ಎಕ್ಸ್‌ಪ್ರೆಸ್‌ವೇಗಳಲ್ಲಿ ಎದುರಾಗುವ ಅಪಾಯಕಾರಿ ಸಂಗತಿಗಳಿವು..!

ಎಕ್ಸ್‌ಪ್ರೆಸ್‌ವೇಗಳು ಭಾರತದಲ್ಲಿ ಕಡಿಮೆ ಸಂಖ್ಯೆಯಲ್ಲಿದ್ದರೂ ಹೆಚ್ಚಿನ ಪ್ರಮಾಣದ ವಾಹನ ಸಂಚಾರವನ್ನು ಹೊಂದಿವೆ. ಎಕ್ಸ್‌ಪ್ರೆಸ್‌ವೇಗಳಲ್ಲಿ ಚಲಿಸುವ ವಾಹನಗಳು ಸಾಮಾನ್ಯವಾಗಿ ವೇಗವಾಗಿಯೇ ಚಲಿಸುತ್ತವೆ. ಆದರೆ ವೇಗಕ್ಕೆ ತಕ್ಕಂತಹ ಪರಿಸ್ಥಿತಿಗಳು ಎಕ್ಸ್‌ಪ್ರೆಸ್‌ವೇಗಳಲ್ಲಿ ಇರುವುದಿಲ್ಲ. ಸಾಮಾನ್ಯ ರಸ್ತೆಗಳಿಗೆ ಹೋಲಿಸಿದರೆ ಎಕ್ಸ್‌ಪ್ರೆಸ್‌ವೇಗಳಲ್ಲಿ ಆಗುವ ಅಪಘಾತಗಳೇ ಅಧಿಕ. ಭಾರತದ ಎಕ್ಸ್‌ಪ್ರೆಸ್‌ವೇಗಳಲ್ಲಿ ಚಲಿಸುವವರಿಗೆ ಎದುರಾಗಬಹುದಾದ ಪ್ರಮುಖ ಹತ್ತು ಅಪಾಯಗಳು ಇಲ್ಲಿವೆ.

ಎಕ್ಸ್‌ಪ್ರೆಸ್‌ವೇಗಳಲ್ಲಿ ಎದುರಾಗುವ ಅಪಾಯಕಾರಿ ಸಂಗತಿಗಳಿವು..!

ಟಯರ್ ಸ್ಫೋಟ

ಭಾರತದಲ್ಲಿ ಹೊಸದಾಗಿ ನಿರ್ಮಿಸಲಾಗುತ್ತಿರುವ ಬಹುತೇಕ ಎಕ್ಸ್‌ಪ್ರೆಸ್‌ವೇಗಳನ್ನು ಕಾಂಕ್ರೀಟ್‌ನಿಂದ ನಿರ್ಮಿಸಲಾಗುತ್ತದೆ. ಏಕೆಂದರೆ ಕಾಂಕ್ರೀಟ್ ರಸ್ತೆಗಳು ಟಾರ್ಮ್ಯಾಕ್‌ ರಸ್ತೆಗಳಿಗಿಂತ ಹೆಚ್ಚು ಬಾಳಿಕೆ ಬರುತ್ತವೆ. ಕಡಿಮೆ ಪ್ರಮಾಣದ ನಿರ್ವಹಣೆಯನ್ನು ಹೊಂದಿರುತ್ತವೆ. ಆದರೆ ಒಣ ಸ್ಥಿತಿಯಲ್ಲಿ ಟಾರ್ಮ್ಯಾಕ್‍‍ಗಳಿಗಿಂತ ಕಾಂಕ್ರೀಟ್ ರಸ್ತೆಗಳಲ್ಲಿ ಹೆಚ್ಚಿನ ಘರ್ಷಣೆ ಉಂಟಾಗುತ್ತದೆ. ಇದರಿಂದಾಗಿ, ಟಯರ್‌ಗಳು ಬೇಗನೆ ಬಿಸಿಯಾಗಿ, ಸ್ಪೋಟಗೊಳ್ಳುತ್ತವೆ. ಕಳಪೆಯಾಗಿರುವ ಟಯರ್‍‍ಗಳು ಸ್ಪೋಟಗೊಳ್ಳುತ್ತವೆ. ಹೊಸ ಟಯರ್‍‍ಗಳು ಸ್ಪೋಟಗೊಳ್ಳುವ ಸಾಧ್ಯತೆಗಳು ಕಡಿಮೆ.

