ಹಾಡೊಂದಕ್ಕೆ ಕುಣಿದ ರಾಖಿ ಸಾವಂತ್‌ಗೆ ದುಬಾರಿ ಕಾರು ಗಿಫ್ಟ್: ಅದು ಕೂಡ ಸೆಕೆಂಡ್ ಹ್ಯಾಂಡ್

ಕಾರುಗಳ ಬಗ್ಗೆ ಕ್ರೇಜ್ ಅನ್ನೋದು ಯಾರಿಗೆ ಇರಲ್ಲ ಹೇಳಿ, ಅದರಲ್ಲೂ ಸಿನಿಮಾ ನಟ, ನಟಿಯರಿಗೆ ಮತ್ತು ಕ್ರಿಕೆಟಿಗರಿಗೆ ಈ ಕ್ರೇಜ್ ಸ್ವಲ್ಪ ಹೆಚ್ಚು ಇರುತ್ತದೆ. ತಾವು ಹೆಚ್ಚಾಗಿ ಐಷಾರಾಮಿ ಕಾರುಗಳಲ್ಲಿ ಓಡಾಡಲು ಇಷ್ಟ ಪಡುತ್ತಾರೆ. ಇದರಿಂದ ಮಾರುಕಟ್ಟೆಗೆ ಲಗ್ಗೆ ಇಡುವ ಹೊಸ ಐಷಾರಾಮಿ ಕಾರುಗಳನ್ನು ಖರೀದಿಸುವುದು ಸೆಲಬ್ರಿಟಿಗಳ ನಡುವೆ ಒಂದು ಟ್ರೆಂಡ್ ಆಗಿದೆ.

ಕೆಲವು ಸೆಲೆಬ್ರಿಟಿಗಳು ತಮ್ಮ ಬಳಕೆಗೆ ಬಳಿಸಿದರೆ, ಇನ್ನೂ ಕೆಲವು ಸೆಲೆಬ್ರಿಟಿಗಳು ಕ್ರೇಜ್ ಗಾಗಿ ಐಷಾರಾಮಿ ಕಾರುಗಳನ್ನು ಖರೀದಿಸುತ್ತಾರೆ. ಬಾಲಿವುಡ್ ನಟಿ ರಾಖಿ ಸಾವಂತ್ (Rakhi Sawant) ಇತ್ತೀಚೆಗೆ 14 ವರ್ಷದ ಬಿಎಂಡಬ್ಲ್ಯು ಎಕ್ಸ್6 ( BMW X6) ಎಸ್‌ಯುವಿಯನ್ನು ಪಡೆದುಕೊಂಡಿದ್ದಾರೆ. ಒಂದು ಹಾಡಿನ ಪಾವತಿಯಾಗಿ ಎಸ್‌ಯುವಿಯನ್ನು ಆಕೆ ಉಡುಗೊರೆಯಾಗಿ ಪಡೆದುಕೊಂಡಿದ್ದಾರೆ. ಇದರ ಕುರಿತು ಟಿವಿ ಮಸಾಲಾ ತಮ್ಮ ಯೂಟ್ಯೂಬ್ ಚಾನೆಲ್‌ನಲ್ಲಿ ಅಪ್‌ಲೋಡ್ ಮಾಡಿದ್ದಾರೆ.

ಬಿಳಿ ಬಣ್ಣದ ಬಿಎಂಡಬ್ಲ್ಯು ಎಕ್ಸ್6 ಐಷಾರಾಮಿ ಎಸ್‍ಯುವಿಯನ್ನು ತೋರಿಸುವ ಮೂಲಕ ವೀಡಿಯೊ ಪ್ರಾರಂಭವಾಗುತ್ತದೆ. ಈ ಬಿಳಿ ಎಸ್‍ಯುವಿ ಪ್ರಸ್ತುತ ದೆಹಲಿಯಲ್ಲಿ ನೋಂದಣಿಯಾಗಿದೆ. ನಾವು ಆನ್‌ಲೈನ್‌ನಲ್ಲಿ ನೋಂದಣಿಯನ್ನು ಪರಿಶೀಲಿಸಿದ್ದೇವೆ ಮತ್ತು ಕಾರು 14 ವರ್ಷ ಹಳೆಯದು ಮತ್ತು ದೆಹಲಿಯಿಂದ ಕರ್ನಾಟಕಕ್ಕೆ NOC ಅನ್ನು ನೋಂದಾಯಿಸಲಾಗಿದೆ. ಬಹುಶಃ ಮಾಲೀಕತ್ವದ ಬದಲಾವಣೆಗಾಗಿ.

