ದ್ವಿಚಕ್ರ ವಾಹನಗಳಲ್ಲಿ ಕ್ರೂಸ್ ಕಂಟ್ರೋಲ್ ಪ್ರಯೋಜನಗಳಿಂತ ಸವಾಲುಗಳೇ ಹೆಚ್ಚು

ದ್ವಿಚಕ್ರ ವಾಹನಗಳಲ್ಲಿ ಕ್ರೂಸ್ ಕಂಟ್ರೋಲ್ (cruise control) ಫೀಚರ್ ಇತ್ತೀಚೆಗೆ ಭಾರೀ ಸದ್ದು ಮಾಡುತ್ತಿದೆ. ಮೊದಲು ಕಾರುಗಳಲ್ಲಿ ಹೆಚ್ಚಾಗಿ ಕಾಣಿಸಿಕೊಳ್ಳುತ್ತಿದ್ದ ಈ ವೈಶಿಷ್ಟ್ಯವು ಈಗ ದ್ವಿಚಕ್ರ ವಾಹನಗಳಲ್ಲಿ ಹೆಚ್ಚಾಗಿದೆ. ಅಷ್ಟಕ್ಕೂ ಇದರ ಲಾಭವೇನು? ಕ್ರೂಸ್ ಕಂಟ್ರೋಲ್ ಕಾರಿನಲ್ಲಿ ವೇಗವನ್ನು ಸ್ವಯಂಚಾಲಿತವಾಗಿ ನಿಯಂತ್ರಿಸುತ್ತದೆ, ಚಾಲಕನು ವೇಗವರ್ಧಕ (ಆಕ್ಸಿಲರೇಟರ್) ಪೆಡಲ್‌ ಅನ್ನು ತುಳಿಯದಿದ್ದರೂ ಸ್ಥಿರ ವೇಗವನ್ನು ಕಾಯ್ದುಕೊಳ್ಳುತ್ತದೆ. ವಿಶೇಷವಾಗಿ ಹೆದ್ದಾರಿ ಪ್ರಯಾಣಗಳಲ್ಲಿ ಹಾಗೂ ಎತ್ತರದ - ಕೆಳಮುಖವಾಗಿ ಹೋಗುವಾಗ ನಿಗದಿತ ವೇಗವನ್ನು ಕಾಯ್ದುಕೊಳ್ಳಲು ಥ್ರೊಟಲ್ ಅನ್ನು ನಿಯಂತ್ರಣದಲ್ಲಿಡುತ್ತದೆ. ಇಂತಹ ಫೀಚರ್ ದ್ವಿಚಕ್ರ ವಾಹನಗಳಿಗೆ ಸೂಕ್ತವೇ?

ದ್ವಿಚಕ್ರ ವಾಹನಗಳಲ್ಲಿ ಕ್ರೂಸ್ ಕಂಟ್ರೋಲ್ ಪ್ರಯೋಜನಗಳು

ಸ್ಥಿರ ವೇಗವನ್ನು ಕಾಯ್ದುಕೊಳ್ಳುವ ಮೂಲಕ, ಕ್ರೂಸ್ ಕಂಟ್ರೋಲ್ ದೀರ್ಘ ಹೆದ್ದಾರಿ ಸವಾರಿಗಳ ಸಮಯದಲ್ಲಿ ಕೈ ಒತ್ತಡವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಒಂದೇ ವೇಗದಲ್ಲಿ ಸವಾರಿ ಮಾಡುವುದರಿಂದ ಎಂಜಿನ್ RPM ಅನ್ನು ಸ್ಥಿರವಾಗಿಡುವ ಮೂಲಕ ಇಂಧನ ದಕ್ಷತೆಯನ್ನು ಉತ್ತಮಗೊಳಿಸಲು ಸಹಾಯ ಮಾಡುತ್ತದೆ. ದೂರ ಪ್ರಯಾಣ ಮಾಡುವವರಿಗೆ ಅಥವಾ ಹೆದ್ದಾರಿಗಳಲ್ಲಿ ಆಗಾಗ್ಗೆ ಸವಾರಿ ಮಾಡುವವರಿಗೆ ಹೆಚ್ಚು ಪ್ರಯೋಜನಕಾರಿಯಾಗಿರುತ್ತದೆ.

