ಸ್ಕೂಲ್ ಬಸ್‍‍ನಲ್ಲಿ ಸ್ಟಂಟ್ ಮಾಡಿ ಕೆಲಸ ಕಳೆದುಕೊಂಡ ಡ್ರೈವರ್

ಈ ಬಸ್‍‍ನ ನಂತರ ಕೆಲವು ಬೈಕ್ ಹಾಗೂ ಕಾರುಗಳು ಇದೇ ಜಾಗದಲ್ಲಿ ಸ್ಟಂಟ್‍‍ಗಳನ್ನು ಮಾಡಿವೆ. ಕೇರಳ ಪೊಲೀಸರು ಸ್ಟಂಟ್ ಮಾಡಿದ ಬಸ್ ಚಾಲಕ ಹಾಗೂ ಕಾರು ಚಾಲಕನನ್ನು ಬಂಧಿಸಿದ್ದಾರೆ. ಈ ಘಟನೆಯು ಕೇರಳದ ವೆಂದರ್‌ನಲ್ಲಿ ನಡೆದಿದೆ.

ವಿದ್ಯಾಧಿರಾಜ ಸ್ಕೂಲ್ ಬಾಡಿಗೆಗೆ ಪಡೆದಿದ್ದ ಟೂರಿಸ್ಟ್ ಬಸ್‍‍ನಲ್ಲಿ ಈ ರೀತಿಯ ಸ್ಟಂಟ್‍‍ಗಳನ್ನು ಮಾಡಲಾಗಿದೆ. ವೀಡಿಯೋ ವೈರಲ್ ಆದ ನಂತರ, ಕೇರಳದ ಮೋಟಾರು ವಾಹನ ಇಲಾಖೆ ಬಸ್ ಚಾಲಕನ ಮೇಲೆ ಕ್ರಮ ಕೈಗೊಂಡು ಆತನನ್ನು ಬಂಧಿಸಿದೆ. ಬಂಧಿತ ಚಾಲಕನನ್ನು ರಂಜು ಎಂದು ಗುರುತಿಸಲಾಗಿದೆ.

ಇದೇ ಜಾಗದಲ್ಲಿ ಸೆಡಾನ್ ಕಾರಿನಲ್ಲಿ ಸ್ಟಂಟ್ ಮಾಡುತ್ತಿದ್ದವವನ್ನು ಸಹ ಬಂಧಿಸಲಾಗಿದೆ. ಆತನನ್ನು 22 ವರ್ಷದ ಅಭಿಷೇತ್ ಎಂದು ಗುರುತಿಸಲಾಗಿದೆ. ಜಾಮೀನು ಪಡೆದ ನಂತರ ಇಬ್ಬರೂ ಚಾಲಕರನ್ನು ಬಿಡುಗಡೆಗೊಳಿಸಲಾಗಿದೆ. ಸಾರಿಗೆ ಇಲಾಖೆಯು ಬಸ್ ಅನ್ನು ವಶಪಡಿಸಿಕೊಂಡಿದ್ದು, ಕಾರು ಚಾಲಕನ ವಿರುದ್ಧ ಪ್ರಕರಣ ದಾಖಲಿಸಿದೆ.

ಈ ಬಸ್ ಅನ್ನು ಸ್ಟಡಿ ಟೂರ್‍‍ನಲ್ಲಿದ್ದ ಶಾಲಾ ವಿದ್ಯಾರ್ಥಿಗಳಿಗಾಗಿ ಬಾಡಿಗೆಗೆ ಪಡೆಯಲಾಗಿತ್ತು. ಬಸ್ ಚಾಲಕನು ಸ್ಟಂಟ್ ಮಾಡುವ ವೀಡಿಯೋ ವೈರಲ್ ಆದ ನಂತರ, ಸಾರಿಗೆ ಇಲಾಖೆ ಅಧಿಕಾರಿಗಳ ತಂಡವು ಬಸ್ ಶಾಲೆಗೆ ಹಿಂತಿರುಗುವವರೆಗೆ ಕಾದು, ಹಿಂದಿರುಗಿದ ಕೂಡಲೇ ಬಸ್ ಅನ್ನು ವಶಕ್ಕೆ ಪಡೆದಿದೆ.

