ಸೇಫ್ ಡ್ರೈವಿಂಗ್ ಮಾಡುವುದು ಹೇಗೆ? ಸಿಂಪಲ್ ಟಿಪ್ಸ್ ಆದ್ರೂ, ತುಂಬಾ ಪರಿಣಾಮಕಾರಿ!

ಕಾರು ಚಾಲನೆ ಮಾಡುವುದು ಅಷ್ಟು ಸುಲಭವಲ್ಲ, ಅದು ಬೆಂಗಳೂರಿನಂತಹ ನಗರಗಳಲ್ಲಿನ ಟ್ರಾಫಿಕ್‌ನಲ್ಲಿ ಕಾರನ್ನು ಓಡಿಸಲು ತುಂಬಾ ತಾಳ್ಮೆ ಇರಬೇಕು. ಅದೆಷ್ಟೋ ಮಂದಿಗೆ ಆರಾಮದಾಯಕ ಡ್ರೈವಿಂಗ್ ಮಾಡಬೇಕಾದ್ರೆ ಹೇಗೆ ಕೂರಬೇಕು ಎಂಬುದರ ಬಗ್ಗೆ ಗೊತ್ತೇ ಇಲ್ಲ.

ಚಾಲನೆ ಮಾಡುವಾಗ ಸರಿಯಾದ ಕೂರುವ ಭಂಗಿಯನ್ನು ಕಾಪಾಡಿಕೊಳ್ಳುವುದರಿಂದ ನಿಮ್ಮ ಬೆನ್ನಿಗೆ ಆರಾಮ, ಸುರಕ್ಷತೆಯನ್ನು ಖಚಿತಪಡಿಸಿಕೊಳ್ಳಬಹುದು. ಜೊತೆಗೆ ಸರಿಯಾದ ಚಾಲನಾ ಭಂಗಿಯು ಸಂಭಾವ್ಯ ಗಾಯಗಳ ಅಪಾಯವನ್ನು ತಪ್ಪಿಸುತ್ತದೆ. ಹಾಗಾಗಿ ಸ್ಟೀರಿಂಗ್ ವೀಲ್ ಮುಂದೆ ಸರಿಯಾಗಿ ಕೂರುವ ಹಂತ ಹಂತದ ಮಾರ್ಗದರ್ಶನವನ್ನು ಇಲ್ಲಿ ತಿಳಿಸಲಾಗಿದೆ.

ಆಸನವನ್ನು ಹೊಂದಿಸಿ: ಕಾರನ್ನು ಏರಿದ ತಕ್ಷಣ ಎಲ್ಲರೂ ಮೊದಲಿಗೆ ಮಾಡುವ ಸರ್ವೇಸಾಮಾನ್ಯ ಕೆಲಸವಿದು, ಆದ್ರೂ ತಿಳಿಯದವರಿಗಾಗಿ ಮೊದಲ ಸಲಹೆಯಿದು. ಸೀಟ್‌ನಲ್ಲಿ ಕುಳಿತ ತಕ್ಷಣ ಹಿಂಭಾಗವು ಸಂಪೂರ್ಣವಾಗಿ ನಿಮಗೆ ಒರಗಿಳ್ಳಲು ಬೆಂಬಲಿತವಾಗಿದೆಯೇ ಎಂಬುದನ್ನು ನೋಡಿಕೊಳ್ಳಬೇಕು. ಬಳಿಕ ನಿಮ್ಮ ಸೀಟ್ ಸರಿಹೊಂದಿಸಿ ನಿಮ್ಮ ಬೆನ್ನನ್ನು ದೃಢವಾಗಿ ನೆಟ್ಟಗೆ ಕುಳಿತುಕೊಳ್ಳಿ. ಬೆನ್ನಿನ ಹಿಂದೆ ವಕ್ರರೇಖೆ ಇದೆಯೇ ಎಂದು ಖಚಿತಪಡಿಸಿಕೊಳ್ಳಿ.

ಸ್ಟೀರಿಂಗ್ ವೀಲ್ ಹೊಂದಿಸಿ: ಅತಿಮುಖ್ಯವಾಗಿ ಪ್ರತಿಯೊಬ್ಬ ಕಾರು ಚಾಲಕ ಇದರ ಬಗ್ಗೆ ತಿಳಿದಿರಬೇಕು, ಸ್ಟೀರಿಂಗ್ ವೀಲ್ ನಿಮಗೆ ಅಸಹಜವಾಗಿ ಅನಿಸಿದರೆ ನಿಮ್ಮ ಪ್ರಯಾಣ ಕೂಡ ಅಸಂತೃಪ್ತಿಯಿಂದ ಸಾಗುತ್ತದೆ. ಮೊದಲು ನಿಮ್ಮ ಸ್ಟೀರಿಂಗ್ ವೀಲ್ ನಿಮ್ಮ ಭುಜಗಳನ್ನು ಹಿಗ್ಗಿಸದಂತೆ ನಿಮ್ಮ ಕೈಗಳು ಅದರ ಮೇಲೆ ಆರಾಮವಾಗಿ ವಿಶ್ರಾಂತಿ ಪಡೆಯುವ ಸ್ಥಾನಕ್ಕೆ ಸ್ಟೀರಿಂಗ್ ಚಕ್ರವನ್ನು ಹೊಂದಿಸಿಕೊಳ್ಳಬೇಕು.

