ಸಚಿನ್ ಮತ್ತು ಬಿಎಂಡಬ್ಲ್ಯು ಐ8; ಎರಡು ರತ್ನಗಳು ಒಂದಾದಾಗ!

ಈ ಮೂಲಕ ಬಿಎಂಡಬ್ಲ್ಯು ಐ8 ಭಾರತಕ್ಕೆ ಅಧಿಕೃತ ಪ್ರವೇಶ ಪಡೆದಿದ್ದು, ವರ್ಷಾಂತ್ಯದಲ್ಲಿ ಲಾಂಚ್ ಆಗಲಿರುವುದು ಬಹುತೇಕ ಖಚಿತವಾಗಿದೆ.

ಬಿಎಂಡಬ್ಲ್ಯು ಐ8 ಎಲೆಕ್ಟ್ರಿಕ್ ಹೈಬ್ರಿಡ್ ಸೂಪರ್ ಕಾರು ಹೆಸರಲ್ಲೇ ಸೂಚಿಸಿರುವಂತೆಯೇ ಪೆಟ್ರೋಲ್ ಸೇರಿದಂತೆ ಎಲೆಕ್ಟ್ರಿಕ್ ಮೋಟಾರು ಹೊಂದಿರಲಿದೆ.

ಇದನ್ನು ಪ್ರಮುಖವಾಗಿ ಮುಂಬೈ ಹಾಗೂ ದೆಹಲಿಗಳಂತಹ ಮಹಾನಗರಗಳನ್ನು ಗುರಿಯಾಗಿರಿಸಿಕೊಳ್ಳಲಿದೆ. ಇಲ್ಲಿ ವಾಹನ ಮಾಲಿನ್ಯ ತುಂಬಾನೇ ಹದೆಗೆಟ್ಟಿದೆ.

ಈ ಹಿಂದೆ 2013ರಲ್ಲಿ ಫ್ರಾಂಕ್‌ಫರ್ಟ್ ಮೋಟಾರು ಶೋದಲ್ಲಿ ಪ್ರದರ್ಶನ ಕಂಡಿದ್ದ ಹೈಬ್ರಿಡ್ ಸ್ಪೋರ್ಟ್ಸ್ ಕಾರು ಇದೀಗ ಭಾರತಕ್ಕೂ ಲಗ್ಗೆಯಿಟ್ಟಿದೆ.

ಇದು 1.5 ಲೀಟರ್ ಬಿಎಂಡಬ್ಲ್ಯು ಟ್ವಿನ್ ಪವರ್ ಟರ್ಬೊ ಪೆಟ್ರೋಲ್ ಎಂಜಿನ್‌ನಿಂದ ನಿಯಂತ್ರಿಸಲ್ಪಡಲಿದೆ. ಅಲ್ಲದೆ ಎಲೆಕ್ಟ್ರಿಕ್ ಮೋಟಾರು ಕೂಡಾ ಇರಲಿದೆ.

ಇನ್ನು ನಿರ್ವಹಣೆಯ ವಿಚಾರಕ್ಕೆ ಬಂದಾಗ ಬಿಎಂಡಬ್ಲ್ಯು ಐ8 ಕೇವಲ 4.5 ಸೆಕೆಂಡುಗಳಲ್ಲಿ 0-100 ಕೀ.ಮೀ. ವೇಗವರ್ಧಿಸುವ ಸಾಮರ್ಥ್ಯ ಹೊಂದಿರಲಿದೆ.

ಅಂದ ಹಾಗೆ ಬಿಎಂಡಬ್ಲ್ಯು ಐ8 ಹೈಬ್ರಿಡ್ ಸೂಪರ್ ಕಾರು ಪ್ರತಿ ಲೀಟರ್‌ಗೆ 40 ಕೀ.ಮೀ. ಮೈಲೇಜ್ ನೀಡುವ ಸಾಮರ್ಥ್ಯ ಹೊಂದಿರಲಿದೆ.

ಇದೇ ಸಂದರ್ಭದಲ್ಲಿ ಬಿಎಂಡಬ್ಲ್ಯು 3 ಸಿರೀಸ್ ಗ್ರ್ಯಾನ್ ಟರಿಸ್ಮೊ ಕೂಡಾ ಲಾಂಚ್ ಮಾಡಲಾಗಿದೆ. ಇದರ ಎಕ್ಸ್ ಶೋ ರೂಂ ದರ 42.75 ಲಕ್ಷ ರು.ಗಳಾಗಿದೆ.

ಹಾಗೆಯೇ ಇದೇ ಆಟೋ ಶೋ ಸಂದರ್ಭದಲ್ಲಿ ಪರಿಷ್ಕೃತ ಎಕ್ಸ್5 ಮತ್ತು ಬಿಎಂಡಬ್ಲ್ಯು ಎಂ6 ಗ್ರ್ಯಾನ್ ಕೂಪೆ ಕೂಡಾ ಅನಾವರಣಗೊಳಿಸಿದೆ.