ಅಂತಾರಾಷ್ಟ್ರೀಯ ಚಾಲನಾ ಪರವಾನಿಗೆ ಪಡೆಯೋದು ಹೇಗೆ?

* ಕಮರ್ಷಿಯಲ್ ಮೋಟರ್ ವೆಹಿಕಲ್ 4-ಎ ಅಪ್ಲಿಕೇಷನ್ ಪಡೆಯಬೇಕು. ಇದನ್ನು ಹತ್ತಿರದ ಆರ್ ಟಿಒ ಕಚೇರಿಯಿಂದ ಪಡೆದುಕೊಳ್ಳಬಹುದು ಅಥವಾ ವೆಬ್ ಸೈಟಿನಿಂದ ಡೌನ್ ಲೋಡ್ ಮಾಡಿಕೊಳ್ಳಬಹುದು.

* ಐಡಿಪಿ ಅಥವಾ ಇಂಟರ್ ನ್ಯಾಷನಲ್ ಡ್ರೈವಿಂಗ್ ಪರ್ಮಿಟ್ ಶುಲ್ಕ 500 ರುಪಾಯಿ ಪಾವತಿಸಬಹುದು.( ಆರ್ ಟಿಒ ಕ್ಯಾಷ್ ಕೌಂಟರಿನಲ್ಲಿ ಪಾವತಿಸಬಹುದು).

* ಒರಿಜಿನಲ್ ಡ್ರೈವಿಂಗ್ ಲೈಸನ್ಸ್, ಪಾಸ್ ಪೋರ್ಟ್, ವಿಸಾ, ಏರ್ ಟಿಕೇಟ್. ಇವೆಲ್ಲದರ ಒಂದು ನೆರಳಚ್ಚು ಪ್ರತಿ ಜೊತೆಗಿರಲಿ.

* ಅಪ್ಲಿಕೇಷನ್ ಜೊತೆಗೆ ಸಿಎಂವಿ 1 ಮತ್ತು ಸಿಎಂವಿ1ಎ ಫಾರ್ಮ್ ನಲ್ಲಿ ಮೆಡಿಕಲ್ ಸರ್ಟಿಫಿಕೆಟ್ ನೀಡಬೇಕು.

* ಪಾಸ್ ಪೋರ್ಟ್ ಗಾತ್ರದ ಇತ್ತೀಚಿನ ಮೂರು ಭಾವಚಿತ್ರಗಳು

* ಅಂತಾರಾಷ್ಟ್ರೀಯ ಡ್ರೈವಿಂಗ್ ಪರ್ಮಿಟ್ ಪಡೆಯುವ ವ್ಯಕ್ತಿಯೇ ಆರ್ ಟಿಒನಲ್ಲಿ ಹಾಜರಿರಬೇಕು.

* ಅರ್ಜಿ ಸಲ್ಲಿಸುವ ವ್ಯಕ್ತಿ ಭಾರತೀಯ ಪ್ರಜೆಯಾಗಿರಬೇಕು.

* ಡ್ರೈವಿಂಗ್ ಲೈಸನ್ಸ್ ಪಡೆದು ಮೂರುತಿಂಗಳೊಳಗಾಗಿದ್ದರೆ ಅರ್ಜಿದಾರನು ಮತ್ತೊಮ್ಮೆ ಡ್ರೈವಿಂಗ್ ಟೆಸ್ಟ್ ಮಾಡಿಸಿಕೊಳ್ಳಬೇಕು.

* ನಿಮ್ಮ ವಾಸಸ್ಥಳದ ವ್ಯಾಪ್ತಿಯ(ಡಿಎಲ್ ನೀಡಿದ ವಿಳಾಸ)ಲ್ಲಿನ ಆರ್ ಟಿಒ ಕಚೇರಿಯಲ್ಲಿ ಅಂತಾರಾಷ್ಟ್ರೀಯ ಡ್ರೈವಿಂಗ್ ಲೈಸನ್ಸಿಗೆ ಅರ್ಜಿ ಸಲ್ಲಿಸಬೇಕು.

* ಅಂತಾರಾಷ್ಟ್ರೀಯ ಡ್ರೈವಿಂಗ್ ಲೈಸನ್ಸ್ ವ್ಯಾಲಿಡಿಟಿ ಒಂದು ವರ್ಷ.

ವಿಶೇಷ ಸೂಚನೆ: ಡ್ರೈವಿಂಗ್ ಲೈಸನ್ಸ್ ಬೇರೆ ರಾಜ್ಯ ಅಥವಾ ಪ್ರದೇಶಗಳಲ್ಲಿ ಪಡೆದಿದ್ದರೆ ಅರ್ಜಿದಾರನು ವಿಳಾಸ ಬದಲಾವಣೆ ಅರ್ಜಿ ಸಲ್ಲಿಸಬೇಕು. ಉದಾಹರಣೆಗೆ ಕರ್ನಾಟಕ ರಾಜ್ಯದೊಳಗೆ ವಿಳಾಸ ಬದಲಾಯಿಸಲು ತೆಗೆದುಕೊಳ್ಳುವ ಸಮಯ ಮೂರು ದಿನವಾಗಿದೆ. ಬೇರೆ ರಾಜ್ಯಗಳಿಗೆ ವಿಳಾಸ ಬದಲಾಯಿಸಲು ಸುಮಾರು 21 ದಿನ ಬೇಕಾಗುತ್ತದೆ. ಹೀಗಾಗಿ ಅರ್ಜಿದಾರನು ವಿದೇಶ ಪ್ರಯಾಣಕ್ಕೆ ಮುಂಚಿತವಾಗಿ ಸಮಯವನ್ನು ಪರಿಗಣಿಸಬೇಕು. ವಿಳಾಸ ಬದಲಾವಣೆ ಇತ್ಯಾದಿ ಸಮಸ್ಯೆಗಳಿರುವಾಗ ವಿದೇಶ ಪ್ರಯಾಣಕ್ಕೆ ಒಂದೆರಡು ದಿನವಿರುವಾಗ ಬಂದು ಅವಸರದಿಂದ ಅಂತಾರಾಷ್ಟ್ರೀಯ ಡ್ರೈವಿಂಗ್ ಲೈಸನ್ಸ್ ಪಡೆಯಲು ಸಾಧ್ಯವಿಲ್ಲ. (ಆಧಾರ: ಕರ್ನಾಟಕ ಆರ್ ಟಿಒ)

ದಿನಕ್ಕೊಂದು ಸಲಹೆ