ಎಕ್ಸ್‌ಪ್ರೆಸ್‌ವೇಗಳಲ್ಲಿ ಎದುರಾಗುವ ಅಪಾಯಕಾರಿ ಸಂಗತಿಗಳಿವು..!

ಚಲಿಸುತ್ತಿರುವ ವಾಹನಗಳಲ್ಲಿಯೇ ಮಲಗುವುದು

ಬಹುತೇಕ ಎಕ್ಸ್‌ಪ್ರೆಸ್‌ವೇಗಳು ಹೆಚ್ಚಿನ ತಿರುವುಗಳನ್ನು ಹೊಂದಿಲ್ಲದೇ ನೇರವಾಗಿರುತ್ತವೆ. ಒಂದೇ ಸಮನೇ ನೇರವಾಗಿ ರಸ್ತೆಗಳಲ್ಲಿ ಗಂಟೆಗಟ್ಟಲೇ ವಾಹನ ಚಲಾಯಿಸುವವರು ಬೇಸರಗೊಳ್ಳುತ್ತಾರೆ. ಚಾಲಕರು ನೇರವಾಗಿರುವ ರಸ್ತೆಗಳಲ್ಲಿ ತಮಗೆ ಅರಿವಿಲ್ಲದಂತೆ ನಿದ್ರೆಗೆ ಜಾರುತ್ತಾರೆ. ಇದು ಅಪಘಾತಗಳಿಗೆ ಕಾರಣವಾಗುತ್ತದೆ. ಆದ ಕಾರಣ ಎಕ್ಸ್‌ಪ್ರೆಸ್‌ವೇಗಳಲ್ಲಿ ಎಚ್ಚರವಾಗಿರಲು ಹಾಗೂ ರಸ್ತೆಯ ಮೇಲೆ ಗಮನವಿಡಲು ಮಧ್ಯದಲ್ಲಿ ಆಗಾಗ ವಿಶ್ರಾಂತಿ ಪಡೆಯುವುದು ಒಳ್ಳೆಯದು.

ಎಕ್ಸ್‌ಪ್ರೆಸ್‌ವೇಗಳಲ್ಲಿ ಎದುರಾಗುವ ಅಪಾಯಕಾರಿ ಸಂಗತಿಗಳಿವು..!

ತೈಲ ಸೋರಿಕೆ

ತೈಲ ಸೋರಿಕೆ ಎಲ್ಲಿ ಸಂಭವಿಸಿದರೂ ಅದು ಅಪಾಯಕಾರಿ. ಹೆಚ್ಚಿನ ವೇಗದ ವಾಹನಗಳು ಹಾಗೂ ನಯವಾದ ಕಾಂಕ್ರೀಟ್ ಹೊಂದಿರುವ ಎಕ್ಸ್‌ಪ್ರೆಸ್‌ವೇಗಳಲ್ಲಿ ತೈಲವು ಸೋರಿಕೆಯಾಗಿದ್ದರೆ ಹೆಚ್ಚಿನ ಅಪಾಯವುಂಟಾಗುತ್ತದೆ. ಅಪಘಾತಗಳಿಂದ ಅಥವಾ ವಾಹನಗಳ ಸೋರಿಕೆಯಿಂದ ತೈಲ ಸೋರಿಕೆ ಸಂಭವಿಸಬಹುದು. ಎಕ್ಸ್‌ಪ್ರೆಸ್‌ವೇಗಳಲ್ಲಿ ಸಂಚರಿಸುವವರು, ಅದರಲ್ಲೂ ವಿಶೇಷವಾಗಿ ಬೈಕ್‌ ಸವಾರರು ಹೆಚ್ಚು ಜಾಗರೂಕರಾಗಿರಬೇಕು. ರಸ್ತೆಯಲ್ಲಿ ತೈಲ ಸೋರಿಕೆಯಾಗಿದ್ದರೆ ಅದರ ಮೇಲೆ ಹಾದು ಹೋಗುವುದನ್ನು ತಪ್ಪಿಸಿ.