ಇದರ ಜೊತೆಗೆ ಸಾರಿಗೆ ಅಧಿಕಾರಿಗಳು ಬಸ್‌ನ ಆರ್‌ಸಿ ಬುಕ್ ಅನ್ನು ವಶಪಡಿಸಿಕೊಂಡಿದ್ದಾರೆ. ಜೊತೆಗೆ ಚಾಲಕನ ಡ್ರೈವಿಂಗ್ ಲೈಸೆನ್ಸ್ ಅನ್ನು ಅಮಾನತುಗೊಳಿಸಿದ್ದಾರೆ. ಸಾರಿಗೆ ಇಲಾಖೆಯು ಈ ಪ್ರಕರಣದ ಕುರಿತು ತನಿಖೆ ನಡೆಸುತ್ತಿದೆ. ವಶಕ್ಕೆ ಪಡೆದಿರುವ ಬಸ್ ಅನ್ನು ಸದ್ಯಕ್ಕೆ ಪುಥೂರ್ ಪೊಲೀಸ್ ಠಾಣೆಯಲ್ಲಿ ನಿಲ್ಲಿಸಲಾಗಿದೆ.

ಸಾರಿಗೆ ಇಲಾಖೆ ಅಧಿಕಾರಿಗಳು ಬಸ್‌ನ ಮೆಕ್ಯಾನಿಕ್‌ಗಳ ಬಗ್ಗೆಯೂ ತನಿಖೆ ನಡೆಸಿದ್ದಾರೆ. ಈ ತನಿಖೆಯಲ್ಲಿ ಬಸ್‍‍ನಲ್ಲಿ ಅಳವಡಿಸಲಾಗಿದ್ದ ಸ್ಪೀಡ್ ಗವರ್ನರ್‌ಗಳನ್ನು ತೆಗೆದು ಹಾಕಿರುವುದು ಕಂಡು ಬಂದಿದೆ. ಭಾರತದಲ್ಲಿ ಭಾರೀ ವಾಹನಗಳಲ್ಲಿ ಸ್ಪೀಡ್ ಗವರ್ನರ್‌ಗಳನ್ನು ಅಳವಡಿಸುವುದು ಕಡ್ಡಾಯವಾಗಿದೆ.

MOST READ: ಹುಡುಗಿಯರಿಗೆ ಗೇರ್ ಬದಲಿಸಲು ಬಿಟ್ಟು ಡಿ‍ಎಲ್ ಕಳೆದುಕೊಂಡ ಡ್ರೈವರ್..!

ಈ ಗವರ್ನರ್‍‍ಗಳು ಬಸ್ ನಿಗದಿ ಪಡಿಸಿರುವ ವೇಗವನ್ನು ದಾಟದಂತೆ ನೋಡಿಕೊಳ್ಳುತ್ತವೆ. ಬಸ್‌ನಲ್ಲಿ ಹಾರ್ನ್‍‍ಗಳು, ಫ್ಯಾನ್ಸಿ ಲೈಟ್‍‍ಗಳು ಹಾಗೂ ಲೌಡ್‍‍ಸ್ಪೀಕರ್‍‍ಗಳನ್ನು ಅಳವಡಿಸಿರುವುದು ಕಂಡು ಬಂದಿದೆ. ಮೋಟಾರು ವಾಹನ ಕಾಯ್ದೆಯ ಪ್ರಕಾರ ಇವುಗಳನ್ನು ಅಳವಡಿಸುವುದು ಕಾನೂನುಬಾಹಿರ.

MOST READ: ಬೈಕುಗಳಲ್ಲಿ ಡೀಸೆಲ್ ಎಂಜಿನ್ ಏಕೆ ಬಳಸಲ್ಲ ಗೊತ್ತಾ?

