ಮಾರುತಿಯಿಂದ ಬರುತ್ತಿದೆ 7 ಸೀಟಿನ ವ್ಯಾಗನಾರ್ ಎಂಪಿವಿ

ಅಂದ ಹಾಗೆ ದಟ್ಸನ್ ಹಾಗೂ ಹೋಂಡಾದ ಬಹುನಿರೀಕ್ಷಿತ ಎಂಪಿವಿಗಳು ಪ್ರಸಕ್ತ ಸಾಲಿನಲ್ಲೇ ಮಾರುಕಟ್ಟೆ ಪ್ರವೇಶಿಸುವ ನಿರೀಕ್ಷೆಯಿದೆ. ಈ ಪೈಕಿ ಮೊಬಿಲಿಯೊ 7ರಿಂದ 10 ಲಕ್ಷ ರು.ಗಳ ಬಜೆಟ್‌ನಲ್ಲಿ ಆಗಮನವಾಗಲಿದ್ದರೆ ದಟ್ಸನ್ ಬೇಸ್ ವೆರಿಯಂಟ್ ಐದು ಲಕ್ಷ ರು.ಗಳಲ್ಲಿರಲಿದೆ. ಇನ್ನೊಂದೆಡೆ ವ್ಯಾಗನಾರ್ ಡೀಸೆಲ್ ಹಾಗೂ ಪೆಟ್ರೋಲ್ ವೆರಿಯಂಟ್‌ಗಳು ಅನುಕ್ರಮವಾಗಿ ಆರು ಹಾಗೂ ಐದು ಲಕ್ಷ ರು.ಗಳ ಅಸುಪಾಸಿನಲ್ಲಿರುವ ಸಾಧ್ಯತೆಯಿದೆ.

ಈಗಾಗಲೇ ಇಂಡೋನೇಷ್ಯಾ ಮೋಟಾರು ಶೋದಲ್ಲಿ ಸುಜುಕಿ ಕರಿಮನ್ ವ್ಯಾಗನಾರ್ ಮೂರು ಸಾಲಿನ ಕಾನ್ಸೆಪ್ಟ್ ಕಾರನ್ನು ಪ್ರದರ್ಶಿಸಲಾಗಿದೆ. ಇದು ಭಾರತಕ್ಕೂ ಪ್ರವೇಶಿಸುವ ನಿರೀಕ್ಷೆಯಿದೆ.

ಸಾಮಾನ್ಯ ವ್ಯಾಗನಾರ್ ತಲಹದಿಯಲ್ಲಿ ಪ್ರದರ್ಶನಗೊಂಡಿರುವ ಈ ಮಾದರಿಯಲ್ಲಿ ಏಳು ಪ್ರಯಾಣಿಕರಿಗೆ ಪ್ರಯಾಣಿಸಬಹುದಾಗಿದೆ. ಇಲ್ಲಿ ವೆಚ್ಚ ಕಡಿತ ಮಾಡುವುದರತ್ತವೂ ಎಂಜಿನಿಯರ್‌ಗಳು ಗಮನ ಹರಿಸಿದ್ದಾರೆ.

ಅಂದ ಹಾಗೆ ವ್ಯಾಗನಾರ್ ಏಳು ಸೀಟುಗಳ ಎಂಪಿವಿ 1.2 ಲೀಟರ್ ಕೆಬಿ12 ಪೆಟ್ರೋಲ್ ಹಾಗೂ 1.3 ಲೀಟರ್ ಡಿಡಿಐಎಶ್ ಡೀಸೆಲ್ ಎಂಜಿನ್‌ನಿಂದ ನಿಯಂತ್ರಿಸಲ್ಪಡುವ ಸಾಧ್ಯತೆಯಿದೆ.

ಅಷ್ಟಕ್ಕೂ ಮಾರುತಿಯಿಂದ ಯಾವುದೇ ಅಧಿಕೃತ ಘೋಷಣೆ ಇದುವರೆಗೆ ಬಂದಿಲ್ಲ. ಆದರೆ ಪ್ರಾಯೋಗಿಕ ಚಿಂತನೆ ಮಾಡುವಾಗ ಭಾರತೀಯ ರಸ್ತೆ ಪರಿಸ್ಥಿತಿಯಲ್ಲಿ ಹಾಗೂ ಬಜೆಟ್ ಕಾರು ಬಯಸುವ ಭಾರತೀಯರಿಗೆ ವ್ಯಾಗನಾರ್ ಏಳು ಸೀಟಿನ ಕಾರು ಹೆಚ್ಚು ಹೊಂದಿಕೆಯಾಗಲಿದೆ.

ಈ ನಡುವೆ ಎರಡು ತಿಂಗಳ ಹಿಂದೆ ರಾಷ್ಟ್ರ ರಾಜಧಾನಿಯಲ್ಲಿ ನಡೆದ 2014 ಆಟೋ ಎಕ್ಸ್‌ಪೋದಲ್ಲಿ ದಟ್ಸನ್ ಗೊ ಪ್ಲಸ್ ಎಂಪಿವಿ ಭರ್ಜರಿ ಪ್ರದರ್ಶನ ಕಂಡಿತ್ತು.

ಇನ್ನು ದೇಶದ ಗ್ರಾಹಕರು ತೀವ್ರ ಕುತೂಹಲದಿಂದ ಕಾಯುತ್ತಿರುವ ಹೋಂಡಾ ಮೊಬಿಲಿಯೊ ಮಲ್ಟಿ ಪರ್ಪಸ್ ವೆಹಿಕಲ್ ಮಾರುಕಟ್ಟೆ ಪ್ರವೇಶಿಸಲು ಸರ್ವ ಸನ್ನದ್ಧವಾಗಿದೆ. ವರದಿಗಳ ಪ್ರಕಾರ ಎಪ್ರಿಲ್ ಅಥವಾ ಮೇ ತಿಂಗಳಲ್ಲಿ ವಿತರಣೆ ಕಾರ್ಯ ಆರಂಭವಾಗಲಿದೆ.