್ತು. ಕಾಜಾ ಕಜ್ವಾ MPV ಯ ಹೊರಭಾಗವನ್ನು ಸಂಪೂರ್ಣವಾಗಿ ಫೈಬರ್‌ ಗ್ಲಾಸ್ ಮತ್ತು ಶೀಟ್ ಮೆಟಲ್ ಬಳಸಿ ನಿರ್ಮಿಸಲಾಗಿದೆ. ಟಾಟಾ ಮಾರ್ಕೊ ಪೊಲೊ ಮತ್ತು ಅಶೋಕ್ ಲೇಲ್ಯಾಂಡ್ ನಂತಹ ಅನೇಕ ತಯಾರಕರು ಕಾಜಾದಿಂದ ಪ್ಯಾನೆಲ್‌ಗಳನ್ನು ಖರೀದಿಸುತ್ತಿದ್ದರು.

ಇನ್ನು ಈ MPV ಬಗ್ಗೆ ವಿವರವಾಗಿ ನೋಡುವುದಾದರೆ, ಮುಂಭಾಗದ ಗ್ರಿಲ್ ಇನ್ಫಿನಿಟಿ ಚಿಹ್ನೆಯಂತೆ ಕಾಣುವ ಲೋಗೋವನ್ನು ಪಡೆಯುತ್ತದೆ. 1998 ರಲ್ಲಿ ಬಿಡುಗಡೆಯಾಗಿದ್ದರೇ ಅಂದಿನ ಕಾಲಕ್ಕೆ ಈ MPV ಸಾಕಷ್ಟು ಫ್ಯೂಚರಿಸ್ಟಿಕ್ ಆಗಿ ಕಾಣುತ್ತಿತ್ತು. ಇಂದಿಗೂ ಕೂಡ ಹಳೆಯದರಂತೆ ಕಾಣಿಸುತ್ತಿಲ್ಲ. MPV ಅನ್ನು ನೇರಳೆ ಬಣ್ಣದಲ್ಲಿ ಡಿಸೈನ್ ಮಾಡಲಾಗಿದೆ, ಸೈಡ್ ಪ್ರೊಫೈಲ್‌ಗೆ ಬರುವುದಾದರೆ, MPV 13 ಇಂಚಿನ ವೈರ್-ಸ್ಪೋಕ್ ವೀಲ್‌ಗಳನ್ನು ಪಡೆದಿದೆ, ಅದನ್ನು ಕಂಪನಿಯವರೇ ತಯಾರಿಸಿರುವುದು ವಿಶೇಷ.

ಎಸಿ, ಪವರ್ ಸ್ಟೀರಿಂಗ್, ಪವರ್ ವಿಂಡೋಗಳು ಮತ್ತು ಸೆಂಟ್ರಲ್ ಲಾಕಿಂಗ್‌ನಂತಹ ವೈಶಿಷ್ಟ್ಯಗಳೊಂದಿಗೆ ಕಾಜಾ ಕಜ್ವಾ ಸಜ್ಜಾಗಿದೆ. MPV ಒಳಭಾಗದಲ್ಲಿ ಅತ್ಯಂತ ವಿಶಾಲವಾಗಿದ್ದು, ಕೆಳಗಿನ ವಿಂಡೋ ಲೈನ್ ಅದನ್ನು ಇನ್ನಷ್ಟು ಗಾಳಿಯಾಡುವಂತೆ ಮಾಡಲು ಸಹಾಯ ಮಾಡುತ್ತದೆ. ಆಸನಗಳು ವಿಶಾಲವಾಗಿದ್ದು, ಫ್ಯಾಬ್ರಿಕ್ ಸೀಟುಗಳು ಪ್ರಯಾಣಿಕರಿಗೆ ಸಾಕಷ್ಟು ಆರಾಮವನ್ನು ನೀಡುತ್ತವೆ. ಆಯಾಮಗಳ ವಿಷಯದಲ್ಲಿ, ಕಾಜಾ ಕಜ್ವಾ ಟೊಯೊಟಾ ಇನ್ನೋವಾಕ್ಕಿಂತ ವಿಶಾಲವಾಗಿದೆ. ಎಂಜಿನ್, ಬ್ರೇಕಿಂಗ್ ಮತ್ತು ಸಸ್ಪೆನ್ಶನ್ ಅನ್ನು ಹಿಂದೂಸ್ತಾನ್ ಮೋಟಾರ್ಸ್ ನಿಂದ ಸರಬರಾಜು ಮಾಡಲಾಗಿದೆ.

ಇದು ತನ್ನ ಗ್ರಾಹಕರಿಗೆ ಐಚ್ಛಿಕ ವೈಶಿಷ್ಟ್ಯಗಳನ್ನು ನೀಡುವ ವಾಹನಗಳಲ್ಲಿ ಒಂದಾಗಿದೆ. ಸನ್‌ರೂಫ್ ಭಾರತೀಯ ಮಾರುಕಟ್ಟೆಯಲ್ಲಿ ಜನಪ್ರಿಯವಾಗುವುದಕ್ಕಿಂತ ಮುಂಚೆಯೇ, ಕಾಜಾ ಅದನ್ನು ಐಚ್ಛಿಕ ಹೆಚ್ಚುವರಿಯಾಗಿ ನೀಡುತ್ತಿತ್ತು. ಅಲಾಯ್ ವೀಲ್‌ಗಳು, ರನ್ನಿಂಗ್ ORVM ಗಳು ಸಹ ಕೆಲವು ಇತರ ಐಚ್ಛಿಕ ಹೆಚ್ಚುವರಿಗಳಾಗಿವೆ. ಕಾಜಾ ಕಾಜ್ವಾವನ್ನು ಎರಡು ಎಂಜಿನ್ ಆಯ್ಕೆಗಳೊಂದಿಗೆ ನೀಡಲಾಯಿತು. ಆಫರ್‌ನಲ್ಲಿ 2.0 ಲೀಟರ್ ಟರ್ಬೋಚಾರ್ಜ್ಡ್ ಮತ್ತು 2.0 ಲೀಟರ್ ನಾನ್ ಟರ್ಬೋ ಡೀಸೆಲ್ ಎಂಜಿನ್ ಇತ್ತು.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತ ಆಟೋಮೊಬೈಲ್ ಸುದ್ದಿಗಳನ್ನು ಒದಗಿಸುತ್ತದೆ, ಎಲ್ಲಾ ಸಾಮಾಜಿಕ ಮಾಧ್ಯಮಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಹಂಚಿಕೊಳ್ಳುತ್ತದೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಮತ್ತು ಯೂಟ್ಯೂಬ್ ಪೇಜ್‌ಗಳೊಂದಿಗೆ ಸಂಪರ್ಕದಲ್ಲಿರಿ. ನಿಮಗೆ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಮೆಂಟ್ ಮಾಡುವುದನ್ನು ಮರೆಯದಿರಿ. ಜೊತೆಗೆ ನಿಮ್ಮ ಸ್ನೇಹಿತರಿಗೂ ತಪ್ಪದೆ ಶೇರ್ ಮಾಡಿ.