ನಿಮ್ಮ ಕಾರಲ್ಲಿರುವ 'ಬ್ಲೈಂಡ್ ಸ್ಪಾಟ್' ಕನ್ನಡಿಗಳು ಅಸುರಕ್ಷಿತ ಏಕೆ?

01. ಗೊಂದಲ ಸೃಷ್ಟಿ ಮಾಡು

ಮೊದ ಮೊದಲು ಕನ್ವೆಕ್ಸ್ ಮಿರರ್ ಬಳಕೆ ಮಾಡುವ ಚಾಲಕರಲ್ಲಿ ಹೆಚ್ಚಿನ ಗೊಂದಲತೆ ಸೃಷ್ಟಿ ಮಾಡುವ ಸಾಧ್ಯತೆಯಿದೆ. ಯಾಕೆಂದರೆ ಹಿಂಬದಿಯ ದೃಶ್ಯಗಳು ಎರಡೆರಡು ಕಡೆ ಗಾಜಿನಲ್ಲಿ ಕಾಣಿಸುವುದರಿಂದ ಚಾಲಕರು ಗಲಿಬಿಲಿಗೊಳಗಾಗುವ ಸಾಧ್ಯತೆಯಿದೆ. ಹಾಗಾಗಿ ಇದರ ನಿಖರ ಬಳಕೆಗಾಗಿ ಅಭ್ಯಾಸದ ಅಗತ್ಯವೂ ಇರುತ್ತದೆ.

02. ಕನ್ನಡಿಯ ಅಂಚಿನಲ್ಲಿ ಪ್ರತಿಬಿಂಬ

ಕನ್ನಡಿಯ ಅಂಚಿನಲ್ಲಿ ಪ್ರತಿಬಿಂಬ ಲಗ್ಗತ್ತಿಸಿರುವುದರಿಂದ ಅದರತ್ತ ಚಾಲಕರು ದಿಟ್ಟಿಸಿ ನೋಡುವ ಅವಶ್ಯಕತೆಯಿರುತ್ತದೆ. ಇದು ಚಾಲನೆ ವೇಳೆ ಏಕಾಗ್ರತೆಗೆ ಭಂಗವನ್ನುಂಟು ಮಾಡುವ ಭೀತಿಯಿದೆ.

03. ಪ್ರತಿಬಿಂಬಕ್ಕೆ ನಿರ್ಬಂಧ

ಮಾರುಕಟ್ಟೆಯಲ್ಲಿ ದೊರಕುವ ಬ್ಲೈಂಡ್ ಸ್ಪಾಟ್ ಮಿರರ್ ಗಳಲ್ಲಿ ಕಂಡುಬಂದಿರುವ ಮಗದೊಂದು ಸಮಸ್ಯೆ ಏನೆಂದರೆ ಇದು ಕಾರಿನ ಹೊರಗಡೆ ಆಳವಡಿಸಲಾಗಿರುವ ಗಾಜಿನ ನೈಜ ವಿನ್ಯಾಸದ ಮೇಲೆ ನೇರ ಪರಿಣಾಮ ಬೀರಲಿದ್ದು, ಕನ್ನಡಿಯ ಅಂಚಿನ ಅಮೂಲ್ಯ ಪ್ರತಿಬಿಂಬವನ್ನು ತಡೆಯಲಿದೆ.

04. ಬೆಳಕಿನಿಂದಲೇ ಕುರುಡು

ಆಧುನಿಕ ಸೈಡ್ ವ್ಯೂ ಮಿರರ್ ಗಳಲ್ಲಿ ಬೆಳಕು ಪ್ರತಿಫಲಿಸುವುದನ್ನು ತಡೆಯುವ ಶಕ್ತಿಯಿರುತ್ತದೆ. ಇನ್ನೊಂದೆಡೆ ಬ್ಲೈಂಡ್ ಸ್ಪಾಟ್ ಮಿರರ್ ಗಳಲ್ಲಿ, ಪ್ರಜ್ವಲಿಸುವ ಬೆಳಕನ್ನು ಹೀರಿಕೊಳ್ಳುವ ವ್ಯವಸ್ಥೆಯಿರುವುದಿಲ್ಲ. ಇದರಿಂದ ಚಾಲಕರಿಗೆ ನೆರವಾಗುವ ಬದಲು ರಾತ್ರಿ ಪಯಣಗಳಲ್ಲಿ ಹೆಚ್ಚಿನ ಸಮಸ್ಯೆ ಸೃಷ್ಟಿ ಮಾಡಲಿದೆ.

05. ಅಂಟಿಸುವುದು ಹಾನಿಕಾರಕ, ತೆಗೆಯುವುದು ಕಷ್ಟ

ಔಟ್ ಸೈಡ್ ರಿಯರ್ ವ್ಯೂ ಮಿರರ್ ಮೇಲೆ ಬ್ಲೈಂಡ್ ಸ್ಪಾಟ್ ಕನ್ನಡಿಗಳನ್ನು ಅಂಟಿಸುವುದರಿಂದ ನೈಜ ಗಾಜಿನ ವಿನ್ಯಾಸಕ್ಕೆ ಹಾನಿಯಾಗುವ ಸಾಧ್ಯತೆಯಿದೆ. ಮತ್ತೆ ಇನ್ನು ಬೇಡವೆನಿಸಿದಾಗ ಇದನ್ನು ತೆಗೆದು ಹಾಕುವುದು ಮತ್ತಷ್ಟು ಕಷ್ಟಕರವಾಗಲಿದೆ.

06. ಆಕರ್ಷಕವಲ್ಲದ ನೋಟ

ಇದು ಅಷ್ಟೊಂದು ದೊಡ್ಡ ಸಮಸ್ಯೆಯಿಲ್ಲದಿದ್ದರೂ ಕಾರಿನ ನೈಜ ಸೌಂದರ್ಯವನ್ನು ಕೆಡಿಸುತ್ತದೆ ಎಂಬುದು ನಮ್ಮ ಅಭಿಮತವಾಗಿದೆ. ಈ ಬಗ್ಗೆ ನಿಮ್ಮ ಅನಿಸಿಕೆಗಳೇನು? ಕಾಮೆಂಟಿಸಿ.

ಅಂತಿಮ ತೀರ್ಪು

ಒಟ್ಟಾರೆಯಾಗಿ ಕಾಗದದ ಮೇಲೆ ಬ್ಲೈಂಡ್ ಸ್ಪಾಟ್ ಮಿರರ್ ಗಳು ಅನೇಕ ಭರವಸೆಗಳನ್ನು ಕೊಡಬಹುದು. ಆದರೆ ನೈಜ ರಸ್ತೆ ಪರಿಸ್ಥಿತಿಯಲ್ಲಿ ಹೆದ್ದಾರಿ ಹಾಗೂ ನಗರದಲ್ಲಿ ನಿಮ್ಮ ಸುರಕ್ಷಿತ ಚಾಲನೆಗೆ ಹಾನಿಕರವಾಗುವ ಭೀತಿಯಿದೆ. ಅಲ್ಲದೆ ಭಾರತದಂತಹ ರಸ್ತೆ ಪರಿಸ್ಥಿತಿಯಲ್ಲಿ ಇದನ್ನು ಆಳವಡಿಸುವ ಮೊದಲು ಎರಡೆರಡು ಬಾರಿ ಯೋಚಿಸಿದರೆ ಒಳಿತು.

ಲಾಂಛನ ಹಂಚಿಕೆ ಲಾಭವೇನು ನಷ್ಟಗಳೇನು ?