ಅದ್ಭುತ ರೇಂಜ್‌ನ ಮಿನಿ ಕಂಟ್ರಿಮ್ಯಾನ್ ಎಲೆಕ್ಟ್ರಿಕ್ ಬಿಡುಗಡೆ: ಬೆಂಗಳೂರಿನಿಂದ ಊಟಿಗೆ ಹೋಗಬಹುದು

ಭಾರತವು ಐಷಾರಾಮಿ ಕಾರುಗಳ ಅತ್ಯುತ್ತಮ ಮಾರುಕಟ್ಟೆಗಳಲ್ಲಿ ಒಂದಾಗಿ ಹೊರಹೊಮ್ಮಿದೆ. ಜರ್ಮನ್ ಬ್ರಾಂಡ್‌ಗಳಾದ ಮರ್ಸಿಡಿಸ್ ಬೆಂಝ್, ಬಿಎಂಡಬ್ಲ್ಯು ಮತ್ತು ಆಡಿ ಅತಿ ಹೆಚ್ಚು ಜನಪ್ರಿಯವಾಗಿದೆ. ಆದರೆ ಬ್ರಿಟಿಷ್ ಐಷಾರಾಮಿ ಕಾರು ತಯಾರಕ ಮಿನಿ ಕೂಡ ಉತ್ತಮ ಮಾರಾಟದೊಂದಿಗೆ ಹೆಚ್ಚು ಖ್ಯಾತಿ ಗಳಿಸುತ್ತಿದೆ. ಬಿಎಂಡಬ್ಲ್ಯು ಗ್ರೂಪ್‌ನ ಭಾಗವಾಗಿರುವ ಈ ಕಂಪನಿಯು ಜನರು ಜೊತೆ ಯಾವಾಗಲೂ ವಿಶೇಷವಾದ ಬಾಂಧವ್ಯವನ್ನು ಹೊಂದಿದ್ದಾರೆ. ಇದೀಗ ಮಿನಿ ಬ್ರ್ಯಾಂಡ್ ಭಾರತದಲ್ಲಿ ಹೊಸ ಜನರೇಷನ್ ಕಂಟ್ರಿಮ್ಯಾನ್ ಎಲೆಕ್ಟ್ರಿಕ್ ಮಾದರಿಯನ್ನು ಬಿಡುಗಡೆಗೊಳಿಸಿದೆ. ಈ ಹೊಸ ಮಿನಿ ಕಂಟ್ರಿಮ್ಯಾನ್ ಇ ಬೆಲೆಯು ಎಕ್ಸ್ ಶೋರೂಂ ಪ್ರಕಾರ ರೂ.54.90 ಲಕ್ಷವಾಗಿದೆ.

ಮಿನಿ ಕಂಟ್ರಿಮ್ಯಾನ್ ಇ (Mini Countryman E) ಮಾದರಿಯು ಜಾಗತಿಕವಾಗಿ ICE ಮತ್ತು EV ಮಾದರಿಗಳಲ್ಲಿಯೂ ಲಭ್ಯವಿದೆ. ಆದರೆ ಸದ್ಯಕ್ಕೆ ಭಾರತದಲ್ಲಿ ಎಲೆಕ್ಟ್ರಿಕ್ ಆವೃತ್ತಿಯಲ್ಲಿ ಮಾತ್ರ ಬಿಡುಗಡೆಗೊಂಡಿದೆ. ಭಾರತದಲ್ಲಿ ಈ ಹೊಸ ಮಿನಿ ಕಂಟ್ರಿಮ್ಯಾನ್ ಎಲೆಕ್ಟ್ರಿಕ್ ಕಾರಿನ ಖರೀದಿಗಾಗಿ ಬುಕ್ಕಿಂಗ್ ಅನ್ನು ಪ್ರಾರಂಭಿಸಲಾಗಿದೆ. ಈ ಹೊಸ ಮಿನಿ ಕಂಟ್ರಿಮ್ಯಾನ್ ಎಲೆಕ್ಟ್ರಿಕ್ ಕಾರು ವಿನ್ಯಾಸವು ಹಿಂದಿನ ಮಾದರಿಗೆ ಹೋಲಿಸಿದರೆ ವಿಭಿನ್ನವಾಗಿದೆ.

ಹೊಸ ಮಿನಿ ಕಂಟ್ರಿಮ್ಯಾನ್ ಎಲೆಕ್ಟ್ರಿಕ್ ಕಾರು ಹೊಸ ಹೆಡ್‌ಲ್ಯಾಂಪ್‌ಗಳನ್ನು ಒಳಗೊಂಡಿದೆ. ಚಾರ್ಜಿಂಗ್ ಪೋರ್ಟ್ ಅನ್ನು ಹೊಂದಿರುವ ಕಪ್ಪು ಬಣ್ಣದಲ್ಲಿರುವ ದೊಡ್ಡ ಅಷ್ಟಭುಜಾಕೃತಿಯ ಗ್ರಿಲ್ ಅಂಶವೂ ಇದೆ. ಪ್ರೊಫೈಲ್‌ನಲ್ಲಿ, ಡೋರ್ ಹ್ಯಾಂಡಲ್‌ಗಳು ಈಗ ಫ್ಲಶ್ ಸಿಟ್ಟಿಂಗ್ ಯೂನಿಟ್‌ಗಳಾಗಿದ್ದರೆ, ಹಿಂದಿನ ಮಾದರಿಯಂತೆ ಫಾಕ್ಸ್ ಫೆಂಡರ್ ವೆಂಟ್‌ಗಳನ್ನು ಹೊಂದಿಲ್ಲ.

