ಕಾರಿನೊಳಗೆ ಕೂತಿದ್ದ ಸಿಇಒ ಮೇಲೆ ಸತತ ಗುಂಡಿನ ದಾಳಿ

ಜರ್ಮನಿಯ ಮರ್ಸಿಡಿಸ್ ಬೆಂಝ್‌ನಂತಹ ಕೆಲವೇ ಕೆಲವು ಬೆರಳಣಿಕೆಯ ಐಷಾರಾಮಿ ವಾಹನ ತಯಾರಿಕ ಸಂಸ್ಥೆಗಳು ಮಾತ್ರ ಶಸ್ತ್ರಸಜ್ಜಿತ ಬುಲೆಟ್ ಪ್ರೂಫ್ ವಾಹನಗಳನ್ನು ನಿರ್ಮಾಣ ಮಾಡುತ್ತಿದ್ದು, ಇದನ್ನು ಜಗತ್ತಿನ ಗಣ್ಯ ವ್ಯಕ್ತಿಗಳು ಬಳಕೆ ಮಾಡುತ್ತಾರೆ.

ಇಂತಹ ಕಾರುಗಳಲ್ಲಿ ಬುಲೆಟ್ ಪ್ರೂಫ್ ಗಾಜನ್ನು ಜೋಡಣೆ ಮಾಡುವ ಕಾರ್ಯವನ್ನು ಬಾಹ್ಯ ಸಂಸ್ಥೆಗಳು ಮಾಡುತ್ತವೆ ಎಂಬುದು ಅಷ್ಟೇ ಪ್ರಾಮುಖ್ಯವೆನಿಸುತ್ತದೆ.

ಇಲ್ಲಿ ಅಮೆರಿಕ ಮೂಲದ ಆರ್ಮರ್ ಸಂಸ್ಥೆಯೊಂದು ತಮ್ಮ ಬುಲೆಟ್ ಪ್ರೂಫ್ ಸಾಮರ್ಥ್ಯವನ್ನು ಸಾಬೀತುಪಡಿಸುವ ಸಲುವಾಗಿ ಸ್ವತ: ಸಂಸ್ಥೆಯ ಸಿಇಒ ಅವರನ್ನೇ ಕಾರಿನೊಳಗೆ ಕೂರಿಸಿಕೊಂಡು ಹೊರಗಡೆಯಿಂದ ಶೂಟರ್‌ನಿಂದ ಸತತ ಗುಂಡಿನ ದಾಳಿಗೈದಿದ್ದಾರೆ.

ಟೆಕ್ಸಾಸ್ ಆರ್ಮರಿಂಗ್ ಕಾರ್ಪೋರೇಷ್ ಸಿಇಒ ಟ್ರೆಂಟ್ ಕಿಮ್‌ಬಾಲ್ ತೋರಿರುವ ಧೈರ್ಯವನ್ನು (ವೀಡಿಯೋ ನೋಡಲು ಮರೆಯದಿರಿ) ನಾವಿಲ್ಲಿ ಮೆಚ್ಚಲೇಬೇಕಾಗಿದ್ದು, ಅವರು ತೋರಿರುವ ಆತ್ಮಸ್ಥೈರ್ಯವನ್ನು ವಿಶೇಷವಾಗಿ ಉಲ್ಲೇಖಿಸಬೇಕಾಗುತ್ತದೆ.

ಈ ರೋಚಕ ವೀಡಿಯೋ ಈಗ ವೈರಲ್ ಆಗಿ ಪಸರಿಸುತ್ತಿದ್ದು, ವಾಹನ ಪ್ರೇಮಿಗಳಲ್ಲಿ ಒಂದು ಕ್ಷಣಕ್ಕೆ ಮೈ ಜುಮ್ ಎನಿಸುವಂತೆ ಮಾಡುತ್ತದೆ. ಅಲ್ಲದೆ ಪ್ರಾಣ ಭಯವಿರುವ ಯಾರೇ ಆಗಲಿ ತಮ್ಮ ಕೆಲಸ ಹೋದರೂ ಪರವಾಗಿಲ್ಲ ಇಂತಹ ಸಾಹಸಕ್ಕೆ ಕೈಹಾಕಲ್ಲ ಎಂಬ ಅಭಿಮತ ವ್ಯಕ್ತಪಡಿಸುತ್ತಿದ್ದಾರೆ. ಅಷ್ಟಕ್ಕೂ ಕಾರಿನೊಳಗೆ ಕೂತಿದ್ದ ಸಿಇಒ ಮೇಲೆ 12 ಸುತ್ತಿನ ಗುಂಡಿನ ದಾಳಿಯನ್ನು ಹಾರಿಸಲಾಗಿತ್ತು ಅಂದರೆ ನಿಮ್ಮಿಂದ ನಂಬಲು ಸಾಧ್ಯವೇ? ಇಲ್ಲಿದೆ ನೋಡಿ ರೋಚಕ ವೀಡಿಯೋ...