ಆಟೋದಂತಿರುವ ಆಟೋವನ್ನು ಬಿಡುಗಡೆ ಮಾಡಿದ ಗೋದಾವರಿ ಎಲೆಕ್ಟ್ರಿಕ್ ಮೋಟಾರ್ಸ್! ವಿಶೇಷತೆಗಳೇನು?

ಪ್ರಮುಖ ಎಲೆಕ್ಟ್ರಿಕ್ ವಾಹನ ತಯಾರಕ ಕಂಪನಿಯಾಗಿರುವ ಗೋದಾವರಿ ಎಲೆಕ್ಟ್ರಿಕ್ ಮೋಟಾರ್ಸ್, ಇಂದು ಭಾರತ್ ಮೊಬಿಲಿಟಿ ಗ್ಲೋಬಲ್ ಎಕ್ಸ್‌ಪೋ 2025 (Auto expo 2025) ರಲ್ಲಿ ಹೊಸ ಎಬ್ಲು ರೋಝೀ ಇಕೋ (Eblu Rozee ECO) ಎಂಬ ಆಕರ್ಷಕ ತ್ರಿಚಕ್ರ ವಾಹನವನ್ನು ಬಿಡುಗಡೆ ಮಾಡಿದೆ. ಕಂಪನಿಯು ಮಾರುಕಟ್ಟೆಯ ವಿವಿಧ ವಿಭಾಗಗಳಲ್ಲಿ ಸುಸ್ಥಿರ ಚಲನಶೀಲತೆ ಪರಿಹಾರಗಳಿಗೆ ತನ್ನ ನಿರಂತರ ಬದ್ಧತೆಗೆ ಅನುಗುಣವಾಗಿ ಎಬ್ಲು ರೋಜೀ ECO ತ್ರಿಚಕ್ರ ವಾಹನವನ್ನು ಬಿಡುಗಡೆ ಮಾಡಿರುವುದಾಗಿ ಹೇಳಿದೆ. ಈ ಹೊಸ ಎಲೆಕ್ಟ್ರಿಕ್ ತ್ರಿಚಕ್ರ ವಾಹನದ ಬೆಲೆಯು ರೂ. 2,95,999 (ಎಕ್ಸ್-ಶೋರೂಂ) ಇದೆ.

ಎಬ್ಲು ರೋಝೀ ಇಕೋ ವಿಶೇಷತೆಗಳು: ಹೊಸ ಎಬ್ಲು ರೋಝೀ ಇಕೋ 150 ಆಹ್ ಲಿ-ಐಯಾನ್ ಬ್ಯಾಟರಿ (Ah Li-ion battery) ಅನ್ನು ಹೊಂದಿದೆ. ಬಲಿಷ್ಠ ಮತ್ತು ಹಣಕ್ಕೆ ತಕ್ಕ ಮೌಲ್ಯದ ತ್ರಿಚಕ್ರ ವಾಹನವಾದ ಎಬ್ಲು ರೋಝೀ ಇಕೋವನ್ನು ಒಮ್ಮೆ ಚಾರ್ಜ್‌ ಮಾಡಿದ್ರೆ 120 ಕಿ.ಮೀಗಿಂತ ಹೆಚ್ಚಿನ ರೇಂಜ್ ನೀಡುತ್ತದೆ.

ಹೊಸ ಎಬ್ಲು ರೋಝೀ ಇಕೋ ತ್ರಿಚಕ್ರ ವಾಹನವು ಬಲವಾದ ಉಕ್ಕಿನ ಚೌಕಟ್ಟು, ಎಲ್ಲಾ ವೀಲ್‌ಗಳಲ್ಲಿ ಹೈಡ್ರಾಲಿಕ್ ಬ್ರೇಕ್‌ಗಳು ಮತ್ತು ಪ್ರಯಾಣಿಕರಿಗೆ ಆರಾಮದಾಯಕ ಆಸನಗಳನ್ನು ಒಳಗೊಂಡಿದೆ. ಇದರ ವಿನ್ಯಾಸ ಸಾಮಾನ್ಯ ಪ್ಯಾಸೆಂಜರ್ ಆಟೋದಂತೆ ಇದ್ದರೂ, ಅವುಗಳಿಗಿಂತ ಹೆಚ್ಚಿನ ಸೌಕರ್ಯ ಆರಾಮದಾಯಕ ಪ್ರಯಾಣ ಅನುಭವ ನೀಡುತ್ತದೆ ಎಂದು ಕಂಪನಿ ಹೇಳಿದೆ.