ಇವುಗಳನ್ನು ಅಕ್ರಮವಾಗಿ ಅಳವಡಿಸಿದ್ದ ಕಾರಣಕ್ಕೆ ಬಸ್‌ನ ಫಿಟ್‌ನೆಸ್ ಸರ್ಟಿಫಿಕೇಟ್ ಅನ್ನು ರದ್ದುಪಡಿಸಲಾಗಿದೆ. ಈ ವೀಡಿಯೊದಲ್ಲಿ, ಹಲವಾರು ಬೈಕ್‌ಗಳು ಸ್ಟಂಟ್ ಮಾಡುತ್ತಿರುವುದನ್ನು ಸಹ ಕಾಣಬಹುದು. ಸಾರಿಗೆ ಇಲಾಖೆಯು ಈ ವೀಡಿಯೊವನ್ನು ಪರಿಶೀಲಿಸಿದೆ.

MOST READ: ಬಡ ದೇಶದ ರಾಜನಿಗೆ 15 ಮಡದಿಯರು, 19 ದುಬಾರಿ ಕಾರುಗಳು..!

ಪರಿಶೀಲನೆಯ ನಂತರ ಅಪಾಯಕಾರಿ ಸ್ಟಂಟ್‍‍ನಲ್ಲಿ ತೊಡಗಿದ್ದ ಏಳು ಬೈಕುಗಳನ್ನು ವಶಪಡಿಸಿಕೊಂಡಿದೆ. ಸಾರಿಗೆ ಇಲಾಖೆ ಅಧಿಕಾರಿಗಳು ವೀಡಿಯೊದಲ್ಲಿರುವ ಉಳಿದ ಬೈಕ್‍‍ಗಳ ರಿಜಿಸ್ಟ್ರೇಷನ್ ನಂಬರ್ ಪತ್ತೆಹಚ್ಚಲು ಪ್ರಯತ್ನಿಸುತ್ತಿದ್ದಾರೆ. ಪತ್ತೆ ಹಚ್ಚಿದ ನಂತರ ಉಳಿದ ಬೈಕುಗಳನ್ನೂ ಸಹ ವಶ ಪಡಿಸಿಕೊಳ್ಳುವ ಸಾಧ್ಯತೆಗಳಿವೆ.

ಈ ವೀಡಿಯೊದಲ್ಲಿ ಕಾಣುವ ಕಾರಿನ ಸನ್‍‍ರೂಫ್ ಅನ್ನು ಹೊರಗೆ ತೆಗೆದು, ಹುಡುಗಿಯೊಬ್ಬಳು ಬಾವುಟ ಹಾರಿಸಿದ್ದಾಳೆ. ಈ ಕಾರಿನಲ್ಲಿದ್ದವರನ್ನು ಪತ್ತೆ ಹಚ್ಚಿದ ನಂತರ ಕಠಿಣ ಕ್ರಮ ಕೈಗೊಳ್ಳಲಾಗುವುದು ಎಂದು ಸಾರಿಗೆ ಇಲಾಖೆ ಹೇಳಿದೆ.

ಸಾರಿಗೆ ಇಲಾಖೆಯು ಬಸ್ ಮಾಲೀಕರನ್ನು ತನಿಖೆಗೆ ಹಾಜರಾಗಲು ಸೂಚಿಸಿದೆ. ಇದರ ಜೊತೆಗೆ ಸಾರಿಗೆ ಇಲಾಖೆ ಅಧಿಕಾರಿಗಳು ಜಿಲ್ಲೆಯಲ್ಲಿರುವ ಇತರ ಬಸ್‌ಗಳ ಬಗ್ಗೆ ತನಿಖೆ ನಡೆಸಿ ಅಕ್ರಮವಾಗಿ ಮಾಡಿಫೈಗೊಳಿಸಿರುವ ಬಗ್ಗೆ ಪರಿಶೀಲನೆ ನಡೆಸುತ್ತಿದ್ದಾರೆ.

Source: Mathrubhumi News/YouTube