ಸಂಶಯ ಬೇಡ; ನಿಜವಾಗ್ಲೂ ಇದು ಹ್ಯುಂಡೈ ಐ20..!

ಚಿತ್ರದಲ್ಲಿ ನೀವು ನೋಡುತ್ತಿರುವಂತೆಯೇ ಪಳಪಳನೆ ಹೊಳೆಯುತ್ತಿರುವ ಹ್ಯುಂಡೈ ಐ20 ಕಾರಿದು. ಇದು ಡಿಸಿ ಡಿಸೈನ್‌ನಿಂದ ವಿಶೇಷವಾಗಿ ವಿನ್ಯಾಸಗೊಂಡಿದೆ.

ಮುಂಭಾಗದಲ್ಲಿ ಡಿಸಿ ಡಿಸೈನ್ ವಿಶಿಷ್ಟ ವಿನ್ಯಾಸ ಕಲ್ಪಿಸಿಕೊಟ್ಟಿದೆ. ಇದರ ಫ್ರಂಟ್ ಗ್ರಿಲ್ ಹೆಚ್ಚು ಆಕರ್ಷಕವಾಗಿದೆ.

ಇನ್ನು ಫಾಗ್ ಲ್ಯಾಂಪ್, ಹೆಡ್ ಲ್ಯಾಂಪ್ ಹಾಗೂ ಬಂಪರ್ ಸ್ಪಾಯ್ಲರ್ ಲಿಪ್ ಕೆಂಪು ವರ್ಣದ ಪ್ಲ್ಯಾಸ್ಟಿಕ್‌ನಿಂದ ಸುತ್ತುವರಿದಿದೆ.

ಹಾಗೆಯೇ ಕಾರಿನ ಹಿಂಭಾಗದ ಡೋರಿನ ಕೆಳಗಡೆ ಕೆಂಪು ವರ್ಣದ ಸೈಡ್ ಸ್ಕರ್ಟ್ ಕೂಡಾ ಆಳವಡಿಸಲಾಗಿದೆ.

ಏತನ್ಮಧ್ಯೆ ಕಾರಿನ ಹಿಂದುಗಡೆಯೂ ಬಿಳಿ ಕೆಂಪು ಬಣ್ಣ ಮಿಶ್ರಿತ ವಿನ್ಯಾಸಕ್ಕೆ ಹೆಚ್ಚಿನ ಒತ್ತು ಕೊಡಲಾಗಿದೆ.

ಕಾರಿನ ಹೊರಗಡೆ ಸ್ಟಾಂಡರ್ಡ್ ಬದಲಾವಣೆ ಕಂಡುಬಂದ್ದಲ್ಲಿ ಒಳಗಡೆಯ ಫೀಚರ್‌ಗಳು ಐಚ್ಛಿಕವಾಗಿರಲಿದೆ.

ಸಾಮಾನ್ಯವಾಗಿ ಡಿಸಿ ಡಿಸೈನ್ ಕಾರುಗಳಲ್ಲಿ ಕಂಡುಬಂದಿರುವ ಬದಲಾವಣೆಗಳನ್ನು ಇಲ್ಲೂ ಉಳಿಸಲಾಗಿದೆ.

ಚರ್ಮದ ಕವರುಗಳು, ಡೋರ್ ಪ್ಯಾನೆಲ್, ಡ್ಯಾಶ್ ಬೋರ್ಡ್, ಸ್ಟೀರಿಂಗ್ ವೀಲ್ ಮತ್ತು ಗೇರ್ ನಾಬ್ ಕೆಂಪು ಬಣ್ಣದಿಂದ ಆಕರ್ಷಿತವಾಗಿದೆ.

ಅಷ್ಟಕ್ಕೂ ಹಳೆಯ ಮಾದರಿಯ ಹ್ಯುಂಡೈ ಐ20 ಕಾರಿಗೆ ಈ ಹೊಸ ವಿನ್ಯಾಸ ಕಲ್ಪಿಸಿಕೊಡಲಾಗಿದೆ.