ವಾಹನದ 7.8 ಕಿಲೋವ್ಯಾಟ್ ಪವರ್ - ಪ್ಯಾಕ್ಡ್ ಬ್ಯಾಟರಿಯು ಅದರ 58.4V 40 ಆಂಪ್ ಚಾರ್ಜರ್‌ನೊಂದಿಗೆ ಕೇವಲ 3.5 ಗಂಟೆಗಳಲ್ಲಿ ಸಂಪೂರ್ಣವಾಗಿ ಚಾರ್ಜ್ ಆಗುವಂತೆ ಮಾಡುತ್ತದೆ. ಇದು ವಿವಿಧ ಪರಿಸ್ಥಿತಿಗಳಲ್ಲಿ ವಿಶ್ವಾಸಾರ್ಹ ಕಾರ್ಯಕ್ಷಮತೆಯನ್ನು ಖಚಿತಪಡಿಸುತ್ತದೆ ಎಂದು ಗೋದಾವರಿ ಎಲೆಕ್ಟ್ರಿಕ್ ಮೋಟಾರ್ಸ್ ತಿಳಿಸಿದೆ.

ಎಬ್ಲುಕೇರ್ ಅಪ್ಲಿಕೇಶನ್ ವೈಶಿಷ್ಟ್ಯಗಳು: ಸುಲಭವಾಗಿ ಸಮಗ್ರ ವಾಹನ ವಿವರಗಳನ್ನು ಪಡೆಯಲು ನಿಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆ ಅಥವಾ ಚಾಸಿಸ್ ಸಂಖ್ಯೆಯನ್ನು ಬಳಸಿಕೊಂಡು ಸಲೀಸಾಗಿ ಲಾಗಿನ್ ಮಾಡಬಹುದು. ನಂತರ ರೈಡ್ ಟ್ರ್ಯಾಕಿಂಗ್ ಮತ್ತು ನ್ಯಾವಿಗೇಷನ್ ಅನ್ನು ಪಡೆಯಬಹುದು ನಿಮ್ಮ ಚಾಲನಾ ಅನುಭವವನ್ನು ಹೆಚ್ಚಿಸಲು ನೈಜ-ಸಮಯದ ರೈಡ್ ಟ್ರ್ಯಾಕಿಂಗ್ ಮತ್ತು ಟರ್ನ್ - ಬೈ - ಟರ್ನ್ ನ್ಯಾವಿಗೇಷನ್ ಬಳಸಬಹುದು.

ಇವಿಷ್ಟೇ ಅಲ್ಲದೇ ಬ್ಯಾಟರಿ ಮಾನಿಟರಿಂಗ್ ಕೂಡ ಮಾಡಬಹುದಾಗಿದೆ. ನೈಜ - ಸಮಯದ ಬ್ಯಾಟರಿ ಸ್ಥಿತಿ ನವೀಕರಣಗಳೊಂದಿಗೆ ಮಾಹಿತಿ ಪಡೆದು, ನಿಮ್ಮ ಪ್ರಯಾಣ ಮುಂದುವರಿಸಬಹುದು. ಸೇವಾ ನಿರ್ವಹಣೆ (Service management)ಗಾಗಿ ಸೇವಾ ಅಪಾಯಿಂಟ್‌ಮೆಂಟ್‌ಗಳನ್ನು ಬುಕ್ ಮಾಡಿ, ನಿಮ್ಮ ಸೇವಾ ಹಿಸ್ಟರಿ ಪರಿಶೀಲಿಸಿ ಮತ್ತು ನಿರ್ವಹಣಾ ವೇಳಾಪಟ್ಟಿಗಳನ್ನು ಸುಲಭವಾಗಿ ತಿಳಿದುಕೊಳ್ಳಬಹುದು.

ಸಕಾಲಿಕ ಅಧಿಸೂಚನೆಗಳಲ್ಲಿ ಪ್ರಮುಖ ಎಚ್ಚರಿಕೆಗಳು ಮತ್ತು ವಿಶೇಷ ಕೊಡುಗೆಗಳನ್ನು ನೇರವಾಗಿ ಅಪ್ಲಿಕೇಶನ್‌ನಲ್ಲಿ ಸ್ವೀಕರಿಸಬಹುದು, ಸದಾ ಮಾಹಿತಿ ಮತ್ತು ನಮ್ಮನ್ನು ಇದರೊಂದಿಗೆ ತೊಡಗಿಸಿಕೊಂಡಿರಬಹುದು. ಉತ್ಪನ್ನ ಮತ್ತು ಖಾತರಿ ವಿವರಗಳಿಗಾಗಿ ಬೆರಳ ತುದಿಯಲ್ಲಿ ವಿವರವಾದ ಉತ್ಪನ್ನ ಮಾಹಿತಿ ಮತ್ತು ವಾರೆಂಟ್ ಕವರೇಜ್ ಅನ್ನು ಪಡೆಯಬಹುದು.

ಡ್ರೈವ್‌ ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.