ಇಕೊಸ್ಪೋರ್ಟ್ ವಿಭಿನ್ನವಾಗಿಸಿದ ತುರ್ತು ಸಹಾಯ ಸೇವೆ

ಒಂದು ವೇಳೆ ಕಾರು ಅಪಘಾತಕ್ಕೀಡಾದ್ದಲ್ಲಿ ಜಿಪಿಎಸ್ ನೆರವಿನಿಂದ ಇದರಲ್ಲಿ ಆಳವಡಿಸಲಾಗಿರುವ ತಂತ್ರಜ್ಞಾನವು ಕಾರು ಅವಘಡಕ್ಕೀಡಾದ ಸ್ಥಳದ ಬಗ್ಗೆ ಫೋನ್ ಮೂಖಾಂತರ ಮಾಹಿತಿ ರವಾನಿಸಲಿದೆ. ಇದು ನೇರವಾಗಿ ದೇಶದ ತುರ್ತು ಸಹಾಯ ಸೇವೆ ಆದ 108ಕ್ಕೆ ಸಂಪರ್ಕ ಕಲ್ಪಿಸಲಿದೆ.

ಅಪಘಾತ ಸಂಭವಿಸಿದ 10 ಸೆಕೆಂಡ್ ಒಳಗಾಗಿ ಈ ಎಮರ್ಜನ್ಸಿ ಕಾಲ್ ಆಕ್ಟಿವ್ ಆಗಲಿದೆ. ಇದರಿಂದ ಸಣ್ಣ ಪುಟ್ಟ ಅಪಘಾತ ಸಂದರ್ಭಗಳಲ್ಲಿ ಚಾಲಕರು ಬಯಸಿದ್ದಲ್ಲಿ ಕಾಲ್ ರದ್ದು ಮಾಡಲು ಸಾಧ್ಯವಾಗಲಿದೆ.

ಇದು ಸಂಪೂರ್ಣ ಮುಕ್ತ ಸರ್ವಿಸ್ ಆಗಿದ್ದು ಯಾವುದೇ ರೀತಿಯ ಚಂದಾದಾರನಾಗುವ ಅಗತ್ಯವಿರುವಿಲ್ಲ. ಕೇವಲ ಇದಕ್ಕೆ ಬೇಕಾಗಿರುವುದು ಬ್ಲೂಟೂತ್ ವ್ಯವಸ್ಥೆ ಇರುವ ಮೊಬೈಲ್. ಹಾಗೊಂದು ವೇಳೆ ಚಾಲಕ ಬ್ಲೂಟೂತ್ ಕೆನೆಕ್ಟ್ ಮಾಡುವುದನ್ನು ಮರೆತು ಹೋಗಿದ್ದಲ್ಲಿ ಪಯಣ ಆರಂಭದಲ್ಲೇ ಈ ಬಗ್ಗೆ ಎಚ್ಚರಿಕೆ ರವಾನಿಸಲಿದೆ.

ಅಂದ ಹಾಗೆ ಫೋರ್ಡ್ ತುರ್ತು ನೆರವು ವ್ಯವಸ್ಥೆ ಜಾಗತಿಕವಾಗಿ ಅದರಲ್ಲೂ ಪ್ರಮುಖವಾಗಿ ಯುರೋಪ್‌ನಲ್ಲಿ ಲಭ್ಯವಿದೆ. ಸದ್ಯ ಜೂನ್ ತಿಂಗಳಲ್ಲಿ ಭಾರತದಲ್ಲಿ ಬಿಡುಗಡೆಯಾಗಲಿರುವ ಇಕೊಸ್ಪೋರ್ಟ್‌ನಲ್ಲಿ ಇದು ಲಭ್ಯವಾಗಲಿದೆಯೇ ಎಂಬುದು ತಿಳಿದು ಬಂದಿಲ್ಲ. ಹಾಗಿದ್ದರೂ ಬಲ್ಲ ಮೂಲಗಳ ಪ್ರಕಾರ ಟಾಪ್ ಎಂಡ್ ವೆರಿಯಂಟ್ ಟೈಟಾನಿಯಂಗೆ ಈ ಸೇವೆ ಲಭ್ಯವಾಗಲಿದೆ ಎಂಬ ಮಾಹಿತಿ ದೊರಕಿದೆ.

ಜಗತ್ತಿನ ವಿವಿಧ ಭಾಗಗಳಲ್ಲಿ ಫೋರ್ಡ್ ಎಮರ್ಜನ್ಸಿ ಅಸಿಸ್ಟ್ ವ್ಯವಸ್ಥೆಯು ಜೀವ ರಕ್ಷಕ ಎಂಬುದನ್ನು ಸಾಬೀತುಪಡಿಸಿದೆ. ಹಾಗಾಗಿ ಭಾರತದಲ್ಲೂ ಆಳವಡಿಕೆಯಾದ್ದಲ್ಲಿ ಖಂಡಿತ ಗ್ರಾಹಕರ ಮೆಚ್ಚುಗೆಗೆ ಪಾತ್ರವಾಗಲಿದೆ.

ಇದೀಗ ಫೋರ್ಡ್ ಇಕೊಸ್ಪೋರ್ಟ್ ತುರ್ತು ಸಹಾಯ ಸೇವೆ ಬಗ್ಗೆ ನಿಮ್ಮ ಅನಿಸಿಕೆಗಳನ್ನು ನಮ್ಮ ಜತೆ ಹಂಚಿಕೊಳ್ಳಿರಿ