ಎಕ್ಸ್‌ಪ್ರೆಸ್‌ವೇಗಳಲ್ಲಿ ಎದುರಾಗುವ ಅಪಾಯಕಾರಿ ಸಂಗತಿಗಳಿವು..!

ದಾರಿ ತಪ್ಪಿ ಬರುವ ಪ್ರಾಣಿಗಳು

ಭಾರತದ ಬಹುತೇಕ ಎಕ್ಸ್‌ಪ್ರೆಸ್‌ವೇಗಳಲ್ಲಿ ಪ್ರಾಣಿಗಳು ದಾರಿತಪ್ಪಿ ಬರುವುದು ಸಾಮಾನ್ಯ ಸಂಗತಿಯಾಗಿದೆ. ಈ ರೀತಿ ದಾರಿತಪ್ಪಿ ಬರುವ ಪ್ರಾಣಿಗಳು, ಕಾಡು ಪ್ರಾಣಿಗಳು ಹೆಚ್ಚಾಗಿರುವ ಕಡೆ ಹಾದುಹೋಗುತ್ತವೆ.

ಎಕ್ಸ್‌ಪ್ರೆಸ್‌ವೇಗಳಲ್ಲಿ ಎದುರಾಗುವ ಅಪಾಯಕಾರಿ ಸಂಗತಿಗಳಿವು..!

ಪ್ರಾಣಿಗಳು ಎಕ್ಸ್‌ಪ್ರೆಸ್‌ವೇಗಳಿಗೆ ಬರದಂತೆ ಬ್ಯಾರಿಕೇಡ್‍‍ಗಳನ್ನು ಅಳವಡಿಸಲಾಗಿದ್ದರೂ ಪ್ರಾಣಿಗಳಿಗೆ ಡಿಕ್ಕಿ ಹೊಡೆದು ಸಂಭವಿಸುವ ಪ್ರಕರಣಗಳು ಪ್ರತಿವರ್ಷ ಹೆಚ್ಚಾಗುತ್ತಿವೆ. ರಾತ್ರಿ ವೇಳೆಯಲ್ಲಿ ಹಾಗೂ ಮಂಜು ಬೀಳುವಾಗ ಭಾರೀ ಪ್ರಮಾಣದ ಅಪಘಾತಗಳಾಗುತ್ತಿವೆ.

ಎಕ್ಸ್‌ಪ್ರೆಸ್‌ವೇಗಳಲ್ಲಿ ಎದುರಾಗುವ ಅಪಾಯಕಾರಿ ಸಂಗತಿಗಳಿವು..!

ಮಂಜು

ಎಕ್ಸ್‌ಪ್ರೆಸ್‌ವೇಗಳಲ್ಲಿ ಸಂಭವಿಸುವ ಅಪಘಾತಗಳಲ್ಲಿ ಮಂಜು ಕೂಡ ಪ್ರಮುಖ ಪಾತ್ರ ವಹಿಸುತ್ತದೆ. ಎಕ್ಸ್‌ಪ್ರೆಸ್‌ವೇಗಳು ತೆರೆದ ಜಾಗಗಳ ಮೂಲಕ ಹೋಗುವುದರಿಂದ ದಟ್ಟವಾದ ಮಂಜು ಆವರಿಸಿರುತ್ತದೆ. ಸಾಮಾನ್ಯ ರಸ್ತೆಗಳಿಗಿಂತ ದಟ್ಟವಾದ ಮಂಜು ಎಕ್ಸ್‌ಪ್ರೆಸ್‌ವೇಗಳಲ್ಲಿರುತ್ತದೆ.

ಎಕ್ಸ್‌ಪ್ರೆಸ್‌ವೇಗಳಲ್ಲಿ ಎದುರಾಗುವ ಅಪಾಯಕಾರಿ ಸಂಗತಿಗಳಿವು..!