ಇದು ಸವಾರರಿಗೆ ಕಾನೂನುಬದ್ಧ ವೇಗ ಮಿತಿಯನ್ನು ಕಾಯ್ದುಕೊಳ್ಳುವಲ್ಲಿ ಸಹಾಯ ಮಾಡುತ್ತದೆ. ರಸ್ತೆಗಳಲ್ಲಿ ವೇಗದ ಉಲ್ಲಂಘನೆಯನ್ನು ತಡೆದು ಸವಾರರಿಗೆ ಸೌಕರ್ಯ ನೀಡುತ್ತದೆ. ಹೆಚ್ಚಿನ ಪ್ರೀಮಿಯಂ ಮೋಟಾರ್‌ಸೈಕಲ್‌ಗಳು ಈ ವೈಶಿಷ್ಟ್ಯವನ್ನು ಪಡೆಯುತ್ತಿದ್ದಂತೆ, ಬೇಡಿಕೆ ಹೆಚ್ಚಾಗಿದೆ. ಸೂಕ್ತವಾದ ರಸ್ತೆಗಳಲ್ಲಿ ಸೌಕರ್ಯ ಮತ್ತು ಸುಲಭತೆಗಾಗಿ ಅದರ ಮೌಲ್ಯವನ್ನು ಎತ್ತಿ ತೋರಿಸುತ್ತಿದ್ದು, ಸಾಮಾನ್ಯ ಇವಿ ಸ್ಕೂಟರ್ ‌ಗಳಲ್ಲಿಯೂ ಈ ಫೀಚರ್ ನೀಡಲಾಗುತ್ತಿದೆ.

ಸವಾಲುಗಳು ಮತ್ತು ಮಿತಿಗಳು

ದ್ವಿಚಕ್ರ ವಾಹನಗಳಲ್ಲಿ ಕ್ರೂಸ್ ಕಂಟ್ರೋಲ್ ಪ್ರಯೋಜನಗಳ ಹೊರತಾಗಿಯೂ, ಸುರಕ್ಷತೆಗಾಗಿ ನಿರಂತರ ವೇಗ ಬದಲಾವಣೆಗಳು ಅಗತ್ಯವಿರುವ ದಟ್ಟವಾದ ಟ್ರಾಫಿಕ್ ಸಂಚಾರದಲ್ಲಿ ಕ್ರೂಸ್ ಕಂಟ್ರೋಲ್ ಅಪಾಯಕಾರಿಯಾಗಿದೆ. ಇದು ಸವಾರನ ಜಾಗರೂಕತೆಯನ್ನು ಕಡಿಮೆ ಮಾಡುತ್ತದೆ, ಅತಿಯಾಗಿ ಬಳಸಿದರೆ ಅಥವಾ ಅನುಚಿತವಾಗಿ ಬಳಸಿದರೆ ವಿಳಂಬಿತ ಪ್ರತಿಕ್ರಿಯೆಗಳಿಂದ ಅಪಘಾತಗಳ ಅಪಾಯವನ್ನು ಹೆಚ್ಚಿಸುತ್ತದೆ.

ಮೊದಲೇ ಹೇಳಿದಂತೆ ಬದಲಾಗುವ ರಸ್ತೆ ಪರಿಸ್ಥಿತಿಗಳು ಅಥವಾ ಅಡೆತಡೆಗಳಿಗೆ ಸವಾರನ ಪ್ರತಿಕ್ರಿಯೆಯನ್ನು ಕ್ರೂಸ್ ಕಂಟ್ರೋಲ್ ವಿಳಂಬಗೊಳಿಸುವ ಸಾಧ್ಯತೆಗಳು ಹೆಚ್ಚು. ಪ್ರಮುಖ ಅಪಾಯಗಳೆಲ್ಲವೂ ಸವಾರನ ಗಮನ ಕಡಿಮೆ ಆಗುವುದರಿಂದಲೇ ನಡೆಯುತ್ತವೆ. ಸವಾರ ಎಚ್ಚರವಾಗಿರಲು ಮತ್ತು ಅಗತ್ಯವಿದ್ದಾಗ ಕೈಯಿಂದ ನಿಯಂತ್ರಣ ಮರಳಿ ಪಡೆಯಲು ವಿಫಲವಾದರೆ ಅಪಘಾತಗಳಿಗೆ ಕಾರಣವಾಗಬಹುದು.