ನಿಮ್ಮ ಮೊಣಕೈಗಳು ಪೂರ್ಣ ಹಿಗ್ಗಿಸದೇ ಸ್ವಲ್ಪ ಬಾಗಬೇಕು. ನಿಮ್ಮ ಭುಜಗಳನ್ನು ಸಡಿಲಗೊಳಿಸಿ ಚಾಲನೆ ಮಾಡುವಾಗ ಆರಾಮವಾಗಿರುವುದನ್ನು ಖಚಿತಪಡಿಸಿಕೊಳ್ಳಬೇಕು. ನಿಮ್ಮ ಭುಜಗಳು ಆರಾಮವಾಗಿ ನೆಲೆಗೊಳ್ಳಲು ಅನುವು ಮಾಡಿಕೊಡುವ ಸ್ಥಾನಕ್ಕೆ ಆಸನ ಮತ್ತು ಸ್ಟೀರಿಂಗ್ ಚಕ್ರವನ್ನು ಹೊಂದಿಸಿಕೊಂಡರೆ ಯಾವುದೇ ಅಸಂತೃಪ್ತಿಯಿಲ್ಲದೇ ಕಾರನ್ನು ಚಾಲನೆ ಮಾಡಬಹುದು.

ಆಸನದ ಎತ್ತರವನ್ನು ಪರಿಶೀಲಿಸಿ: ಕಾರನ್ನು ಒಂದು ಮನೆಯ ಹಲವರು ಓಡಿಸುತ್ತಿದ್ದರೇ ಒಬ್ಬೊಬ್ಬರೂ ಒಂದೊಂದು ಸೀಟ್‌ ಎತ್ತರವನ್ನು ಹೊಂದಿಸಿಕೊಂಡಿರುತ್ತಾರೆ. ಹಾಗಾಗಿ ನೀವು ಕಾರನ್ನು ಏರಿ ಕುಳಿತ ಬಳಿಕ ನಿಮ್ಮ ಆಸನವು ಎತ್ತರದಲ್ಲಿದೆಯೇ ಎಂದು ಖಚಿತಪಡಿಸಿಕೊಳ್ಳಿ, ಸಾಮಾನ್ಯಕ್ಕಿಂತ ತುಸು ಎತ್ತರದಲ್ಲಿದ್ದರೇ ನೀವು ರಸ್ತೆಯ ಸ್ಪಷ್ಟ ನೋಟವನ್ನು ಕಾಣಬಹುದು. ಹಾಗೆಯೇ ನಿಮ್ಮ ಪಾದಗಳು ಹಿಗ್ಗಿಸದೆ ಪೆಡಲ್‌ಗಳನ್ನು ಆರಾಮವಾಗಿ ತಲುಪುವಂತೆ ಹೊಂದಿಸಿಕೊಳ್ಳಿ.

ಹೆಡ್ರೆಸ್ಟ್ ಹೊಂದಿಸಿ: ಹೆಡ್‌ರೆಸ್ಟ್ ಅನ್ನು ಹೊಂದಿಸಿಕೊಳ್ಳುವುದು ಕೂಡ ತುಂಬಾ ಮುಖ್ಯ, ಧೀರ್ಘ ಪ್ರಯಾಣದ ವೇಳೆ ಕತ್ತಿಗೆ ತುಸು ಬೆಂಬಲ ಅವಶ್ಯಕವಾಗಿರುತ್ತದೆ. ಇನ್ನೂ ಮುಖ್ಯವಾಗಿ ಹೆಡ್‌ರೆಸ್ಟ್ ಮೇಲ್ಭಾಗವು ನಿಮ್ಮ ತಲೆಯ ಮೇಲ್ಭಾಗದ ಮಟ್ಟದಲ್ಲಿರುತ್ತದೆ. ಹಠಾತ್ ನಿಲುಗಡೆಗಳು ಅಥವಾ ಪರಿಣಾಮಗಳ ಸಂದರ್ಭದಲ್ಲಿ ಇದು ನಿಮ್ಮ ಕುತ್ತಿಗೆ ಮತ್ತು ತಲೆಗೆ ನಿರ್ಣಾಯಕ ಬೆಂಬಲವನ್ನು ಒದಗಿಸುತ್ತದೆ.

ಸಮಾಧಾನವಾಗಿ ಚಾಲನೆ ಮಾಡಿ: ನಿಮ್ಮ ದೇಹದ ಸ್ಥಾನದ ಬಗ್ಗೆ ತಿಳಿದಿರಲಿ ಮತ್ತು ಕುಗ್ಗುವಿಕೆ ಅಥವಾ ಆಯಾಸವನ್ನು ತಪ್ಪಿಸಲು ಅಗತ್ಯವಾದ ಹೊಂದಾಣಿಕೆಗಳನ್ನು ಮಾಡಿಕೊಳ್ಳಿ. ಟ್ರಾಫಿಕ್‌ನಲ್ಲಿ ಗೊಂದಲಕ್ಕೆ ಒಳಗಾಗಬಾರದು, ಯಾರ ಮೇಲೂ ಕೋಪ ತೋರಿಸಬಾರದು, ಸಮಾಧಾನವಾಗಿ ಚಾಲನೆ ಮಾಡುವುದು ತುಂಬಾ ಮುಖ್ಯ. ಅನಾವಶ್ಯಕ ಜಗಳಗಳಿಗೆ ತುತ್ತಾಗಬೇಡಿ, ಇದರಿಂದ ಯಾವುದೇ ಪ್ರಯೋಜನವಿಲ್ಲ ಎಂಬುದನ್ನು ಮರೆಯದಿರಿ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮತ್ತು ಶೇರ್ ಮಾಡಲ್ಯ್ ಮರೆಯದಿರಿ.