ವಿಮಾನ ಅಗ್ನಿ ಅನಾಹುತ; 172 ಯಾತ್ರಿಕರು ಪವಾಡ ಸದೃಶ ಪಾರು!

By Nagaraja

Published: Wednesday, September 9, 2015, 14:09 [IST]

ಬೆಚ್ಚಿ ಬೀಳಿಸುವ ಘಟನೆಯೊಂದರಲ್ಲಿ 172 ಪ್ರಯಾಣಿಕರನ್ನು ಹೊತ್ತುಕೊಂಡು ಅಮೆರಿಕದ ಲಾಸ್ ವೇಗಾಸ್ ನಿಂದ ಬ್ರಿಟನ್‌ನ ಲಂಡನ್ ‌ನತ್ತ ಹಾರಾಟ ನಡೆಸಲು ಸಿದ್ಧತೆ ನಡೆಸುತ್ತಿದ್ದ ಬ್ರಿಟಿಷ್ ಏರ್ ವೇಸ್ ನ ವಿಮಾನವೊಂದರಲ್ಲಿ ಅನಿರೀಕ್ಷಿತವಾಗಿ ಬೆಂಕಿ ಕಾಣಿಸಿಕೊಂಡಿದ್ದರೂ ಸಹ ಕ್ಷಿಪ್ರ ಕಾರ್ಯಾಚರಣೆಯಿಂದಾಗಿ ಸಂಭವನೀಯ ಭಾರಿ ದುರಂತವೊಂದು ತಪ್ಪಿದೆ.

ವಿಮಾನದ ಎಂಜಿನ್‌ನಲ್ಲಿ ಬೆಂಕಿ ಕಾಣಿಸಿಕೊಂಡಿದೆ ಎಂದು ಪ್ರಾಥಮಿಕ ತನಿಖಾ ವರದಿಗಳು ತಿಳಿಸುತ್ತಿದ್ದು, ತಾವೆಲ್ಲ ಪವಾಡ ಸದೃಶ ಅಪಾಯದಿಂದ ಪಾರಾಗಿದ್ದೇವೆ ಎಂದು ಪ್ರಯಾಣಿಕರು ತಮಗೆದುರಾದ ಅಪಾಯಕಾರಿ ಸನ್ನಿವೇಶದ ಬಗ್ಗೆ ವಿವರಿಸುತ್ತಾರೆ. [ಚಿತ್ರಪುಟದ ಕೊನೆಯಲ್ಲಿ ವಿಡಿಯೋ ಕೊಡಲಾಗಿದೆ.]

ವಿಮಾನ ಅಗ್ನಿ ಅನಾಹುತ; 172 ಯಾತ್ರಿಕರು ಪವಾಡ ಸದೃಶ ಪಾರು!

ಲಾಸ್ ವೇಗಾಸ್‌ನ ಮೆಕ್‌ಕ್ಯಾರನ್ (McCarran) ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ನಿಂತಿದ್ದ 257 ಆಸನ ಸಾಮರ್ಥ್ಯದ ಬೋಯಿಂಗ್ 777 ವಿಮಾನ ಇನ್ನೇನು ಕೆಲವೇ ನಿಮಿಷಗಳಲ್ಲಿ ಟೇಕ್ ಆಫ್ ಆಗಬೇಕಿತ್ತು.

ಇದರಂತೆ ಎಲ್ಲ 159 ಪ್ರಯಾಣಿಕರು ಹಾಗೂ 13 ಮಂದಿ ಸಿಬ್ಬಂದಿ ವರ್ಗದವರು ವಿಮಾನದೊಳಗೆ ಪ್ರವೇಶಿಸಿದ್ದರು ಎಂದು ವಿಮಾನ ಅಧಿಕಾರಿಗಳು ತಿಳಿಸುತ್ತಾರೆ.

ಪ್ರಸ್ತುತ ಪ್ರಯಾಣಿಕ ವಿಮಾನ ಲಾಸ್ ವೇಗಾಸ್ ನಿಂದ ಲಂಡನ್‌ನ ಗಾಟ್ವಿಕ್ ವಿಮಾನ ನಿಲ್ದಾಣಕ್ಕೆ ಪಯಣಿಸಬೇಕಿತ್ತು. ಆದರೆ ಸಡನ್ ಕಾಣಿಸಿಕೊಂಡ ಬೆಂಕಿಯು ಪ್ರಯಾಣಿಕರನ್ನು ಗಲಿಬಿಲಿಗೊಳಿಸಿತ್ತು.