ಅಂಕು - ಡೊಂಕಾದ ರಸ್ತೆಗಳು, ತೀಕ್ಷ್ಣವಾದ ತಿರುವುಗಳು, ಗುಡ್ಡಗಾಡು ಪ್ರದೇಶ ಅಥವಾ ಕಳಪೆ ಹವಾಮಾನದಲ್ಲಿ ಕ್ರೂಸ್ ಕಂಟ್ರೋಲ್ ಬದಲಾಗುತ್ತಿರುವ ಪರಿಸ್ಥಿತಿಗಳಿಗೆ ತ್ವರಿತವಾಗಿ ಹೊಂದಿಕೊಳ್ಳುವುದಿಲ್ಲ. ತುರ್ತು ಸಂದರ್ಭಗಳಲ್ಲಿ ಅಗತ್ಯವಿರುವ ಕ್ರಿಯಾತ್ಮಕ ನಿರ್ವಹಣೆಗೆ ಹೊಂದಿಕೆಯಾಗದ ಕಾರಣ ಇದು ಅಸುರಕ್ಷಿತವಾಗಿದೆ. ಕಾರುಗಳಿಗೆ ಹೋಲಿಸಿದರೆ ದ್ವಿಚಕ್ರ ವಾಹನಗಳಿಗೆ ಸುರಕ್ಷತೆ ಕಡಿಮೆಯಿರುವುದರಿಂದ ಈ ಫೀಚರ್ ಸೂಕ್ತವಲ್ಲ.

ಕಾರುಗಳಿಗೆ ಸೂಕ್ತ: ಕಾರುಗಳಲ್ಲಿ ಕ್ರೂಸ್ ಕಂಟ್ರೋಲ್ ಅನ್ನು ನಿಯಂತ್ರಿಸುವುದು ಸುಲಭವಾಗಿರತ್ತದೆ. ಒಂದು ವೇಳೆ ಅಪಘಾತವಾದರೂ ಕಾರುಗಳಲ್ಲಿ ಸೆಫ್ಟಿ ಫೀಚರ್ ‌ಗಳು (ಏರ್‌ ಬ್ಯಾಗ್‌) ಇರುವುದರಿಂದ ಪ್ರಯಾಣಿಕರು ಪ್ರಾಣಪಾಯದಿಂದ ಪಾರಾಗಬಹುದು. ಆದರೆ ದ್ವಿಚಕ್ರ ವಾಹನಗಳಿಗೆ ಇದ್ಯಾವುದರ ರಕ್ಷಣೆ ಇರುವುದಿಲ್ಲ. ಅನಿರೀಕ್ಷಿತ ಅಪಾಯಗಳು ಎದುರಾದರೆ ಪ್ರಾಣಪಾಯ ಹೆಚ್ಚಾಗಿರುತ್ತದೆ. ಕ್ರೂಸ್ ಕಂಟ್ರೋಲ್ ಫೀಚರ್ ಅನ್ನು ಮುಖ್ಯವಾಗಿ ಡಿಸೈನ್ ಮಾಡಿರುವುದೇ ಕಾರುಗಳಿಗಾಗಿ ಎಂಬುದನ್ನು ಮರೆಯಬಾರದು.

ಡ್ರೈವ್‌ಸ್ಪಾರ್ಕ್ ಅಭಿಪ್ರಾಯ: ದೀರ್ಘ ಹೆದ್ದಾರಿ ಪ್ರಯಾಣಕ್ಕಾಗಿ ಬಳಸುವ ದ್ವಿಚಕ್ರ ವಾಹನಗಳಿಗೆ ಕ್ರೂಸ್ ಕಂಟ್ರೋಲ್ ಸಹಾಯಕವಾದ ವೈಶಿಷ್ಟ್ಯವಾಗಿದೆ. ಆದರೆ ಅದರ ಅನ್ವಯವು ಸಾರ್ವತ್ರಿಕವಲ್ಲ - ಸವಾರರ ಎಚ್ಚರಿಕೆ ಮತ್ತು ಜವಾಬ್ದಾರಿಯುತ ಬಳಕೆ ಸುರಕ್ಷತೆಗೆ ನಿರ್ಣಾಯಕವಾಗಿದೆ. ನಗರ, ಗುಡ್ಡಗಾಡು ಅಥವಾ ಹೆಚ್ಚು ಬದಲಾಗುವ ಸಂಚಾರ ಪರಿಸರಗಳಲ್ಲಿ ಇದರ ಮೌಲ್ಯ ಸೀಮಿತವಾಗಿದೆ ಎಂಬುದನ್ನು ತಿಳಿದು ಕ್ರೂಸ್ ಕಂಟ್ರೋಲ್ ಅನ್ನು ಬಳಸಬೇಕು.