ಹೆಣ್ಮಕ್ಕಳಿಗಾಗಿ, ಡ್ರೈವಿಂಗ್ ಸಂದರ್ಭದಲ್ಲಿ ಕೇಶ ರಕ್ಷಣೆ!

ಇಂದಿನ ಈ ಯಾಂತ್ರಿಕ ಯುಗದಲ್ಲಿ ಪ್ರತಿಯೊಬ್ಬ ಮಹಿಳೆಯೂ ಸ್ವಾವಲಂಬನೆಯ ಜೀವನ ನಡೆಸುತ್ತಿದ್ದಾರೆ. ಹಾಗಿರುವಾಗ ತಮ್ಮ ಆರೋಗ್ಯದ ಬಗ್ಗೆ ಗಮನ ಹರಿಸುವಷ್ಟೇ ಸಮಯ ಕಂಡುಕೊಳ್ಳುವುದು ಕಷ್ಟಕರ. ಹಾಗಿದ್ದರೂ ನಾವಿಲ್ಲಿ ಸೂಚಿಸುವ ಕೆಲವೊಂದು ಪದ್ಧತಿಗಳನ್ನು ಅನುಸರಿಸಿದ್ದಲ್ಲಿ ಹೆಲ್ಮೆಟ್‌ನಿಂದಾಗಿ ಕೂದಲುದುರುವಿಕೆ ಪ್ರಸಂಗವನ್ನು ತಡೆಗಟ್ಟಬಹುದು.

ಗಾಳಿಯನ್ನು ತಡೆಯುತ್ತದೆ

ಯುವ ಸಮೂಹಕ್ಕೆ ಹೆಲ್ಮೆಟ್ ಹೆಸರು ಕೇಳಿದಾಗಲೇ ಮನಸ್ಸಿಗೆ ಕಿರಿಕಿರಿಯುಂಟಾಗುತ್ತದೆ. ಅಂತವರಿಗೆ ಹೆಲ್ಮೆಟ್ ಧರಿಸಿದರೆ ಕೂದಲುದುರುವ ಸಂಭವ ಹೆಚ್ಚೆಂಬ ಮಾನಸಿಕ ಭಯ ಕಾಡುತ್ತಿರುತ್ತದೆ. ಹೆಲ್ಮೆಟ್ ಕೇವಲ ಪ್ರಾಣ ರಕ್ಷಕ ಮಾತ್ರ ಅಂದುಕೊಂಡಿದ್ದರೆ ತಪ್ಪಾದಿತ್ತು. ಯಾಕೆಂದರೆ ಇದು ನಿಮ್ಮ ಸವಾರಿ ವೇಳೆ ಜೋರಾಗಿ ಬೀಸುವ ಗಾಳಿಯು ನಿಮ್ಮ ಕೂದಲಿಗೆ ಬಡಿಯದಂತೆ ತಡೆಯುತ್ತದೆ.

ಗುಣಮಟ್ಟದ ಹೆಲ್ಮೆಟ್ ಧರಿಸಿ

ಮಾರುಕಟ್ಟೆಯಲ್ಲಿ ಅನೇಕ ವಿಧದ ವರ್ಣ ವರ್ಣೀಯ ಹೆಲ್ಮೆಟ್‌ಗಳು ಲಭ್ಯವಿರುತ್ತದೆ. ಹಾಗಾಗಿ ಕಡಿಮೆ ವೆಚ್ಚದ ಹೆಲ್ಮೆಟ್‌ಗೆ ಮೊರೆ ಹೋಗದೆ ಸ್ವಲ್ಪ ಖರ್ಚಾದರೂ ಪರವಾಗಿಲ್ಲ ಗುಣಮಟ್ಟದ ಹೆಲ್ಮೆಟ್ ಧರಿಸಲು ಪ್ರಯತ್ನಿಸಿ...

ನಿರಂತರ ಅಂತರಾಳದಲ್ಲಿ ಸ್ವಚ್ಛತೆ ಕಾಪಾಡಿ

ಹಾಗೆಯೇ ನಿಮ್ಮ ಪಯಣದ ಬಳಿಕ ನಿರಂತರ ಅಂತರಾಳದಲ್ಲಿ ಶಿರಸ್ತ್ರಾಣದ ಸ್ವಚ್ಛತೆ ಕಾಪಾಡುವುದು ಅಷ್ಟೇ ಮುಖ್ಯ. ಹೆಲ್ಮೆಟ್ ಒಳಗೆ ಗಾಳಿ ಪ್ರವೇಶಿಸಲು ಸಾಧ್ಯವಾಗದೆ ಬೆವರು ತುಂಬಿಕೊಳ್ಳುವ ಸಾಧ್ಯತೆಯಿದೆ. ಇದು ಕೂದಲನ್ನು ನಿಶ್ಯಕ್ತಿಗೊಳಿಸುವ ಸಾಧ್ಯತೆ ಹೆಚ್ಚಾಗಿದೆ. ಹಾಗಾಗಿ ಹೆಲ್ಮೆಟ್ ಸ್ವಚ್ಛತೆಗೆ ಆದ್ಯತೆ ಕೊಡಿ.

