ಗರ್ಭಿಣಿ ಮಹಿಳೆಯರಿಗಾಗಿ ಅತ್ಯಮೂಲ್ಯ ಡ್ರೈವಿಂಗ್ ಟಿಪ್ಸ್

ಗರ್ಭಿಣಿ ಮಹಿಳೆಯರು ಕಾರಿನಲ್ಲಿ ಕುಳಿತುಕೊಳ್ಳುವಾಗ ಅಥವಾ ಡ್ರೈವಿಂಗ್ ಮಾಡುವಾಗ ಒತ್ತಡ ಸೃಷ್ಟಿಯಾಗದಂತೆ ನೋಡಿಕೊಳ್ಳಬೇಕಾಗುತ್ತದೆ.

ಡ್ರೈವಿಂಗ್ ಮೊದಲು ಹೊಟ್ಟೆಗೆ ಬೇಕಾದಷ್ಟು ಆಹಾರವನ್ನು ಮಾತ್ರ ಸೇವಿಸಿರಿ. ಇದಕ್ಕಾಗಿ ನಿಮ್ಮ ವೈದ್ಯರ ಸಲಹೆ ಪಡೆಯಿರಿ. ಯಾವುದೇ ಕಾರಣಕ್ಕೂ ಅತಿಯಾದ ಆಹಾರ ಸೇವನೆ ಒಳ್ಳೆಯದಲ್ಲ.

ಈ ಮೊದಲೇ ತಿಳಿಸಿರುವಂತೆಯೇ ಬಸಿರಾದಾಗ ಡ್ರೈವಿಂಗ್ ತುಂಬಾನೇ ಎಚ್ಚರಿಕೆ ವಹಿಸಬೇಕಾಗುತ್ತದೆ. ಹಾಗಾಗಿ ಕಾರಲ್ಲಿ ದೀರ್ಘ ಪಯಣವನ್ನು ದೂರವಿಡಿ. ಅಂದರೆ ಗರ್ಭವತಿಯಾದಾಗ ಯಾವುದೇ ಮೋಜು ಮಸ್ತಿ ಪ್ರವಾಸವನ್ನು ಕೈಗೊಳ್ಳದಿದ್ದರೆ ಒಳಿತು.

ಇನ್ನು ಕಾರಿನಲ್ಲಿ ಕುಳಿತುಕೊಳ್ಳುವಾಗ ಸೀಟ್ ಹೊಂದಿಸಬೇಕಾಗಿರುವುದು ಅತಿ ಅಗತ್ಯ. ಸೀಟಿನಲ್ಲಿ ಕುಳಿತುಕೊಳ್ಳುವಾಗ ಹೊಟ್ಟೆ ಮೇಲೆ ಯಾವುದೇ ರೀತಿಯ ಒತ್ತಡ ಆಗದ ರೀತಿಯಲ್ಲಿ ಸೀಟ್ ಹೊಂದಿಕೆ ಮಾಡಿ ಕುಳಿತುಕೊಳ್ಳಿರಿ.

ಕಾರಿನಲ್ಲಿ ಕುಳಿತುಕೊಂಡ ಬಳಿಕ ಎಚ್ಚರಿಕೆಯಿಂದ ಸೀಟ್ ಬೆಲ್ಟ್ ಹೊಂದಿಸಿಕೊಳ್ಳಿರಿ. ಯಾವುದೇ ಕಾರಣಕ್ಕೂ ಹೊಟ್ಟೆಗೆ ಒತ್ತಡ ಆಗುವ ರೀತಿಯಲ್ಲಿ ಬೆಲ್ಟ್ ಬಿಗಿಯಬಾರದು.

ಹಾಗೆಯೇ ಸೀಟ್ ಕ್ರಮಪಡಿಸಿದ ಬಳಿಕ ಸ್ಟೀರಿಂಗ್ ವೀಲ್ ಹೊಂದಿಸಿಕೊಳ್ಳಿ. ಸ್ಟೀರಿಂಗ್ ವೀಲ್ ಹಾಗೂ ಹೊಟ್ಟೆಯ ನಡುವಣ ಅಂತರ ಕಾಯ್ದುಕೊಳ್ಳುವುದು ಅತಿ ಮುಖ್ಯ.