ಫೋಟೋಗ್ರಾಫರ್‌ಗಳು ಮತ್ತು ವ್ಲಾಗರ್‌ಗಳು ಈ ಕಾರಿನ ಸುತ್ತಲೂ ಜಮಾಯಿಸಿದ್ದಾರೆ. ಈ ಎಸ್‍ಯುವಿಯ ಹಿಂದಿನ ಸೀಟಿನ ಡೋರ್ ತೆರೆಯುತ್ತದೆ ಮತ್ತು ರಾಖಿ ಸಾವಂತ್ ಹೆಜ್ಜೆ ಹಾಕಿದರು. ಇನ್ನು ಒಂದು ಕಟ್ಟಡದ ಒಳಗೆ ಪ್ರವೇಶಿಸುವ ಮುನ್ನ ಫೋಟೋಗ್ರಾಫರ್‌ಗಳೊಂದಿಗೆ ಪೋಸ್ ನೀಡಿದರು. ಇಲ್ಲಿ ಕಂಡುಬರುವ BMW X6 ಮೂಲತಃ ದೆಹಲಿಯಲ್ಲಿ ನೋಂದಾಯಿಸಲ್ಪಟ್ಟಿದೆ. ಇದು ಹೊಚ್ಚಹೊಸ ಕಾರು ಅಲ್ಲ, ನಿಮ್ಮಲ್ಲಿ ಹಲವರು ಈಗಾಗಲೇ ಗಮನಿಸಿರಬಹುದು.

ವರದಿಗಳ ಪ್ರಕಾರ, ರಾಖಿ ಅವರ ಕೆಲಸಕ್ಕೆ ಸಂಭಾವನೆಯಾಗಿ ಕಾರನ್ನು ಉಡುಗೊರೆಯಾಗಿ ನೀಡಲಾಗಿದೆ. ಇಲ್ಲಿ ಕಂಡುಬರುವ ಕಾರು ಡೀಸೆಲ್ BMW X6 ಎಸ್‍ಯುವಿ ಆಗಿದೆ. ಈ BMW X6 ಅತ್ಯಂತ ವಿಶಿಷ್ಟ ವಿನ್ಯಾಸದೊಂದಿಗೆ ಬಂದ ಎಸ್‍ಯುವಿಗಳಲ್ಲಿ ಒಂದಾಗಿದೆ. ಇದು ಬಹುಶಃ ಕೂಪ್ ತರಹದ ರೂಫ್ ರೈಲ್ ಹೊಂದಿರುವ ಏಕೈಕ ಎಸ್‍ಯುವಿ ಆಗಿತ್ತು. ಇದು ಒಂದು ದೊಡ್ಡ ಎಸ್‍ಯುವಿ ಮತ್ತು ಅದರ ವಿನ್ಯಾಸಕ್ಕಾಗಿ ಹಲವಾರು ಅಭಿಮಾನಿಗಳನ್ನು ಹೊಂದಿದೆ.