ಈ ಹೊಸ ಮಿನಿ ಎಲೆಕ್ಟ್ರಿಕ್ ಕಾರಿನ ವಿನ್ಯಾಸದ ಎಲ್‌ಇಡಿ ಟೈಲ್‌ಲ್ಯಾಂಪ್‌ಗಳು ಮತ್ತು ದಪ್ಪನಾದ ಬಂಪರ್‌ನೊಂದಿಗೆ ಹಿಂಭಾಗದ ವಿನ್ಯಾಸವು ಸಾಕಷ್ಟು ಸ್ಥಿರವಾಗಿದೆ. ಈ ಹೊಸ ಮಿನಿ ಕಂಟ್ರಿಮ್ಯಾನ್ ಒಳಭಾಗವು ಆಕರ್ಷಕವಾಗಿದೆ. ಹೊಸ ವಾಹನವು ರೌಂಡ್ ಡಿಸ್‌ಪ್ಲೇಯನ್ನು ಪಡೆದರೂ, ಅದರ ಪೂರ್ವವರ್ತಿಯಂತೆ ಡ್ಯಾಶ್‌ಬೋರ್ಡ್‌ಗೆ ಸಂಯೋಜಿಸಲ್ಪಟ್ಟಿರುವುದಕ್ಕಿಂತ ಭಿನ್ನವಾಗಿ ಇದು ಈಗ ಫ್ರೀಸ್ಟ್ಯಾಂಡಿಂಗ್ ಯುನಿಟ್ ಅನ್ನು ಹೊಂದಿದೆ.

ಡ್ಯಾಶ್‌ಬೋರ್ಡ್ ಒಂದೇ 9.4-ಇಂಚಿನ ಟಚ್‌ಸ್ಕ್ರೀನ್‌ನಿಂದ ಪ್ರಾಬಲ್ಯ ಹೊಂದಿದೆ. ಇದು ನಾಲ್ಕು ಅಚ್ಚುಕಟ್ಟಾಗಿ ಸಂಯೋಜಿತ ಲಂಬವಾದ AC ವೆಂಟ್ ಗಳನ್ನು ಸುತ್ತುವರೆದಿದೆ. ಇನ್ನು ಟಾಗಲ್ ಸ್ವಿಚ್‌ಗಳ ಏಕೈಕ ಬ್ಯಾಂಡ್‌ನೊಂದಿಗೆ ಸೆಂಟರ್ ಕನ್ಸೋಲ್ ಅನ್ನು ಸರಳಗೊಳಿಸಲಾಗಿದೆ. HVAC ಸೇರಿದಂತೆ ಹೆಚ್ಚಿನ ವಾಹನ ಸೆಟ್ಟಿಂಗ್‌ಗಳನ್ನು ಟಚ್‌ಸ್ಕ್ರೀನ್ ಮೂಲಕ ನಿರ್ವಹಿಸಲಾಗುತ್ತದೆ.

ಇತರ ಫೀಚರ್ಸ್, ಎಲೆಕ್ಟ್ರಿಕ್ ಹೊಂದಾಣಿಕೆಯ ಮುಂಭಾಗದ ಸೀಟುಗಳು, ಅಂಬೈನೆಟ್ ಲೈಟ್, ಪನರೊಮಿಕ್ ಸನ್‌ರೂಫ್, ವೈರ್‌ಲೆಸ್ ಚಾರ್ಜರ್ ಮತ್ತು ಟ್ರ್ಯಾಕ್ಷನ್ ಕಂಟ್ರೋಲ್ ಮತ್ತು ಕೂಪರ್ ಎಸ್ ನಂತೆ, ಕಂಟ್ರಿಮ್ಯಾನ್ ಸಹ ಲೆದರ್-ಫ್ರೀ ಇಂಟೀರಿಯರ್ ಅನ್ನು ಪಡೆಯುತ್ತದೆ. ಹೊಸ ಮಿನಿ ಕಂಟ್ರಿಮ್ಯಾನ್ ಎಲೆಕ್ಟ್ರಿಕ್ ಕಾರಿನಲ್ಲಿ 66.4kWh ಬ್ಯಾಟರಿ ಪ್ಯಾಕ್ ಅನ್ನು ಪಡೆಯುತ್ತದೆ.

ಇದೇ ಬ್ಯಾಟರಿ ಪ್ಯಾಕ್ BMW iX1 ನೊಂದಿಗೆ ಹಂಚಿಕೊಳ್ಳುತ್ತದೆ ಮತ್ತು ಇದನ್ನು ಸಿಂಗಲ್ ಮೋಟಾರ್, ಫ್ರಂಟ್-ವೀಲ್ ಡ್ರೈವ್ ಕಾನ್ಫಿಗರೇಶನ್‌ನೊಂದಿಗೆ ನೀಡಲಾಗುತ್ತದೆ. ಪವರ್‌ಟ್ರೇನ್ 201 bhp ಮತ್ತು 250Nm ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಈ ಎಲೆಕ್ಟ್ರಿಕ್ ಕಾರು 66.45 kWh ಬ್ಯಾಟರಿ ಪ್ಯಾಕ್ ಅನ್ನು ಹೊಂದಿದ್ದು ಅದು 462 ಕಿ.ಮೀ ರೇಂಜ್ ಅನ್ನು ನೀಡುತ್ತದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.