ಉದ್ದವಾದ ಕೂದಲನ್ನು ಬಾಚಲು ಮರೆಯದಿರಿ...

ಕೂದಲು ಚೆನ್ನಾಗಿ ಕಾಣಿಸಬೇಕಾದ್ದಲ್ಲಿ ಬಾಚುವ ಕಲೆಯನ್ನು ಕರಗತಮಾಡಿಕೊಳ್ಳಬೇಕು. ಹೆಲ್ಮೆಟ್ ವಿಚಾರದಲ್ಲೂ ಇದು ಅನ್ವಯಿಸುತ್ತದೆ. ಉದ್ದವಾದ ಕೂದಲಿಗೆ ಹೇರ್ ಒಯಿಲ್ ಹಚ್ಚಿ ಹಾಗೆಯೇ ಬಿಟ್ಟುಬಿಡುವುದರಿಂದ ಸವಾರಿ ಸಂದರ್ಭದಲ್ಲಿ ಧೂಳಿನ ಕಣಗಳು ಆವರಿಸುವ ಸಾಧ್ಯತೆಯಿದೆ. ಇದರಿಂದ ನಿಮ್ಮ ಕೂದಲು ಆಕರ್ಷಣೆಯನ್ನು ಕಳೆದುಕೊಳ್ಳಲಿದೆ.

ಸ್ಕಾರ್ಫ್ ಪ್ರಯೋಗ

ಅದೇ ರೀತಿ ತಲೆಗೆ ಸ್ಕಾರ್ಫ್ ಹಾಗೂ ಕರವಸ್ತ್ರಗಳನ್ನು ಆಳವಡಿಸುವ ಮೂಲಕವೂ ಪಯಣದ ವೇಳೆ ಕೂದಲನ್ನು ಭದ್ರವಾಗಿ ಹಿಡಿದಿಟ್ಟುಕೊಳ್ಳಬಹುದು. ಇದು ನಿಮ್ಮ ಅಂದತೆಯನ್ನು ಹೆಚ್ಚಿಸಲಿದೆ.

ಬಾಚಣಿಗೆ ಜತೆಗಿರಲಿ...

ಈ ಬಗ್ಗೆ ಪ್ರತ್ಯೇಕವಾಗಿ ಉಲ್ಲೇಖಿಸುವ ಅಗತ್ಯವಿಲ್ಲ. ಯಾಕೆಂದರೆ ಮಹಿಳೆಯರು ಸಾಮಾನ್ಯವಾಗಿ ತಮ್ಮ ಜತೆ ಮೆಕಪ್ ಬಾಕ್ಸ್ ಕೊಂಡೊಯ್ಯುತ್ತಾರೆ. ಹಾಗಾಗಿ ಸವಾರಿ ಬಳಿಕ ಕೂದಲನ್ನು ನಯವಾಗಿ ಬಾಚಲು ಮರೆಯದಿರಿ. ಇದರಿಂದ ಧೂಳಿಕ ಕಣ ಅಂಟಿಕೊಂಡಿದ್ದರೆ ನಿವಾರಿಸಬಹುದು.

ಕಡಿಮೆ ತೂಕದ ಹೆಲ್ಮೆಟ್

ಇನ್ನು ಕಡಿಮೆ ತೂಕದ ಹೆಲ್ಮೆಟ್ ಧರಿಸಿದರೆ ನಿಮ್ಮ ಪ್ರಯಾಣವು ಆರಾಮದಾಯಕವಾಗಿರಲಿದೆ. ಇದು ನಿಮಗುಂಟಾಗುವ ಕಿರಿಕಿರಿಯನ್ನು ತಪ್ಪಿಸಲಿದೆ.

ಒಟ್ಟಿನಲ್ಲಿ ಕೂದಲುದರುವಿಕೆಗೆ ಹೆಲ್ಮೆಟ್ ಪರೋಕ್ಷ ಕಾರಣವಾಗಿದ್ದರೂ ಜೀವರಕ್ಷಣೆಗೆ ಅತಿಮುಖ್ಯ ಎಂಬುದನ್ನು ಮರೆಯದಿರಿ. ಮೇಲೆ ಹೇಳಿದ ಎಲ್ಲ ಸಲಹೆಗಳನ್ನು ಪಾಲಿಸುವ ಮೂಲಕ ಪಯಣ ಸಂದರ್ಭದಲ್ಲೂ ನಿಮ್ಮ ಕೂದಲಿನ ಆರೋಗ್ಯವನ್ನು ಕಾಪಾಡಿಕೊಳ್ಳಬಹುದು.