ಡಿಸಿ ಮೋಹದ ಬಲೆಗೆ ಬಿದ್ದ ಇನ್ನೋವಾ

ಚಿತ್ರದಲ್ಲಿ ನೀವು ನೋಡುತ್ತಿರುವಂತೆಯೇ ಮುಂಭಾಗದಲ್ಲಿ ಸಂಪೂರ್ಣ ವಿಭಿನ್ನವಾದ ವಿನ್ಯಾಸ ತಂತ್ರಗಾರಿಕೆಯನ್ನು ಡಿಸಿ ಡಿಸೈನ್ ಅನುಸರಿಸಿದೆ. ಇದು ಪರಿಷ್ಕೃತ ಗ್ರಿಲ್, ಹೆಡ್ ಲೈಟ್, ಫಾಗ್ ಲ್ಯಾಂಪ್ ಜೊತೆಗೆ ಬದಿಯಲ್ಲಿ ಕ್ಲಾಡಿಂಗ್ ಪಡೆದುಕೊಂಡಿದೆ.

ಇನ್ನು ಕಾರಿನೊಳಗೆ ಐಷಾರಾಮಿ ಸೌಲಭ್ಯಗಳಿಗೆ ಆದ್ಯತೆ ಕೊಡಲಾಗಿದೆ. ಅಲ್ಲದೆ ಮರದ ಸ್ಪರ್ಶವನ್ನು ನೀವು ನೋಡಬಹುದಾಗಿದೆ. ಮೀಡಿಯಾ ಕಂಟ್ರೋಲ್ ಸಂಪೂರ್ಣ ಹೊಸತನವನ್ನು ಕಾಯ್ದುಕೊಂಡಿದೆ.

ಕೇವಲ ಐಷಾರಾಮಿ ಕಾರುಗಳಲ್ಲಿ ಮಾತ್ರ ಕಾಣಸಿಗುವ ಮೂನ್ ಲೈಟಿಂಗ್ ಸೌಲಭ್ಯವನ್ನು ನೀವು ಅನುಭವಿಸಬಹುದಾಗಿದೆ. ಇದು ನಿಜಕ್ಕೂ ದುಬಾರಿ ಕಾರಿನ ಅನುಭವ ನೀಡಲಿದೆ.

ಅಂತೆಯೇ ಗರಿಷ್ಠ ಗುಣಮಟ್ಟತೆಯ ವಿಭಜಿತ ಆಸನ ವ್ಯವಸ್ಥೆಯನ್ನು ಕೊಡಲಾಗಿದೆ. ಇದರಲ್ಲಿಯೇ ಎಸಿ ಕಂಟ್ರೋಲ್ ಇನ್ನಿತರ ಸೌಲಭ್ಯಗಳು ನೆರವಾಗಲಿದೆ. ಒಟ್ಟಿನಲ್ಲಿ ಗರಿಷ್ಠ ಗುಣಮಟ್ಟವನ್ನು ಕಾಯ್ದುಕೊಳ್ಳಲಾಗಿದೆ.

ಇದು ಡಿಸಿಯಿಂದ ವಿನ್ಯಾಸಗೊಂಡಿರುವ ಟೊಯೊಟಾ ಇನ್ನೋವಾ ಕಾರಿನ ಆಂತರಿಕ ನೋಟ. ಇದು 10 ವಿಧಗಳಲ್ಲಿ ಹೊಂದಾಣಿಸಬಹುದಾದ ಪವರ್ ಸೀಟು, 15.7 ಸ್ಕ್ರೀನ್ ಪರದೆ, ಮಡಚಬಹುದಾದ ಟೇಬಲ್ ವ್ಯವಸ್ಥೆ ಇನ್ನಿತರ ಐಷಾರಾಮಿ ಸೌಲಭ್ಯಗಳನ್ನು ಪಡೆದುಕೊಂಡಿದೆ.

ಅಷ್ಟಕ್ಕೂ ನಿಮ್ಮ ಇನ್ನೋವಾ ಕಾರಿನಲ್ಲಿ ಇಂತಹ ಬದಲಾವಣೆಗಳನ್ನು ಬಯಸುವುದಾದ್ದಲ್ಲಿ ಇನ್ಯಾಕೆ ತಡ ಮಾಡುವೀರಾ? ಈ ಕೂಡಲೇ ಡಿಸಿ ಡಿಸೈನ್ ಸಂಪರ್ಕಿಸಿ

ನಿಮ್ಮ ಮಾಹಿತಿಗಾಗಿ, ಪ್ರಖ್ಯಾತ ವಾಹನ ವಿನ್ಯಾಸಗಾರ ದಿಲೀಪ್ ಛಾಬ್ರಿಯಾ ಎಂಬವರು ದೆಹಲಿ ಮೂಲದ ಡಿಸಿ ಡಿಸೈನ್ ಸಂಸ್ಥೆಯ ಸೂತ್ರಧಾರಿಯಾಗಿದ್ದಾರೆ. ಇವರ ನೇತೃತ್ವದಲ್ಲಿ ಈಗಾಗಲೇ ಅನೇಕ ಜನಪ್ರಿಯ ಮಾದರಿಗಳು ಮಾರ್ಪಾಡುಗೊಂಡಿದೆ.