ಮಳೆಗಾಲದಲ್ಲಿ ಕಾರು ಏರುವ ಮುನ್ನ ಎಂಟು ಸಲಹೆ ಪಾಲಿಸಿರಿ

* ನಿಮ್ಮ ಕಾರಿನ ಸ್ಥಿತಿಗತಿ ಮೇಲೊಂದು ಗಮನ ನೀಡಿ. ಕಾರು ಟೈರ್, ಬ್ರೇಕ್, ವೈಪರ್ ಇತ್ಯಾದಿಗಳು ಸರಿಯಾಗಿ ಕಾರ್ಯ ನಿರ್ವಹಿಸುತ್ತಿರುವುದೇ ಪರಿಶೀಲಿಸಿರಿ. ಏನಾದರೂ ತೊಂದರೆ ಕಂಡುಬಂದಲ್ಲಿ ಇವುಗಳನ್ನು ಸರಿಪಡಿಸಿ ಅಥವಾ ಬದಲಾಯಿಸಿರಿ.

* ಟೈರ್ ಟ್ರೀಡ್ ಸರಿಯಾಗಿರುವುದೇ ನೋಡಿ. ಟೈರ್ ಗುಣಮಟ್ಟ ಚೆನ್ನಾಗಿದ್ದರೆ ಮಾತ್ರ ವಾಹನ ನಿಮ್ಮ ಹಿಡಿತದಲ್ಲಿರಲು ಸಾಧ್ಯ.

* ಹೆಡ್ ಲೈಟ್ ಬೀಮ್ ಗಳು ಸರಿಯಾಗಿ ಫೋಕಸ್ ಆಗುತ್ತಿದೆಯೇ ಪರಿಶೀಲಿಸಿರಿ. ಪಾರ್ಕಿಂಗ್ ಲೈಟ್ ಸೇರಿದಂತೆ ಇತರ ಲೈಟ್ ಗಳನ್ನು ಪರಿಶೀಲಿಸಿರಿ. ಏನಾದರೂ ಸಮಸ್ಯೆ ಕಂಡುಬಂದಲ್ಲಿ ಬಲ್ಬ್ ಬದಲಾಯಿಸಿರಿ.

* ಫೂಟ್ ಪೆಡಲ್ ಕುರಿತು ಯಾರೂ ಹೆಚ್ಚಿನ ಗಮನ ನೀಡುವುದಿಲ್ಲ. ಆದರೆ ಮಳೆಗಾಲದಲ್ಲಿ ಬ್ರೇಕ್ ಹಿಡಿಯಲು ಅಥವಾ ಗೇರ್ ಬದಲಾಯಿಸುವ ಸಮಯದಲ್ಲಿ ಫೂಟ್ ಪೆಡಲ್ ಸರಿಯಾಗಿರುವುದು ಅವಶ್ಯಕ.

* ಡ್ರೈನ್ ಹೋಲ್ ಪ್ಲಗ್ ಸರಿಪಡಿಸಿರಿ. ಇಲ್ಲವಾದರೆ ಮಳೆ ಬಂದಾಗ ಕಾರಿನೊಳಗೆ ನೀರು ಬರುವ ಸಾಧ್ಯತೆಯಿದೆ.

* ಕೇವಲ ವೈಪರ್ ಸರಿಯಾಗಿದ್ದರೆ ಸಾಲದು. ಕಾರಿನ ಮುಂಬಾಗದ ವಿಂಡೊ ಕನ್ನಡಿ ಶುಭ್ರವಾಗಿರುವಂತೆ ನೋಡಿಕೊಳ್ಳಿ. ವಿಂಡ್ ಶೀಲ್ಡ್ ಸ್ವಚ್ಛತೆಗೆ ಹೆಚ್ಚಿನ ಗಮನ ನೀಡಿರಿ.

* ಕಾರಿನ ಕಿಟಕಿ ಮತ್ತು ಬಾಗಿಲಿನ ರಬ್ಬರ್ ಬೀಡಿಂಗ್ ನ್ನು ಪರಿಶೀಲಿಸಿರಿ. ಸಮರ್ಪಕವಾಗಿಲ್ಲ ಎಂದೆನಿಸಿದರೆ ಬದಲಾಯಿಸಿಬಿಡಿ. ಇವು ಕೇವಲ ಮಳೆ ನೀರು ಒಳಗೆ ಬರದಂತೆ ಮಾತ್ರ ನೋಡಿಕೊಳ್ಳುವುದಿಲ್ಲ. ಇದರಿಂದ ಶಾರ್ಟ್ ಸರ್ಕ್ಯುಟ್ ನಂತಹ ಅಪಾಯಗಳು ಕಡಿಮೆಯಾಗುತ್ತವೆ.

* ಕಾರಿನಲ್ಲಿರುವ ಸುರಕ್ಷತೆ ಕಿಟ್ ಕಡೆಗೊಮ್ಮೆ ಗಮನ ನೀಡಿ. ಹೆಚ್ಚಿನವರು ಇದರ ಕುರಿತು ಗಮನ ನೀಡುವುದಿಲ್ಲ. ಅಂದ್ರೆ ಫಸ್ಟ್ ಏಯ್ಡ್, ಔಷಧಿಗಳು, ಟಾರ್ಚ್, ಕೊಡೆ ಇತ್ಯಾದಿಗಳು ಕಾರಿನೊಳಗೆ ಇರಲಿ.

ಇದು ಮಳೆಬರುವ ಸಂದರ್ಭದಲ್ಲಿ ಕಾರು ಸ್ಟಾರ್ಟ್ ಮಾಡುವ ಮುನ್ನ ಗಮನದಲ್ಲಿಟ್ಟುಕೊಳ್ಳಬೇಕಾದ ಅಂಶಗಳು.