ಈಗಲೂ ಅಸ್ತಿತ್ವವನ್ನು ಉಳಿಸಿಕೊಂಡಿರುವ ವಿಶ್ವದ ಏಕೈಕ 'ಘೋಸ್ಟ್ ಕಾರು'

1939ನೇ ಇಸವಿಯಲ್ಲಿ ಅಮೆರಿಕದ ಪ್ರಖ್ಯಾತ ಜನರಲ್ ಮೋಟಾರ್ಸ್ ಮತ್ತು ಕೆಮಿಕಲ್ ಕಂಪನಿ ರೋಹ್ಮ್ ಮತ್ತು ಹಾಸ್ ಜಂಟಿಯಾಗಿ 25,000 ಅಮೆರಿಕನ್ ಡಾಲರ್ ಬೆಲೆ ಬಾಳುವ ಘೋಸ್ಟ್ ಕಾರನ್ನು ನಿರ್ಮಿಸಿತ್ತು.

1930-40ರ ದಶಕದಲ್ಲಿ ಭವಿಷ್ಯದ ಕಾರೆಂಬ ಹೆಗ್ಗಳಿಕೆಯೊಂದಿಗೆ ಎಂಟ್ರಿ ಕೊಟ್ಟಿರುವ ಘೋಸ್ಟ್ ಕಾರು ಮೊದಲ ಪಾರದರ್ಶಕ ಕಾರೆಂಬ ವಿಶಿಷ್ಟತೆಯನ್ನು ಕಾಪಾಡಿಕೊಂಡಿದೆ.

ಘೋಸ್ಟ್ ಕಾರಿನ ಎರಡು ಮಾದರಿಗಳನ್ನಷ್ಟೇ ನಿರ್ಮಿಸಲಾಗಿತ್ತು. ಈ ಪೈಕಿ ಪಾಂಟಿಯಾಕ್ ಡಿಲಕ್ಸ್ ಸಿಕ್ಸ್ ಮಾತ್ರ ತನ್ನ ಅಸ್ತಿತ್ವವನ್ನು ಉಳಿಸಿಕೊಂಡಿದೆ.

ಮೂರು ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್ ನಿಂದ ನಿಯಂತ್ರಿಸಲ್ಪಡುವ ಘೋಸ್ಟ್ ಕಾರಿನಲ್ಲಿ ಆರು ಸಿಲಿಂಡರ್ ಎಂಜಿನ್ ಆಳವಡಿಸಲಾಗಿದೆ.

75 ವರ್ಷಗಳ ಬಳಿಕವೂ ಕಾರು ಅತ್ಯುತ್ತಮ ನಿರ್ವಹಣಾ ಮಟ್ಟವನ್ನು ಕಾಪಾಡಿಕೊಂಡಿರುವುದು ಎಲ್ಲರಲ್ಲೂ ಅಚ್ಚರಿ ಮೂಡಿಸಿದೆ.

ಎರಡನೇ ಮಹಾಯುದ್ಧದಲ್ಲಿ ಮಿಲಿಟರಿ ವಿಮಾನಗಳಲ್ಲಿ ಬಳಕೆ ಮಾಡಲಾಗುತ್ತಿದ್ದ ಪ್ಲೆಕ್ಸಿಗ್ಲಾಸ್ ಗಳನ್ನು ಘೋಸ್ಟ್ ಕಾರಿನಲ್ಲಿ ಜೋಡಣೆ ಮಾಡಲಾಗಿದೆ.

1939-40ರ ನ್ಯೂಯಾರ್ಕ್ ವರ್ಲ್ಡ್ ಫೇರ್‌ಗಾಗಿ ಘೋಸ್ಟ್ ಕಾರನ್ನು ನಿರ್ಮಿಸಲಾಗಿತ್ತು. ಆಗಿನಿಂದಲೇ ವಾಹನ ಪ್ರೇಮಿಗಳ ಪ್ರೀತಿಗೆ ಪಾತ್ರವಾಗಿತ್ತು.

ಕಾಯಿಲ್ ಸ್ಪ್ರಿಂಗ್ ಇಂಡಿಪೆಂಡೆಂಟ್ ಫ್ರಂಟ್ ಸಸ್ಪೆನ್ಷನ್, ಲೈವ್ ರಿಯರ್ ಆಕ್ಸಿಲ್ ಜೊತೆ ಸೆಮಿ ಎಳಿಪ್ಟಿಕ್ ಲೀಫ್ ಸ್ಪ್ರಿಂಗ್ ಮತ್ತು ಫೋರ್ ವೀಲ್ ಹೈಡ್ರಾಲಿಕ್ ಡ್ರಮ್ ಬ್ರೇಕ್ ಆಳವಡಿಸಲಾಗಿದೆ.

75 ವರ್ಷಗಳೇ ಕಳೆದರೂ ಕಾಲಚಕ್ರವನ್ನು ಸೂಚಿಸುವ ಗಡಿಯಾರವು ಈಗಲೂ ಘೋಸ್ಟ್ ಕಾರಿಗೆ ಮೆರಗು ತುಂಬುತ್ತಿದೆ.

ಅಂದಿನ ಕಾಲದಲ್ಲೇ ಕ್ರೋಮ್ ಸ್ಪರ್ಶಕ್ಕೆ ಹೆಚ್ಚಿನ ಆದ್ಯತೆ ಕೊಡಲಾಗಿತ್ತು ಎಂಬುದಕ್ಕೆ ಘೋಸ್ಟ್ ಕಾರಿನ ಒಳಮೈಯಲ್ಲಿರುವ ಸ್ಟೀರಿಂಗ್ ವೀಲ್ ಅಥವಾ ಇತರ ಘಟಕಗಳನ್ನು ಪರೀಶೀಲಿಸಿದಾಗ ತಿಳಿದು ಬರುತ್ತದೆ.

ಒಟ್ಟಾರೆಯಾಗಿ ವಾಹನ ಪ್ರೇಮಿಗಳ ಕುತೂಹಲಕ್ಕೆ ಕಾರಣವಾಗಿರುವ ಘೋಸ್ಟ್ ಕಾರು ತನ್ನ ಜೀವಿತಾವಧಿಯಲ್ಲಿ ಕೇವಲ 86 ಮೈಲುಗಳಷ್ಟು ದೂರ ಮಾತ್ರ ಸಂಚರಿಸಿದೆ.