ಎಚ್ಚರ; ಇಂಥ ಸಹ ಪ್ರಯಾಣಿಕರು ಅವಘಡಕ್ಕೆ ಕಾರಣವಾಗಬಲ್ಲರು!

ಪ್ರಯಾಣದ ನಡುವೆ ನಿದ್ರೆಗೆ ಜಾರುವ ಸಹ ಪ್ರಯಾಣಿಕ

ಇಂತಹ ಹಲವು ಪ್ರಸಂಗಗಳನ್ನು ನೀವು ಕಣ್ಣಾರೆ ನೋಡಿರಬಹುದು ಅಥವಾ ಅನುಭವಕ್ಕೆ ಬಂದಿರಬಹುದು. ಚಾಲಕನ ಬಳಿ ಕುಳಿತುಕೊಳ್ಳುವ ಸಹ ಪ್ರಯಾಣಿಕರು ಕಾರು ಸಂಚರಿಸುತ್ತಿರುವಂತೆಯೇ ನಿದ್ರಾ ದೇವಿಗೆ ಶರಣಾಗುತ್ತಾನೆ. ಇದು ಚಾಲಕನ ಮೇಲೆ ಕೆಟ್ಟ ಪರಿಣಾಮ ಬೀರುವ ಸಾಧ್ಯತೆಯಿದ್ದು, ಚಾಲಕ ನಿದ್ರೆಯ ಅಮಲಿಗೆ ಜಾರುವ ಸಾಧ್ಯತೆಯಿದೆ. ಇದರಿಂದ ಅಪಾಯ ಸೃಷ್ಟಿಯಾಗುವ ಸಾಧ್ಯತೆಗಳೇ ಹೆಚ್ಚಾಗಿದ್ದು, ಈ ಬಗ್ಗೆ ಚಾಲಕ ಎಚ್ಚರದಿಂದಿರಬೇಕಾಗಿರುವುದು ಅತಿ ಅಗತ್ಯ.

ಚಾಲಕನ ಗಮನ ಬೇರೆಡೆಗೆ ಸೆಳೆಯುವ ಯತ್ನ

ಇನ್ನು ಕೆಲವು ಬಾರಿ ನೋಡು ನೋಡುತ್ತಿರುವಂತೆ ಕಾರಿನಲ್ಲಿ ಸಂಚರಿಸುವ ವೇಳೆಯಲ್ಲಿ ನಿಮ್ಮ ಬಳಿ ಕುಳಿತುಕೊಳ್ಳುವ ಸಹ ಪ್ರಮಾಣಿಕ ನಿಮ್ಮ ಗಮನವನ್ನು ಬೇರೆಡೆಗೆ ಸೆಳೆಯಲು ಪ್ರಯತ್ನಿಸುತ್ತಾನೆ. ಮಾರ್ಗದ ಬದಿಗಳಲ್ಲಿರುವ ದೃಶ್ಯದ ಬಗ್ಗೆ ವರ್ಣಿಸುತ್ತ ನಿಮ್ಮನ್ನು ತೊಂದರೆ ಕೊಡುತ್ತಾರೆ. ಉದ್ದೇಶಪೂರ್ವಕವಾಗಿ ಇಂತಹ ಕೆಲಸ ಮಾಡುತ್ತಿಲ್ಲವಾದರೂ ಇಂತಹ ವರ್ತನೆಗಳು ಚಾಲಕನ ಸೇಫ್ ಡ್ರೈವಿಂಗ್‌ಗೆ ಅಡ್ಡಿ ತರಬಲ್ಲದ್ದು.