ಇನ್ನು ಆರಾಮವಾಗಿ ನಿಧಾನವಾಗಿ ಯಾವುದೇ ಭಯಭೀತಿಯಿಲ್ಲದೆ ಚಾಲನೆ ಆರಂಭಿಸಿ. ಅತಿಯಾದ ವೇಗ ಅಪಾಯವನ್ನು ಆಹ್ವಾನಿಸಿದಂತೆ. ಡ್ರೈವಿಂಗ್ ಸಂದರ್ಭದಲ್ಲಿ ಮೊಬೈಲ್ ಫೋನ್ ಬಳಕೆ ಅಥವಾ ಆಹಾರ ಸೇವನೆ ಬೇಡ.

ಇನ್ನು ಮಾರುಕಟ್ಟೆಯಲ್ಲಿ ಗರ್ಭಿಣಿಯರಿಗಾಗಿ ವಿಶೇಷವಾಗಿ ತಯಾರಿಸಿದ ದಿಂಬು ಸಿಗುತ್ತಿದ್ದು ಇದರ ಪ್ರಯೋಜನವನ್ನು ಪಡೆಯಬಹುದಾಗಿದೆ. ಇದನ್ನು ಹೊಟ್ಟೆಯ ಮೇಲ್ಗಡೆ ಸೀಟ್ ಬೆಲ್ಟ್ ಅಡಿಯಲ್ಲಿ ಜೋಡಿಸಲಾಗುತ್ತದೆ. ಇದು ಗರ್ಭಿಣಿ ಮಹಿಳೆಯರಿಗೆ ಸಂಚಾರ ವೇಳೆ ರಕ್ಷಣೆ ಒದಗಿಸುವಲ್ಲಿ ನೆರವಾಗುತ್ತದೆ.

ಪಯಣದ ವೇಳೆ ನಿರಂತರ ಅಂತರಾಳದಲ್ಲಿ ವಿರಾಮ ಪಡೆದುಕೊಂಡು ಅಗತ್ಯಕ್ಕನುಸಾರವಾಗಿ ಆಹಾರ ಸೇವಿಸಲು ಮರೆಯದಿರಿ. ಇದರಿಂದ ಒಂದೇ ಸ್ಥಾನದಲ್ಲಿ ಕೂತ್ತಿದ್ದರಿಂದ ಆಗುವ ಒತ್ತಡವನ್ನು ದೂರಮಾಡಬಹುದು.

ಆದರೆ ಯಾವುದೇ ಕಾರಣಕ್ಕೂ ತುಂಬು ಗರ್ಭಿಣಿಯಾದ ಸಂದರ್ಭದಲ್ಲಿ ಕಾರು ಚಲಾಯಿಸುವ ಗೋಜಿಗೆ ಹೋಗದಿರಿ. ಇದು ನಿಮ್ಮ ಜತೆ ಮಗುವಿಗೂ ಅಪಾಯ ಆಹ್ವಾನಿಸಿದಂತೆ

ಅಂತೆಯೇ ರಾತ್ರಿ ವೇಳೆಯಲ್ಲಿ ಡ್ರೈವಿಂಗ್‌ನಿಂದ ದೂರವುಳಿದರೆ ಉತ್ತಮ. ಹಾಗೊಂದು ವೇಳೆ ಅನಿವಾರ್ಯತೆ ಬಿದ್ದಲ್ಲಿ ಎಚ್ಚರಿಕೆಯಿಂದ ನಿಧಾನವಾಗಿ ಮುಂದುವರಿಯಿರಿ.

ಇದೀಗ ನಿಮ್ಮ ಅಭಿಪ್ರಾಯಗಳನ್ನು ನಮ್ಮ ಜತೆ ಹಂಚಿಕೊಳ್ಳಿರಿ.