BMW X6 ಎಸ್‍ಯುವಿಯು ಎಂಜಿನ್ ಸ್ಪೆಕ್ಸ್‌ಗೆ ಬರುವುದಾದರೆ, ಇದು ಸುಮಾರು 232 Bhp ಉತ್ಪಾದಿಸುವ 3.0-ಲೀಟರ್ ಡೀಸೆಲ್ ಎಂಜಿನ್‌ನೊಂದಿಗೆ ಲಭ್ಯವಿತ್ತು. ಇದು BMW xDrive ಸಿಸ್ಟಂನೊಂದಿಗೆ ಬಂದಿದೆ. ಇದು ಒಂದು ಐಷಾರಾಮಿ ಎಸ್‍ಯುವಿ ಆಗಿತ್ತು, ಮತ್ತು 2009 ರಲ್ಲಿ, ಈ ಎಸ್‍ಯುವಿಯು ಡೀಸೆಲ್ ಆವೃತ್ತಿಯ ಬೆಲೆ ಸುಮಾರು ರೂ.76.68 ಲಕ್ಷ, ಎಕ್ಸ್ ಶೋ ರೂಂ ಆಗಿತ್ತು.

ಹೊಸ ಎಮಿಷನ್ ನಿಯಮಗಳು ಮತ್ತು ದೆಹಲಿ ಎನ್‌ಸಿಆರ್ ಪ್ರದೇಶದಲ್ಲಿ ಡೀಸೆಲ್ ವಾಹನಗಳಿಗೆ 10 ವರ್ಷಗಳ ನಿಯಮದಿಂದಾಗಿ, ಈ ರೀತಿಯ ಐಷಾರಾಮಿ ಕಾರುಗಳು ಸಾಮಾನ್ಯವಾಗಿ ಕೈಗೆಟುಕುವ ಬೆಲೆಯಲ್ಲಿ ಮಾರಾಟವಾಗುತ್ತವೆ. ಈ BMW X6 ಅನ್ನು ಉಡುಗೊರೆಯಾಗಿ ನೀಡಿದ ವ್ಯಕ್ತಿಯು ಅದನ್ನು ಕೈಗೆಟುಕುವ ಬೆಲೆಗೆ ಖರೀದಿಸಿರಬಹುದು. ಉತ್ತಮ ನಿರ್ವಹಣೆಯ ಐಷಾರಾಮಿ ಕಾರನ್ನು ಅದರ ಮೂಲ ಬೆಲೆಯ ಅರ್ಧಕ್ಕಿಂತ ಕಡಿಮೆ ಬೆಲೆಗೆ ಮಾರಾಟ ಮಾಡುವ ಉದಾಹರಣೆಗಳನ್ನು ನಾವು ನೋಡಿದ್ದೇವೆ.

ಈ ಸಂದರ್ಭದಲ್ಲಿ, ವ್ಯಕ್ತಿಯು ಈ ಕಾರನ್ನು ಯಾವಾಗ ಖರೀದಿಸಿದ್ದಾರೆ ಎಂದು ನಮಗೆ ಖಚಿತವಾಗಿಲ್ಲ. ಇದು ಇತ್ತೀಚೆಗೆ ಖರೀದಿಸಿದ ಕಾರು ಆಗಿದ್ದರೆ, ಮಾಲೀಕರು ಬಹಳ ಕಡಿಮೆ ಮೊತ್ತವನ್ನು ಪಾವತಿಸುತ್ತಿದ್ದರು. BMW X6 ಎಲೆಕ್ಟ್ರಾನಿಕ್ ಸೀಟ್‌ಗಳು, ಲೆದರ್ ಅಪ್ಹೋಲ್ಸ್ಟರಿ, ಮಲ್ಟಿ-ಝೋನ್ ಕ್ಲೈಮೇಟ್ ಕಂಟ್ರೋಲ್, ಕಂಪನಿ-ಫಿಟ್ ಮಾಡಿದ ಇನ್ಫೋಟೈನ್‌ಮೆಂಟ್ ಸಿಸ್ಟಮ್, ಮೆಮೊರಿ ಸೀಟ್‌ಗಳು ಮತ್ತು ಮುಂತಾದ ಹಲವಾರು ವೈಶಿಷ್ಟ್ಯಗಳನ್ನು ಹೊಂದಿವೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.