ಕಾಮೆಂಟ್ ಕೊಡುತ್ತಿರುವ ಸಹ ಪ್ರಯಾಣಿಕ

ಇಂತಹ ಸಹ ಪ್ರಯಾಣಿಕರನ್ನು ಕರದೊಯ್ದುವುದು ಬಹಳ ಡೇಜಂರ್! ಅಚಾನಕ್ ಆಗಿ ಬರುವ ತಿರುವುಗಳು ಅಥವಾ ಸಡನ್ ಬ್ರೇಕ್ ಸನ್ನಿವೇಶಗಳಲ್ಲಿ ಇಂಥ ಪ್ರಯಾಣಿಕರು ನಕರಾತ್ಮಕ ರೀತಿಯಲ್ಲಿ ಕಾಮೆಂಟ್‌ ಕೊಡುತ್ತಾರೆ. ಇದರಿಂದ ಚಾಲಕನಲ್ಲಿ ಭಯ ಹುಟ್ಟಿಕೊಳ್ಳುವ ಸಾಧ್ಯತೆಯಿದೆ. ಡ್ರೈವಿಂಗ್ ಸಂದರ್ಭದಲ್ಲಿ ಇಂಥ ಪ್ರಯಾಣಿಕರನ್ನು ದೂರವಿಡುವುದು ಒಳಿತು.

ಕೀಟಲೆ ಮಾಡುವ ಸಹ ಪ್ರಯಾಣಿಕ

ಇನ್ನು ಕೆಲವರಂತೂ ಕಾರಿನ ಎದುರುಗಡೆ ಕುಳಿತುಕೊಂಡು ಸ್ಟೀರಿಯೊ ಆನ್ ಮಾಡುವುದು, ವೊಲ್ಯಮ್ ಹೆಚ್ಚು ಕಡಿಮೆ ಇತ್ಯಾದಿ ಕೀಟಲೆ ಪ್ರಕ್ರಿಯೆಗಳನ್ನು ಮಾಡುತ್ತಿರುತ್ತಾರೆ. ಇದರಿಂದ ಚಾಲಕನ ಮೇಲೆ ಅಡ್ಡ ಪರಿಣಾಮ ಬೀರುವ ಸಾಧ್ಯತೆಯಿದ್ದು, ಭಾರಿ ಅಪಘಾತಗಳಿಗೆ ಎಡೆಮಾಡಿಕೊಡುವ ಸಾಧ್ಯತೆಯಿದೆ.

ಅನಗತ್ಯ ಶಬ್ದ ಮಾಡುವ ಯಾತ್ರಿಕರು

ಇನ್ನು ಕೆಲವರು ಹಿಂದುಗಡೆ ಸೀಟ್‌ನಲ್ಲಿ ಕುಳಿತುಕೊಂಡರೂ ಸಹ ಅನಗತ್ಯ ಶಬ್ಧಗಳನ್ನು ಮಾಡುತ್ತಿರುತ್ತಾರೆ. ಕಾರಿನಲ್ಲಿ ಸ್ಟಿರಿಯೊ ರನ್ನಿಂಗ್ ಇದ್ದರೂ ಅವರು ಜೋರಾಗಿ ಹಾಡುಗಳನ್ನು ಹಾಡುತ್ತಿರುತ್ತಾರೆ. ಅಷ್ಟೇ ಅಲ್ಲದೆ ಹಿಂದೆ ಕುಳಿತುಕೊಂಡು ಚಾಲಕನ ಬಗ್ಗೆ ಕಾಮೆಂಟ್ ಮಾಡುತ್ತಿರುತ್ತಾರೆ. ನೀನಗೇನು ಕಾರು ನಿಧಾನವಾಗಿ ಡ್ರೈವ್ ಮಾಡಲು ಗೊತ್ತಿಲ್ಲವೇ ಎಂದು ಕೇಳುತ್ತಾರೆ. ಇದರಿಂದ ಚಾಲಕನ ಗಮನ ವಿಚಲಿತವಾಗುವ ಸಾಧ್ಯತೆಯಿದೆ.

ಇಂಥ ಯಾತ್ರಿಕರಿಂದ ದೂರವಿರಿ

ಕಾರು ಪಯಣದ ಸಂದರ್ಭದಲ್ಲಿ ಇಂಥ ಪ್ರಯಾಣಿಕರಿಂದ ದೂರವಿರುವುದು ಒಳಿತು. ಈ ಮೂಲಕ ಅಚಾನಕ್ ದುರ್ಘಟನೆಯನ್ನು ತಪ್ಪಿಸಲು ಡ್ರೈವ್ ಸ್ಪಾರ್ಕ್ ಕೊಟ್ಟಿರುವ ಮೇಲಿನ ಸಲಹೆಗಳನ್ನು ಗಂಭೀರವಾಗಿ ಪರಿಗಣಿಸಿ.