ಹಿಗ್ಗುವ ಕಾರು, ಕುಗ್ಗುವ ಕಾರು; ಇದೆಂಥ ಮಾಯೆ?

ಹಿಗ್ಗುವಂತಹ ದೇಹ ರಚನೆಯನ್ನು ಪಡೆದುಕೊಂಡಿರುವ ಅಪೆಂಡಿಕ್ಸ್ ಕಾನ್ಸೆಪ್ಟ್ ಕಾರಿನಲ್ಲಿ ಮೂರು ಸಾಲಿನ ಆಸನ ವ್ಯವಸ್ಥೆಯನ್ನು ಕೊಡಲಾಗಿದೆ. ಮಾಲಿಕರಿಗೆ ಇದು ಅಗತ್ಯವಿಲ್ಲದಿದ್ದಲ್ಲಿ ಎರಡು ಸಾಲುಗಳಾಗಿ ಕುಗ್ಗಿಸಬಹುದಾಗಿದೆ.

ವಾಹನ ಪ್ರೇಮಿಗಳಿಗೆ ಅರ್ಥವಾಗುವ ರೀತಿಯಲ್ಲಿ ಇದನ್ನು ಹಂಚಿಕೊಳ್ಳಲಾಗಿದೆ. ಇನ್ನು ಕೊನೆಯ ಸಾಲಿನಲ್ಲಿ ಮೇಲಕ್ಕೆ ತೆರೆಯಬಹುದಾದ ಬಾಗಿಲನ್ನು ಆಳವಡಿಸಲಾಗಿದೆ.

ಭವಿಷ್ಯತ್ತಿನ ಕಾರಿಗೆ ಪರಿಪೂರ್ಣ ಉದಾಹರಣೆಯಾಗಿರುವ ಅಪೆಂಡಿಕ್ಸ್, ವಿವಿಧ ವಿಭಾಗದ ಗ್ರಾಹಕರನ್ನು ಗುರಿಯಾಗಿರಿಸಿಕೊಂಡು ರಚಿಸಲಾಗಿದೆ. ಕೆಲವರು ಸಣ್ಣ ಕಾರನ್ನು ಇಷ್ಟಪಟ್ಟರೆ, ಫ್ಯಾಮಿಲಿ ಅಥವಾ ಕುಟಂಬ ಜೊತೆಗಿನ ಪಯಣದ ವೇಳೆ ದೊಡ್ಡ ಕಾರಿನ ಸೇವೆಯನ್ನು ಬಯಸುತ್ತಾರೆ.

ಹೀಗೆ ಕಾರು ಕೊಂಡುಕೊಂಡ ಬಳಿಕ ಬೇಸರಪಡುವ ಬದಲು ಇಂತಹದೊಂದು ಕಾರು ನಿಮ್ಮ ಬಳಿ ಸೇರಿದರೆ ನಿಮ್ಮ ಬಯಕೆಗೆ ಅನುಸಾರವಾಗಿ ಬಳಕೆ ಮಾಡಬಹುದಾಗಿದೆ.

ಇಷ್ಟೆಲ್ಲ ಆದರೂ ಇದರಲ್ಲಿ ಯಾವ ವಿಧದ ಸಸ್ಪೆನ್ಷನ್ ವ್ಯವಸ್ಥೆ ಆಳವಡಿಸಲಾಗಿದ್ದು, ಪ್ರಾಯೋಗಿಕವಾಗಿಯೂ ಇದರ ಯಶಸ್ಸು ಎಷ್ಟರ ಮಟ್ಟಿಗಿರಲಿದೆ ಎಂಬುದು ಬಹಳ ಆಸಕ್ತಿ ಕೆರಳಿಸಿದೆ.

ಏನೇ ಆದರೂ ಇದರ ಯಶಸ್ಸು ಅಥವಾ ವೈಫಲ್ಯ ಆಮೇಲಿನ ವಿಚಾರ. ಇಂತಹದೊಂದು ನಾವೀನ್ಯ ತಂತ್ರಗಾರಿಕೆಗೆ ಮೊರೆ ಹೋಗಿರುವ ಎಂಜಿನಿಯರ್ ಗಳ ಪ್ರಯತ್ನವನ್ನು ಮೆಚ್ಚಲೇಬೇಕು.