ದೆಹಲಿಯತ್ತ ಹೆಜ್ಜೆಯನ್ನಿಟ್ಟ ಷೆವರ್ಲೆ ಮಿನಿ ಎಸ್‌ಯುವಿ 'ಆಡ್ರಾ'

ಜನರಲ್ ಮೋಟಾರ್ಸ್ ಸಣ್ಣ ವಾಹನ 'ಗಮ್ಮಾ 2' ಫ್ಲ್ಯಾಟ್‌ಫಾರ್ಮ್‌ನಲ್ಲಿ ನೂತನ ಕಾಂಪಾಕ್ಟ್ ಎಸ್‌ಯುವಿ ನಿರ್ಮಾಣವಾಗಲಿದೆ. ಇದೇ ತಲಹದಿಯಲ್ಲಿ ಟ್ರಾಕ್ಸ್ ಎಸ್‌ಯುವಿ ನಿರ್ಮಾಣವಾಗಿತ್ತು ಎಂಬುದು ಉಲ್ಲೇಖನೀಯ.

ಟ್ರಾಕ್ಸ್ ಇದುವರೆಗೆ ಷೆವರ್ಲೆಯಿಂದ ಲಭ್ಯವಾಗುತ್ತಿರುವ ಸಣ್ಣ ಎಸ್‌ಯುವಿ/ಕ್ರಾಸೋವರ್ ಎನಿಸಿಕೊಂಡಿತ್ತು. ಆದರೆ ನಾಲ್ಕು ಮೀಟರ್ ಉದ್ದ ಪರಿಮಿತಿಯನ್ನು ಮೀರಿರುವುದರಿಂದ ದೇಶದಲ್ಲಿ ಮಾರಾಟ ಮಾಡುವ ಸಾಹಸಕ್ಕೆ ಷೆವರ್ಲೆ ಮುಂದಾಗಿರಲಿಲ್ಲ.

ಒಂದು ವೇಳೆ ಷೆವರ್ಲೆ ಟ್ರಾಕ್ಸ್ ಲಾಂಚ್ ಮಾಡಿದ್ದಲ್ಲಿ ಹೆಚ್ಚುವರಿ ತೆರಿಗೆ ಪಾವತಿಸಬೇಕಾಗುತ್ತದೆ. ಇದು ನೇರವಾಗಿ ಇಕೊಸ್ಪೋರ್ಟ್‌ಗೆ ಲಾಭದಾಯಕವಾಗಲಿದೆ. ಇದನ್ನು ಗಮನದಲ್ಲಿಟ್ಟುಕೊಂಡಿರುವ ಷೆವರ್ಲೆ ನಾಲ್ಕು ಮೀಟರ್ ಉದ್ದ ಪರಿಮಿತಿಯೊಳಗೆ ನೂತನ ಮಿನಿ ಎಸ್‌ಯುವಿ ಆಡ್ರಾ ಲಾಂಚ್ ಮಾಡುವ ಯೋಜನೆ ಹೊಂದಿದೆ.

ಇಲ್ಲಿ ಆಸಕ್ತಿದಾಯಕ ವಿಚಾರವೆಂದರೆ ನೂತನ ಷೆವರ್ಲೆ ಕಾರು, ಟ್ರಾಕ್ಸ್ ವಿನ್ಯಾಸ ಪಡೆದುಕೊಳ್ಳಲಿದೆಯೇ ಅಥವಾ ಎಲ್ಲ ಹೊಸತನದಿಂದ ಕೂಡಿದ ಲುಕ್ ಪ್ರದಾನ ಮಾಡಲಿದೆಯೇ ಎಂಬುದನ್ನು ಕಾದುನೋಡಬೇಕಾಗಿದೆ.

ಪ್ರಮುಖವಾಗಿಯೂ ಇಕೊಸ್ಪೋರ್ಟ್ ಮತ್ತು ರೆನೊ ಡಸ್ಟರ್ ಆವೃತ್ತಿಗಳಿಗೆ ಪ್ರತಿಸ್ಪರ್ಧಿಯಾಗಲಿರುವ ಷೆವರ್ಲೆ ಆಡ್ರಾ, ಸೈಲ್ ಹಾಗೂ ಎಂಜಾಯ್‌ನಲ್ಲಿ ಕಂಡುಬಂದಿರುವ 77 ಅಶ್ವಶಕ್ತಿ ಉತ್ಪಾದಿಸುವ 1.3 ಲೀಟರ್ ಪೆಟ್ರೋಲ್ ಎಂಜಿನ್ ಪಡೆದುಕೊಳ್ಳುವ ನಿರೀಕ್ಷೆಯಿದೆ.

ಇಷ್ಟೆಲ್ಲ ಆದರೂ ಸದ್ಯದಲ್ಲೇ ಷೆವರ್ಲೆ ಆಡ್ರಾ ಉತ್ಪಾದನಾ ವರ್ಷನ್ ಪಡೆದುಕೊಳ್ಳುವ ಸಾಧ್ಯತೆ ಕಡಿಮೆಯಾಗಿದೆ. ಇದು 2015ರ ವೇಳೆಗೆ ಮಾರುಕಟ್ಟೆ ಪ್ರವೇಶಿಸಲಿದೆ.