ಭಾರಿ ಮಂಜಿನಿಂದಾಗಿ ಹಲವಾರು ಅಪಘಾತಗಳು ಸಂಭವಿಸಿದ ಪ್ರಕರಣಗಳು ವರದಿಯಾಗುತ್ತಲೇ ಇರುತ್ತವೆ. ಮಂಜು ಆವರಿಸಿರುವ ಎಕ್ಸ್‌ಪ್ರೆಸ್‌ವೇಗಳಲ್ಲಿ ಚಲಿಸುವಾಗ, ಹೆಡ್‍‍‍ಲೈಟ್‍‍ಗಳನ್ನು ಉರಿಸಿ ನಿಧಾನವಾಗಿ ಚಾಲನೆ ಮಾಡುವುದು ಒಳಿತು.

ಎಕ್ಸ್‌ಪ್ರೆಸ್‌ವೇಗಳಲ್ಲಿ ಎದುರಾಗುವ ಅಪಾಯಕಾರಿ ಸಂಗತಿಗಳಿವು..!

ಎಡ ಭಾಗದಲ್ಲಿ ಚಲಿಸುವ ವೇಗದ ವಾಹನಗಳು

ಲೇನ್ ಶಿಸ್ತನ್ನು ಹೆದ್ದಾರಿ ಹಾಗೂ ಎಕ್ಸ್‌ಪ್ರೆಸ್‌ವೇಗಳಲ್ಲಿ ಚಲಿಸುವವರು ಮಾತ್ರವಲ್ಲದೆ ದೇಶದ ಬಹುತೇಕ ವಾಹನ ಸವಾರರು ಪಾಲಿಸುವುದೇ ಇಲ್ಲ. ವಾಹನಗಳನ್ನು ಹೆಚ್ಚಿನ ವೇಗದಲ್ಲಿ ಚಲಾಯಿಸುವ ಕಾರಣದಿಂದಾಗಿ ನಿಗದಿ ಪಡಿಸಿರುವ ಪಥಗಳನ್ನು ಬಿಟ್ಟು ಬೇರೆ ಪಥದಲ್ಲಿ ಅಂದರೆ ಎಡ ಭಾಗದಲ್ಲಿ ವಾಹನಗಳನ್ನು ಚಲಾಯಿಸಲಾಗುತ್ತಿದೆ.

ಎಕ್ಸ್‌ಪ್ರೆಸ್‌ವೇಗಳಲ್ಲಿ ಎದುರಾಗುವ ಅಪಾಯಕಾರಿ ಸಂಗತಿಗಳಿವು..!

ವೇಗವಾಗಿ ರಸ್ತೆಯ ಎಡ ಭಾಗದಲ್ಲಿ ವಾಹನಗಳನ್ನು ಚಲಿಸುವುದರಿಂದ, ಬೇರೆ ವಾಹನಗಳಲ್ಲಿರುವ ಚಾಲಕರು ತಮ್ಮ ವಾಹನಗಳಲ್ಲಿರುವ ಮಿರರ್‍‍ಗಳನ್ನು ನೋಡದೇ ವಾಹನ ಚಲಾಯಿಸುವುದರಿಂದ ಹೆಚ್ಚಿನ ಪ್ರಮಾಣದ ಅಪಘಾತಗಳಾಗುತ್ತಿವೆ. ಆದ ಕಾರಣ ಹೆಚ್ಚಿನ ವೇಗದಲ್ಲಿ ಎಡ ಭಾಗದಿಂದ ವಾಹನ ಚಲಾಯಿಸದಿರುವುದು ಒಳಿತು.

ಎಕ್ಸ್‌ಪ್ರೆಸ್‌ವೇಗಳಲ್ಲಿ ಎದುರಾಗುವ ಅಪಾಯಕಾರಿ ಸಂಗತಿಗಳಿವು..!

ದರೋಡೆ

ಎಕ್ಸ್‌ಪ್ರೆಸ್‌ವೇಗಳು ನಗರ ಪ್ರದೇಶದಿಂದ ಹೊರಗಿದ್ದು ಹೆಚ್ಚಾಗಿ ಜನರು ಓಡಾಡದ ಕಡೆ ಹಾದು ಹೋಗುತ್ತವೆ. ಜನರ ಓಡಾಟ ಕಡಿಮೆ ಇರುವ ಕಾರಣ, ಸ್ಥಳೀಯ ಜನರು ಪರಿಸ್ಥಿತಿಯ ಲಾಭವನ್ನು ಪಡೆದು ಎಕ್ಸ್‌ಪ್ರೆಸ್‌ವೇಗಳಲ್ಲಿ ಹಾದುಹೋಗುವ ವಾಹನಗಳನ್ನು ದೋಚುತ್ತಾರೆ. ಎಕ್ಸ್‌ಪ್ರೆಸ್‌ವೇಗಳಲ್ಲಿ ಸರಿಯಾದ ಬೆಳಕಿನ ವ್ಯವಸ್ಥೆಯು ಇರುವುದಿಲ್ಲ.

ಎಕ್ಸ್‌ಪ್ರೆಸ್‌ವೇಗಳಲ್ಲಿ ಎದುರಾಗುವ ಅಪಾಯಕಾರಿ ಸಂಗತಿಗಳಿವು..!

ದರೋಡೆಕೋರರು ವಾಹನಗಳನ್ನು ತಡೆದು ಲೂಟಿ ಮಾಡಲು ನಾನಾ ಮಾರ್ಗಗಳನ್ನು ಬಳಸುತ್ತಾರೆ. ಯಾರಾದರೂ ನಿಮ್ಮ ವಾಹನಗಳನ್ನು ನಿಲ್ಲಿಸಲು ಪ್ರಯತ್ನಿಸಿದರೆ, ಕಾರಿನ ಮೇಲೆ ಏನನ್ನಾದರೂ ಎಸೆದರೆ ಅಥವಾ ವಾಹನವನ್ನು ಮೂಲೆಗೆ ಹಾಕಲು ಪ್ರಯತ್ನಿಸಿದರೆ ನಿಮ್ಮ ವಾಹನವನ್ನು ಯಾರೂ ಇಲ್ಲದ ಜಾಗದಲ್ಲಿ ನಿಲ್ಲಿಸಬೇಡಿ.

ಎಕ್ಸ್‌ಪ್ರೆಸ್‌ವೇಗಳಲ್ಲಿ ಎದುರಾಗುವ ಅಪಾಯಕಾರಿ ಸಂಗತಿಗಳಿವು..!

ಪೆಟ್ರೋಲ್ ಬಂಕ್‍‍ಗಳ ಕೊರತೆ

ಎಕ್ಸ್‌ಪ್ರೆಸ್‌ವೇಗಳಲ್ಲಿ ಪೆಟ್ರೋಲ್ ಬಂಕ್‍ಗಳು ಹೆಚ್ಚಿನ ಸಂಖ್ಯೆಯಲ್ಲಿ ಇಲ್ಲ. ಇದು ದೇಶಾದ್ಯಂತ ಹೊಸದಾಗಿ ನಿರ್ಮಾಣವಾದ ಬಹುತೇಕ ಎಕ್ಸ್‌ಪ್ರೆಸ್‌ವೇಗಳ ಮತ್ತೊಂದು ಸಮಸ್ಯೆಯಾಗಿದೆ. ಆದ ಕಾರಣ ಎಕ್ಸ್‌ಪ್ರೆಸ್‌ವೇಗಳಲ್ಲಿ ಸಂಚರಿಸುವಾಗ ನಿಮ್ಮ ವಾಹನದಲ್ಲಿ ಸಾಕಷ್ಟು ಪ್ರಮಾಣದ ಇಂಧನ ಇದೆಯೆಂಬುದನ್ನು ಖಚಿತಪಡಿಸಿಕೊಳ್ಳಿ.

ಎಕ್ಸ್‌ಪ್ರೆಸ್‌ವೇಗಳಲ್ಲಿ ಎದುರಾಗುವ ಅಪಾಯಕಾರಿ ಸಂಗತಿಗಳಿವು..!

ರಾಂಗ್ ಸೈಡಿನಲ್ಲಿ ಬರುವ ಸ್ಥಳೀಯರು

ಎಕ್ಸ್‌ಪ್ರೆಸ್‌ವೇಗಳ ಬಳಿ ನೆಲೆಸಿರುವ ಸ್ಥಳೀಯ ಜನರಿಗೆ, ಈ ರಸ್ತೆಗಳು ವಿವಿಧ ಸ್ಥಳಗಳಿಗೆ ತೆರಳಲು ಇರುವ ಶಾರ್ಟ್‌ಕಟ್‌ ರಸ್ತೆಗಳಾಗಿವೆ. ಸ್ಥಳೀಯ ರಸ್ತೆಗಳಲ್ಲಿ ಓಡಾಡುವ ಬದಲು, ಎಕ್ಸ್‌ಪ್ರೆಸ್‌ವೇಗಳಲ್ಲಿ ಓಡಾಡುತ್ತಾರೆ. ಅವರು ರಾಂಗ್ ಸೈಡ್‍‍‍ಗಳ ಬಗ್ಗೆ ಗಮನ ನೀಡುವುದಿಲ್ಲ.

ಎಕ್ಸ್‌ಪ್ರೆಸ್‌ವೇಗಳಲ್ಲಿ ಎದುರಾಗುವ ಅಪಾಯಕಾರಿ ಸಂಗತಿಗಳಿವು..!

ಲಭ್ಯವಿರುವ ಯಾವುದೇ ಮಾರ್ಗದ ಮೂಲಕ ಎಕ್ಸ್‌ಪ್ರೆಸ್‌ವೇಗೆ ಪ್ರವೇಶಿಸುತ್ತಾರೆ. ಬ್ಯಾರಿಕೇಡ್ ಇರಲಿ ಅಥವಾ ಬೇಲಿ ಇರಲಿ ನುಗ್ಗಿ ಎಕ್ಸ್‌ಪ್ರೆಸ್‌ವೇಗಳಿಗೆ ಬರುತ್ತಾರೆ. ಆದ ಕಾರಣ ರಾಂಗ್ ಸೈಡಿನಲ್ಲಿ ಬರುವ ಜನರ ಬಗ್ಗೆ ಗಮನವಿರಲಿ.

ಎಕ್ಸ್‌ಪ್ರೆಸ್‌ವೇಗಳಲ್ಲಿ ಎದುರಾಗುವ ಅಪಾಯಕಾರಿ ಸಂಗತಿಗಳಿವು..!

ನಿಧಾನವಾಗಿ ಚಲಿಸುವ ವಾಹನಗಳು

ಭಾರತದ ಹಲವಾರು ಎಕ್ಸ್‌ಪ್ರೆಸ್‌ವೇಗಳಲ್ಲಿ ನಿಧಾನವಾಗಿ ಚಲಿಸುವ ವಾಹನಗಳಿಗೆ ಅನುಮತಿ ನೀಡುವುದಿಲ್ಲ. ಕೆಲವು ಎಕ್ಸ್‌ಪ್ರೆಸ್‌ವೇಗಳು ನಿಧಾನಗತಿಯ ಬೈಕ್‌ಗಳಿಗೆ ಅನುಮತಿ ನೀಡುತ್ತವೆ. ಇದರ ಪರಿಣಾಮವಾಗಿ, ನಿಧಾನವಾಗಿ ಚಲಿಸುವ ವಾಹನಗಳು ಹೆಚ್ಚು ವೇಗದಲ್ಲಿರುವ ವಾಹನಗಳಿಗೆ ಅಡ್ಡ ಬಂದು ಅಪಘಾತಗಳಿಗೆ ಕಾರಣವಾಗುತ್ತವೆ. ಇಂತಹ ವಾಹನಗಳ ವೇಗವನ್ನು ನಿರ್ಣಯಿಸುವುದು ಕಷ್ಟ. ಇದು ಮತ್ತಷ್ಟು ಭೀಕರ ಘಟನೆಗಳಿಗೆ ಕಾರಣವಾಗಬಹುದು.

Most Read Articles

Kannada
English summary
10 BIG dangers of India’s expressways - Read in kannada
Story first published: Saturday, August 3, 2019, 16:30 [IST]
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Drivespark sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Drivespark website. However, you can change your cookie settings at any time. Learn more